चित्रपट परीक्षण/रिव्यू : 'Tanhaji: The Unsung Warrior'

{थोडी सिनेमॉटीक लिबर्टी घेतली आहे पण जास्त उत्कंठावर्धक दाखवण्याच्या नादात कथेत जास्त तोड मोड केली नाही हे विशेष.}

काय बदल केलेत?

संपादित

घोरपडी ऐवजी घोरपडे बंधू दाखवले आहेत.
सूर्याजी दोर कापतो ते दाखवले नाही.

'तानाजी मालुसरे'वर PHD केलेल्या कोणी डॉ. शीतल मालुसरे ची मदत घेतली आहे,कदाचित तसंच झालं असेल जसं सिनेमात दाखवलय.

प्रचंड आवडलाय सिनेमा. 3D मध्ये पहायला खूप मजा आली.

शाळेत शिकलेला इतिहास.
लढाईत तानाजी मरतो.
मावळे पळ काढू पाहतात.
शेलारमामा दोर कापून टाकतो.
लढाई. मावळ्यांचा जय.
गडावर आग पेटवून महाराजांना गड जिंकल्याचा संदेश.
तान्हाजी गेल्याचं कळल्यावर महाराज म्हणतात - गड आला पण सिंह गेला.
गडाचं नाव बदलून सिंहगड.

यातलं काय दाखवलं?
तानाजीने महाराजांच्या पायांशी प्राण सोडले होते?
उदयभान नक्की असा होता?

या लढाई वरूनच गडाचं नाव बदललं ,तरीही तान्हाजी अनसंग हिरो?

चांगला मनोरंजक चित्रपट आहे असं म्हणा.
ऐतिहासिक नाही.

ऐतिहासिक आहे कारण बाकीचा इतिहास पण दाखवला आहे. आपल्याला तानाजी आणि पूर्ण कथा माहीत आहे पण नॉन मराठी ऑडिअन्सला नीट समजायला छान दाखवलं आहे.खूप मस्त आहे. नक्की पहायला पाहिजे.
रायबा cute आहे एकदम
सूर्याजी, शेलार मामा आणि मला सावित्री पण आवडली.
मी खूप fan झालीये ह्या सिनेमाची.

घोरपडी ऐवजी घोरपडे बंधू दाखवले आहेत.>> घोरपडे बंधुंकडे कोणत्याही कडा-कपारीला चिकटुन वर चढण्याचं कसब होते त्याचा वापर करुन तानाजींनी आपले सैन्य कोंढाण्यावर नेले असा इतिहास आहे. परंतु घोरपडे बंधुंचे नाव घोरपडीशी संबंधीत असल्याने ते इतिहासात तसे रुढ झाले असावे असे वाटते.

वास्तवीक जीवनात एवढ्याशा घोरपडीच्या शेपटीला दोर बांधुन एकतरी माणुस कडा चढु शकेल का हा विचार करुन बघितल्यास ते अशक्य वाटते. घोरपडे बंधुंचे कसब हेरुन तानाजींनी त्यांना ही कमगिरी दिली असेल.

बाकी चित्रपट अतिशय छान आहे.
१५० करोड खर्च करुन बनविण्यात आलेल्या या चित्रपटाने पहिल्याच आठवड्यात १०० कोटी कमवले आहेत... इट कुड बी ए बिग हिट. पानिपत चित्रपटाचं मात्र अपेक्षेप्रमाणे पानिपत झालं. १०० करोड खर्च झालेल्या पानिपतचे कसेबसे ४९ कोटी वसुल झाले. ए बिग लुजर..!

बाकीच्या वीरांचे सिनेमे काढायला पाहीजेत. बाजीप्रभू देशपांडे, महाराणा प्रताप, पृथ्वीराज चौहान, खुद्द शिवाजी महाराजांवर हिंदी सिनेमा बघायला आवडेल

घोरपडे बंधुंकडे कोणत्याही कडा-कपारीला चिकटुन वर चढण्याचं कसब होते त्याचा वापर करुन तानाजींनी आपले सैन्य कोंढाण्यावर नेले असा इतिहास आहे. ---ओहह

छान आणि धन्यवाद !

