रगताची नाती

Submitted by अर्मोह on 3 September, 2019 - 07:14

इसरु लागली कशी ही नाती,
कधी काळी रगताची जी व्हती,
मायबापानं ज्यानला आपल मानलं,
तिच नाती बघ निघाली खोती,
तिच नाती बघ निघाली खोती ..

फोडा परीस बघ जपल हो जीनं,
बोट धरुन चालाया शिकिवलं ओ तीनं
तीच माय आता रडाया लागली,
भिताड धरुन बघ चालाया लागली ..

इसरु लागली अशी ही नाती ..

खाऊसाठी रोज रुपाया दिला हो जीनं,
हिशेब प्रेमाचा न्हायी मागितला ओ तीनं,
आतुरलेली माय ती नातवांच्या भेटीसाठी,
महाग झालीय बघ साद्या औषिदासाठी ..

इसरु लागली अशी ही नाती ..

सवता मरुन जगाया शिकिवलं ज्यानं,
पोट आवळुन खाया घातलं हो त्यानं,
त्योच बाप आता कन्हाया लागला,
भाकरी पायी बघ झुराया लागला ..

इसरु लागली अशी ही नाती ..

सवताचा ना कधी इचार हो केला,
दुख्ख: इसरुन नेहमी आनंद ओ दिला,
त्योच बाप बघ बनला आडकाठी,
गुन्हा त्याचा का जलम देउन पोटी.

इसरु लागली अशी ही नाती ..

झटत्यात मायबाप एकमेकाच्या सुखासाठी,
जगत्यात ओ कसतरी एकमेकाच्या प्रेमापोटी,
आस लावुन धरलीया जगन्याची खोती,
वाट बघत्यात बघ मरनाच्या काठी ..

विषय:

शब्दखुणा:

Groups audience:

Group content visibility:

Use group defaults

शेअर करा

रगताची नाती इसरू लागली......
नातीगोती ही गोतावळ होऊ लागली.......

खोल वर मनात रुजली
आपली कविता फारच सुंदर
छान

Submitted by यतीन on 3 September, 2019 - 07:32