Submitted by Kirti d tekale on 24 February, 2019 - 02:59
#गझल
गाय मी बांधली दावणीला तुझ्या __
ठेव सीमा जरा मागणीला तुझ्या __
जाहली पाखरे रक्तबंबाळ ती,
घाल आवर जरा गोफणीला तुझ्या __
आज साकारला शेर लाखातला,
धार चढली किती लेखणीला तुझ्या __
कर सखे तू जरा दुःख हलके तुझे,
भार होतो किती पापणीला तुझ्या __
वागला केवढा तू नितीने तरी,
दुःख आले कसे वाटणीला तुझ्या __
© सौ. किर्ती ज्ञानेश्वर टेकाळे
Groups audience:
Group content visibility:
Use group defaults
शेअर करा
छान! आवडली.
छान! आवडली.
शाली जी धन्यवाद ___
शाली जी धन्यवाद ___