यातलं काय दाखवलं?
तानाजीने महाराजांच्या पायांशी प्राण सोडले होते?
उदयभान नक्की असा होता
याच कारणासाठी सिनेमा नाही आवडला. तान्हाजी हीरो करण्याच्या नादात इतिहासाची मोडतोड केली आहे.
पुढील पिढीला हाच इतिहास माहीत होईल

मोडतोड केलेले चित्रपट कचकुन आपटतात.. हाही इतिहास आहे

अश्या सिनेमामुळे इतिहासाबद्दल आवड निर्माण होते. आमचं उदाहरण -दिवाळीत सगळेजण सिंहगडावर सहलीला गेलो होतो. मुलानी ट्रेक, भजी, पिठलं-भाकरी सगळं मस्त एन्जॉय केलं. तिथे जो इतिहास लिहिला होता तो काही त्याला डोक्यात आणि मनात जायला तयार नाही. शेवटी मी नाद सोडला.
हा सिनेमा बघून आल्यावर तोच म्हणाला की पुढच्या वेळेस तुम्ही मला historical आणि temple places ना नेणार असाल तर आधी मला त्याबद्दल मूवी दाखवायचा. आता सगळ्यांना तो सांगत फिरतोय, I have been to this place. You should come to my hometown and we will go there. You would enjoy it, it's mesmerizing place with good food.

>>बाकीच्या वीरांचे सिनेमे काढायला पाहीजेत. <<
अजय देवगणचा तोच प्लॅन आहे. चला हवा येऊ द्या मध्ये त्याने सांगितलेलं कि "अनसंग हिरो" हि चित्रपट मालिका त्याला बनवायची आहे. तानाजी त्या मालिकेतली पहिली शृंखळा...

छान रिवयु! आवडला!
मला सगळ्यात जास्त खटकलेली गोष्ट म्हणजे काजोल! प्रचंड कृत्रिम वाटत राहते.
काही गोष्टीही खटकल्या,(vfx, logic etc) पण नगण्य धरता येतील अशाच.
रेटिंग वाईज माझ्याकडून तरी ५ स्टारच. कारण हा एक वन्स इन अ लाईफटाईम experience च असू शकतो, शिवकालीन विश्वाचा. जसा कट्यार काळजात घुसली संगीत नाटकांमधील होता.

घोरपडे बंधुंकडे कोणत्याही कडा-कपारीला चिकटुन वर चढण्याचं कसब होते त्याचा वापर करुन तानाजींनी आपले सैन्य कोंढाण्यावर नेले असा इतिहास आहे.
>>>>>

ओह ! आणि मी आजवर खरेच घोरपडीच्या शेपटाला दोर बांधून बगैरे समजत होतो...

हे तर उलटे झाले.. चित्रप्टामुळे मला खरा ईतिहास समजला

धन्यवाद अजय देवगण !

ओह ! आणि मी आजवर खरेच घोरपडीच्या शेपटाला दोर बांधून बगैरे समजत होतो... - मी सुद्धा!

गडाला यामुळे सिंहगड नाव पडले हेही चूक आहे
कोंढाणा आणि सिंहगड अशा दोन्ही नावांनी प्रचलित होता
आणि किल्ला सतत मुघल मराठे परत मुघल असा हस्तांतरित होत राहिला
नंतर मग पेशव्यांचे दप्तर ठेवले गेले
ट्रेलर मध्ये सांधण व्हॅली आणि तिथले देवगणचे सिंघमिय पराक्रम बघूनच हा बघायचा नाही असं ठरवलं होतं
पण सगळे इतके कौतुक करत आहेत तर एकदा बघावा वाटत आहे

ट्रेलरवरुन खरतर मुव्ही ओके वाटला होता पण सगळे रिव्ह्युज मात्र छान छान म्हणतायत तेव्हा पाहायलाच हवा.

