सोळा आण्याच्या गोष्टी - मुलगी पसंत आहे! - अज्ञातवासी

हिम्मतराव तसा रंगेल माणूस, पण आता वयोमानाने शरीर साथ देत नव्हतं...
"मला मुलगी पसंत आहे."
मुलीची पसंती झाली.
त्याच्या नातवासाठी... संग्रामसाठी...
हिम्मतरावाच्या तोंडून मुलीचंच कौतुक...
...आणि रात्री हिम्मतराव गेला...
सगळ्यांना दुःख झालं.
संग्राम तर गप्प गप्पच राहायला लागला. कुणाशीही जास्त बोलत नव्हता...
मात्र घरच्यांनी काळजावर दगड ठेवून, संग्रामचा विवाहसोहळा पार पडला.
विवाहाच्या पहिल्या रात्री...
"अशीच पोरगी पाहिजे होती...
पण तिच्याबरोबर रहायला जुनं खोड काय कामाच? म्हणून लगेच वठलेलं खोड सोडलं, आणि हिरवंगार झाड धरलं. आता आवाज लवकर बदलला पाहिजे, जमल तेही हळूहळू... आता शांत...
येईलच ती इतक्यात, सगळी तहान मिटेल..."
...संग्राम हिम्मतरावाच्या आवाजात पुटपुटत होता...
"शेवटी मलाच मुलगी पसंत आहे..."