Submitted by T. J. Patil on 4 May, 2019 - 02:54
जगत रहावे धुंदपणाने..।
हळूच फुलूनी यावे कळीने
फूलही अलगद उमलत जावे
कविता मजला सहज सुचावी
गीत मनाचे ओठांवर यांवे
झुळझुळना-या झ-यासारखे
बोल सुचावे सहजपणांने
स्वरलहरींची जमून मैफिल
शब्दांचे व्हावे मंजूळ गाणे
रिमझीमणा-या श्रावणसरींसम
बरसत यावी अोली कविता
जिवनगांणे असे सुचावे
शब्दजलाची वाहती सरिता
विरूनी जावे माझे मीपण
गात रहावे मंद स्वराने
मंतरलेल्या या काव्य मैफिली
जगत रहावे धुंदपणाने..।
.... टी.जे.पाटील
शब्दखुणा:
Groups audience:
Group content visibility:
Public - accessible to all site users
शेअर करा
छान आहे कविता
छान आहे कविता