Submitted by महेश मोरे स्वच्छंदी on 11 August, 2018 - 01:14
परवानगी द्या
- स्वच्छंदी
हात गुंफायची परवानगी द्या
ओठ चुंबायची परवानगी द्या
शोध घेईन मी तिचिया तळाचा
खोल डुंबायची परवानगी द्या
बंद होईल तगमग ह्या जिवाची
राज खोलायची परवानगी द्या
वादळांनो कधीही या, परंतू
रान पेरायची परवानगी द्या
दोष होता कुणाचा सांगतो मी
दोष शोधायची परवानगी द्या
भूक ताटात येताना म्हणाली
कोर मागायची परवानगी द्या
शुभ्र सदऱ्यातही शोभेन मी बस्
झूठ बोलायची परवानगी द्या
Groups audience:
Group content visibility:
Public - accessible to all site users
शेअर करा
