वेज मोमोज - चटणी

मोमोज चटणीसाठी साहित्य व कृती :
१ टिस्पुन साखर, थोडे मिठ, १ टिस्पुन लिंबूरस, २ टिस्पुन तेल.
२ टोमॅटो आणि ४ सुक्या लाल मिरच्या हे दोन्ही थोडे पाणी घालुन कुकरला १ शिट्टी काढुन शिजवुन घ्या. टोमॅटो वरची साल काढुन, टोमॅटोमिरची, २-३ लसुन पाकळ्या आणि तेवढेच आद्रक एकत्र मिस्करला वाटुन घ्या.
- गरम तेलामध्ये आद्रक-लसुन, टोमॅटो-मिरची मिश्रण, साखर, मिठ, लिंबूरस सर्व पाच मिनिट शिजवा.
चटणी तयार आहे.

कव्हरसाठी साहित्य व कृती :
१ कप मैदा किवा गव्हाचे पीठ घ्यावे. त्यात थोडे मिठ आणि दोन चमचे तेल टाकुन पाण्याने घट्ट भिजवुन घ्यावे.
अर्धा तास झाकुन ठेवा. आपण पोळ्या करण्यासाठी जे कणिक मळुन फ्रिजला ठेवतो ते देखिल इथे वापरता येते.

सारणासाठी साहित्य व कृती:
शिमला मिरची, गाजर , पत्ताकोबी , कांदा हिरवी पात व सफेद भाग या प्रत्येकी भाज्या १ छोटी वाटी धुवून घ्याव्या. यामध्ये तुम्ही पनीर, स्विटकॉर्न यासारख्या बर्‍याच भाज्या वापरु शकता.
अदरक-लसुन व हिरवी मिरची याची १ मोठा चमचा पेस्ट किवा हे सर्व थोडे जाडसर कुटुन घेतले तरिही चालेल.
२ टी स्पून तेल, सोया सॉस १ चमचा, १/२ चमचा मिरेपूड व मीठ चवीनुसार.
- गरम तेलामध्ये अदरक-लसुन व हिरवी मिरची याची पेस्ट घालुन, वरिल सर्व भाज्या घालुन पाचच मिनिट शिजवा. मग यात मिरेपूड व मिठ घालुन दोनच मिनिटे शिजवुन भाजी थंड करायला ठेवा. याला जास्त शिजवुन खिमा करायचा नाही.

आपण भिजवलेल्या कणकेची लहान पुरी लाटुन त्यात १ चमचा किवा अंदाजे तयार भाजी भरून मोदकाचा आकार द्यावा. आपल्या आवडीप्रमाने वेगवेगळे आकार देता येतात. भाजी जेवढी जास्त भरणार तेवढे हे मोमोज छान रुचकर लागतात. आता या मोमोजना, उकडीच्या मोदकाप्रमाणे कुकरमध्ये १०-१५ मिनिट वाफवुन घ्या. (यावेळी कुकरची शिट्टी बाजुला काढुन ठेवा.)

चमचमीत मोमोज खायला तयार आहेत.