डूडल वॉल आर्ट - १

Submitted by rar on 24 April, 2018 - 11:58

ऑक्टोबर २०१६ मधे मी डूडलिंगच्या माझ्या प्रयोगाबद्दल मायबोलीवर लिहिले होते. त्यानंतर आज जवळजवळ दीड वर्षांनी मी मायबोलीवर माझी डूडल्स पोस्ट करत आहे/करणार आहे. या मधल्या काळात मी खूप डूडलींग केलं. साध्या कागदाच्या पाठकोर्‍या बाजूवर गिरगटण्यापासून सुरुवात करून मी सराव करत करत ए४ आकाराचा कागद, स्केचींग चा कागद इथपासून आता कॅनव्हास किंवा फोम बोर्ड फ्रेम वर डूडल करण्यापर्यंत प्रवास करत आले आहे. शाळकरी वयानंतर बायलॉजीमधल्या फिगर्स सोडल्या तर कधीच चित्रकलेकडे लक्ष दिले गेले नव्हते. त्यामुळे 'मनात इच्छा आहे पण हवा तसा हात वळत नाही' ह्या फेजपासून आता सरावानं सहजपणे हात वळायला लागला आहे ह्या स्टेजपर्यंत पोचण्यात खूप आनंद आणि समाधान आहे.
हे पांढर्‍या फोम बोर्ड वर (20 inch x 30 inch) काळ्या मार्करने केलेले डूडल वॉल आर्ट.