मानलं तुला

Submitted by हिज हायनेस on 16 April, 2019 - 06:48

घसरुन पाय पडलास जरी उताणा
म्हणशी तरी पाय आहेत वरी पहाना.
आहेस कसा नि किती तू निलाजरा
ठेवतोस कसा बनेल चेहरा तू हासरा
लागता आच थोडी उडाला सोनेरी मुलामा
पडले उघडे पितळ खोटे भंगली लालिमा
आणून आव खोटा सावरु पाही प्रतिमा
हरलास तू पसरली प्रतिमेवर तव काळिमा
हद्द ही निर्लज्जपणाची हे का कुणा कळेना
मिळण्या सहानुभूती जनांची कशास करीसी वल्गना
सत्य असत्य तुझे तुजपाशी आहे तुज सारी कल्पना
होऊनही मुखभंग तरी ठेविशी चेहरा तो हासरा
मानलं तुला खरोखरी दिसला तुझा खरा तो चेहरा

विषय:

काव्यलेखन

शब्दखुणा:

चेहरा

Groups audience:

गुलमोहर - कविता

Group content visibility:

Use group defaults

शेअर करा

वास्तववादी जबरदस्त कविता..!

वास्तववादी जबरदस्त कविता..! आयुष्यात अशी अनेक माणसे भेटली...

Submitted by रत्न on 16 April, 2019 - 13:27

धन्यवाद रत्न.

Submitted by हिज हायनेस on 16 April, 2019 - 14:12

अप्रतिम कविता. पु ढील

अप्रतिम कविता. पु ढील कवितेच्या प्रतीक्षेत.

Submitted by अश्विनीमामी on 17 April, 2019 - 04:58

धन्यवाद अमा.

Submitted by हिज हायनेस on 17 April, 2019 - 05:18

फार छान

Submitted by मुक्ता.... on 17 April, 2019 - 09:33

धन्यवाद रोहिणी. तुम्हाला खरेच

धन्यवाद रोहिणी. तुम्हाला खरेच पटली का माझी कविता. मला अजून कविता करता येत नाही. उगाच जोडजाड करतो शब्दांची.

Submitted by हिज हायनेस on 17 April, 2019 - 10:30

प्रतिसाद देण्यासाठी सर्वांचे

प्रतिसाद देण्यासाठी सर्वांचे आभार. कविता करणं खूप कठीण काम आहे. हे लक्षात आले आहे.

Submitted by हिज हायनेस on 18 April, 2019 - 08:23

आजारी मित्राला समर्पित कविता

आजारी मित्राला समर्पित कविता आहे ही. मित्रा गेट वेल सून. तूझी खत वाटली. म्हणून लिहिली आहे. घरच्यांना व बाकी लोकांना माझा नमस्कार आवर्जून कळव.

Submitted by हिज हायनेस on 18 April, 2019 - 13:57

जमलीये कविता.

जमलीये कविता.
आजारी मित्राला समर्पित कविता आहे ही.> >>>>> आजारी मित्राला उताणा पडलास तरी पाय वर आहेत असं म्हणतोस .. असं का लिहिलं असेल?
मला वाटलं मोदींबद्दल लिहिलंय