डॉ . शीतल मालुसरे यांचा समावेश चित्रपटाच्या रिसर्च टीम मध्ये करण्यात आला आहे . त्या तानाजी मालुसरेंच्या बाराव्या पिढीतील सुनबाई आहेत .तान्हाजींच्या मृत्यूनंतर त्यांचा मुलाचं रायबाचं लग्न स्वतः महाराजांनी लावून दिल . त्याला आपल्या गळ्यातील कवड्यांची माळ घातली . ती माळ अजूनही पिढ्यानुपिढ्या जपून ठेवलेली आहे . महाराजांनी रायबाचं लग्न लावून दिल आणि त्यांना किल्ले पारगडाच किल्लेदारपद दिल . हा किल्ला स्वराज्याच्या पार दक्षिण टोकाला आहे म्हणून किल्ल्याच नाव पारगड. . या पारगडावर तान्हाजींच्या दहा पिढ्या नांदल्या . पण त्यांची अकरावी पिढी व्यवसायाच्या निमित्ताने बेळगाव जिल्ह्यातील अनगोळ येथे स्वलांतरित झाली . बाळकृष्ण मालुसरे हे तान्हाजींच्या घराण्याचे अकरावे वंशज त्यांच्या सुनबाई म्हणजे डॉ शीतल मालुसरे. डॉ. शीतल यांची याच विषयावर "रायबा" नावाची कादंबरी येत आहे . चित्रपट अतिशय सुंदर आहे . परवाच पाहिला

ट्रेलर मध्ये सांधण व्हॅली आणि तिथले देवगणचे सिंघमिय पराक्रम बघूनच हा बघायचा नाही असं ठरवलं होतं
पण सगळे इतके कौतुक करत आहेत तर एकदा बघावा वाटत आहे
>>>>>

लोकांना तेच आवडलेय बाहुबली टाईप्स. त्यात जोडीला मराठी लोकांना ईनोशनलीही रिलेट झाला.

बाकी दिपिकाचा छपाक पडावा म्हणून ही काही जण तान्हाजीशी तुलना करत याचे एक्स्ट्रा कौतुक करत आहेत हा एक वेगळाच सीन आहे.
या संदर्भात एक मजेशीर पोस्ट वाचली एफबीवर..
आपल्या मुलांना छपाक दाखण्यापेक्षा तान्हाजी दाखवा म्हणजे ते कुठल्या मुलीवर एसिड टाकायचा विचारही करणार नाहीत..... कपाळावर हात मारला मी !

सुजा, रोचक माहिती

अनसन्ग वॉरियर सिरिज करतोय हे खरच कौतुकास्पद आहे, अजय देवगण मला नेहमी प्रामाणीक अ‍ॅक्टर वाटलाय, डाउन टु अर्थ पण आहे , सगळ्या मुलाखती एकताना जाणवत.
तानाजी/तान्हाजी अनसन्ग हिरो आपल्यासाठी नसेल पण महाराश्ट्राबाहेर किती लोकाना माहित असेल?

माझ्या मित्र परिवार बहुसंख्येने चित्रपट पहायला गेले आणि जवळजवळ सगळेच कौतुक करत आहेत म्हणून मी बायको आणि मुला सोबत आज दुपारी जाणार आहोत पहायला तान्हाजी.
मुलगा पहिलीत शिकतोय म्हणून आता पासुनच त्याला थोडा फार का होईना आपला इतिहास दाखवण्याचा प्रयत्न करतोय. लहान लहान गडावर पण घेऊन जातो. विश्रामगड, लोहगड, ञिगंलवाडी, भंडारगड, अंजनेरी.

काल बघितला. ठीक ठीक वाटला.

मी सुद्धा खरेच घोरपडीला दोर बांधून तिला वर सोडले असे समजयचो. पण वर कुणी हेराने तो दोर मग झाडाला बांधला असावा आणि मग मावळे वर चढले असावे असे वाटायचे.

मी राहते त्या भागात अजिबात मराठी राहत नाहीत. थेटर पूर्ण भरलेलं होतं, तिकिटं अजूनही मिळत नाहीत. आम्ही पहिल्या रांगेत बसून बघितला. पब्लिक एकदम शांतपणे सिनेमा बघत होत. कुठेही टिपिकल टाळ्या-शिट्या नव्हत्या, सिंबा मुविला पूर्ण थेटर आवाज करत होत. शेवटचं काजोलच गाणं तसं काही catchy नाही, तरीही लोकं उठून गेले नाहीत. बहुतेक हा मी पाहिलेला पहिलाच हिंदी 3D मूवी.
सुजा, चांगली माहिती.
राज- मजा येईल unsung warrior series बघायला, चांगली बातमी.

हो हैद्राबादला सुद्धा आम्ही राहतो त्याभागात मराठी लोक जवळजवळ नाहीच. पण आमच्या भागातील शोज सुद्धा हाऊसफुल जात आहेत.

भन्साळीने नाही काढला हा चित्रपट हे एक बरेय...