तुमचा कधी वर्तमानपत्रात फोटो आला आहे का?

मी जिथे वाढलो त्या शहराच्या मूळ जुन्या गावात आषाढी एकादशीला विठोबाचा ग्रामरथ निघतो. तो रथ जाडजूड दोरांनी ओढतात. मी माझी दहावीची शिकवणी बुडवून रथाला गेलो, दिवसभर शिकवणी होती आणि मी दप्तर घेऊन रथ ओढत होतो. काहीवेळाने मुख्य चौकात रथ आल्यावर आमच्या आबासाहेबांनी (तीर्थरूप) एका मुलाकरवी बोलावणे धाडले, आणि भर चौकात अशी काही कानाखाली वाजवली कि आजूबाजूच्या ५० मीटर परिघातील लोक आमच्याकडे पाहू लागले. घरी जाऊन अजून मार खाल्ला. सकाळी बऱ्यापैकी अंग ठणकत होतं, तरी क्लासला निघालो होतो. नेमकं दारात असताना शेजारचे काका हातात पेपर घेऊन माझा रथ ओढतानाचा गर्दीतला फोटो दाखवत होते, मी आबांकडे बघत होतो आणि आमचं घर हसत होतं!

बोहनी?
मला नाट वाटून रायला वं.

मी दहावीच्या परीक्षेत तालुक्यात पहिली आले होते तेव्हा पेपरमध्ये फोटो आला होता

तेव्हा पेपरमध्ये फोटो आला होता
नवीन Submitted by वावे on 28 January, 2020 - 09:25>> कोणाचा फोटो?

अभिनंदन पाटील जी, ऋन्मेष आणि वावे.
मध्यंतरी एका मुलाखतीच्या वेळी सकाळ मध्ये, तर व्याख्यानाचे वेळी लोकमत व पुढारी मध्ये फोटोत झळकण्याची संधी मला लाभली.

माझ्या आधीच्या कम्पनी ने, जाहिराती साठी एम्प्लॉईज चे फोटो घेऊन फ्लेक्स बोर्डस, पेपर मधे छापले होते. आणि वेब साईट वर सुद्धा टाकले होते. I was part of it!

मी दहावी बोर्ड मध्ये आले होते , मग काय फूटूच फूटू.. हार तूरे बक्शीसे

>>मी दहावीच्या परीक्षेत तालुक्यात पहिली आले होते Proud तेव्हा पेपरमध्ये फोटो आला होता Happy

Submitted by वावे on 28 January, 2020 - 19:55

Same here

अरे वाह बरेच हुशार लोक आहेत माबोवर!!

मी काहीच खास केलं नसताना केवळ प्रेक्षकांत उभी होती म्हणून माझा TOI मधे फोटो आला होता

तसा मी शाळेत हुशार म्हणूनच गणला जायचो.
दहावीच्या निकाल लागला तेव्हा वर्तमानपत्रात फोटो छापून आला होता.
.
.
कोणाचा म्हणुनी काय पुसता दाताड वेंगाडुनी?
अहो
बोर्डात आलेल्या शाळेतल्या मुलाचा !!

*अरे वाह बरेच हुशार लोक आहेत माबोवर!!* - आहेतच कीं, आमच्या सारखे 'फोटूवाले ' पण ! -

अहो, पण पुन्हा भटकायला गेलात, तर परत तोच फोटो द्यावा लागेल ना पेपरात, ' हरवलेत ' म्हणून !!

झकास. सर्व फोटोवाल्यांचे अभिनंदन.

मी लहानपणी हरवलो असताना घरचे हरवला आहे म्हणुन वर्तमानपत्रात फोटो देण्याचा विचार करत होते म्हणे. आणि मला जर हे माहीत असते तर मी लौकर सापडलोच नसतो आणि माझा आला असता फोटो.

.

.

चौथी आणि सातवीच्या स्कॉलरशिप परीक्षेत अनुक्रमे जिल्ह्यात दुसरा आणि चौथा क्रमांक आला होता माझा. त्या दोन्ही वेळी वर्तमानपत्रात माझा फोटो छापून आला होता. भारी वाटलं होतं तेव्हा एकदम.

१०वी ला बोर्डात गुणवत्ता यादीत आल्यावर वर्तमानपत्रात फोटो आले होते.

अ‍ॅमी पांढरा शर्ट - उभी बरोबर? कसला गोड फोटो आहे.

@चामुंडराय =))

थोडेसे विषयांतर:

व्यक्तिश: मला कधीच शाळेच्या परीक्षेत "पहिल्या नंबरांत येणाऱ्यांचा" जो गवगवा केला जात होता तो कधीच फारसा आवडला नाही (मी स्वत: "पहिल्या नंबरांत येणाऱ्यांच्या" कम्युनिटीमधलाच एक असूनही). "पहिल्या नंबरात येणाऱ्या मुलांना प्रोत्साहन देणे" असे त्याचे समर्थन कधी पटले सुद्धा नाही. कारण नंबरात न येणारी मुले आणि नापास झालेली कित्येक मुले त्यांच्या ठायी केवळ परीक्षेत मार्क मिळवण्याकरीता लागणारे कौशल्य नसल्याने पुढील आयुष्यात नाउमेद होऊन बसलेली पाहिली आहेत. अर्थात, त्यातले काही (फार कमी) जिगरबाज पण असतात जे याला न जुमानता पुढील आयुष्यात त्यांच्या आवडीच्या क्षेत्रातील कौशल्य वापरून (जे शिक्षण पद्धतीत/परीक्षेत केल्या जाणाऱ्या मूल्यांकनात कधीच विचारात घेतले जात नाही) चांगलीच मुसंडी मारतात, अशीही उदाहरणे पाहिली आहेत. त्यामुळे "पहिले येणे" हे फार कधी ग्रेट वगैरे वाटले नाही. असो. विषयांतर समाप्त.

माझा मुलाचा लेगोचा विजेता म्हणून फोटो आला होता...
आणि मुलीचा असाच फोटो एका छायाचित्रकारने विनंती करून एपीएम्सी मॉर्केट्मध्य काढ्ला होता... नाताळ मॉकेट म्हणून.. आणि तो छापूनपण आला होता...

अनेक पेपरवाले मला विनंती करतात की तुमचा फोटो वर्तमानपत्रात छापू द्या, वाटल्यास हवा तो मोबदला घ्या. पण मी बोलतो नको राहू दे. मला प्रसिध्द नका देऊ. मी एक साधा सरळ गरीब माणूसच बरा आहे.

माझा फोटो नाही, पण रितसर मुलाखात घेतली होती.
बोकलत असेच नाव होते मुलाखातकाराचे. पण मुलाखात घेतल्यावर ते जे समोरील पिंपळाच्या झाडावर लटकले ते गटकले.
हे वरील गृहस्थ नामसाधर्म्यामुळे कदाचित ओळखीचे वाटतात.
भेटूया अमानवीय वर.

माझा लवकरच फोटो येण्याची शक्यता आहे. एकजण गळा चिरण्याची धमकी देत आहे मला.

मी दहावीला जिल्ह्यात अन् शाळेत पहिली होते तेव्हा फोटो आला होता. आणि एकदा गीतमंच विभागात असताना काहितरी सांस्कृतिक कार्यक्रम होता त्याचा ही गृप फोटो पेपरला आला होता.

आम्ही रोज दुसऱ्यांचे फोटो पेपरात छापतो.