बागकाम अमेरिका - २०१८

फ्लावर शोचं माहित नाही पण मी मम्सची ११ कटींग्ज मागवली आहेत. असलेल्याच झाडांचं नवीन मोठ्या कुंड्यांमध्ये स्थलांतर करायचं आहे. थंडीत मारलेली झाडं उपटून कुंड्या रिकाम्या करणं हे कामंही आहेच.

वा!.. काय दुथडी वाहतोय उत्साह या वर्षी लोकांचा!...
असो, यावेळेला 'नैनं छिंदति फ्रॉस्टाणि, नैनं दहति उन्हाळा' अशी ख्याती असलेली नॉक-आउट रोझेस लावून गपगार बसलो आहे. तीही मारून दाखवली तर पुन्हा कधी या बागकामाच्या भांजगडीत पडणार नाही

होम डेपो अगदीच डब्बा आहे झाडं बिडं मिळण्याबाबत. माझा तर मुळीच विश्वास नाही काही चांगलं, रेअर रोपं मिळण्याबद्दल.

तुम्ही तोपं शोधता मग कशी मिलणार, रोपं शोधा

आता शोधेन रोपंच.

आम्ही नॉन रेअर रोपंच दरवर्षी घरी आणून मारतो. ती मिळतात होम डेपो मध्ये. रेअर कशाला म(मा)रायला ठेवायची! म्हणून ठेवत नसतील ते.

मला गार्डीनिया मिळाला आहे अनेकदा. मोगरेबिगरे नाहीत आमच्याजवळच्या होम डेपोमध्ये. मोगरे आणि तुळस इथे सब्जी मंडीत मिळतात.
अबोली कुठ्ठेच कध्धीच मिळाली नाही. (cough cough... )

मागे प्राजक्ताच्या बिया भारतातून आणून लावायचा प्रयत्न केला होता तो फसला. एकदा ते जमलं की सुडोमि!

ओह ' पाचु नि मरवा'मधला पाचू म्हणजे पचुली होय?!

अनंत, मोगरा,अनंत, कण्हेर ही सगळी होमडिपो मध्ये बघितली आहेत. अबोली होमडिपोत मिळते हे मिथ आहे हे मी मागेच जाहीर केलं होतं ना, आता पुन्हा काय त्याचं?

अबोली होमडिपोत मिळते हे मिथ आहे हे मी मागेच जाहीर केलं होतं ना, आता पुन्हा काय त्याचं? >> मिळते कि. होमडिपो नि lowes दोन्ही मधे बघितली आहे. Zones प्रमाणे विकायला ठेवलेली झाडे बदलतात.

शोनू, ते पाचूचं प्लँट झोन ९-११ करता सांगतंय. तुझा झोन काय? आम्ही ६ मध्ये आहोत.

मला ते थंडीत कुंड्या आत आणणं प्रकरण अगदी नको होतं. आमच्याकडे घरच्यांनाही ते आवडत नाही अजिबात.

पाचू मिळाला? मस्तच की मेधा! आजोळी बागेत पाचू आणि मरवा होता. आईने हौसेने आमच्या बागेतही रोपं लावली होती. मला पाचू-मरवा म्हटल की माजघर, आजीची फणेर पेटी, अंबाड्यात अडकवायचे चांदीचे आकडे, पितळेची नक्षिदार परडी असे काहीतरी आठवत रहाते.
मी सीड्स ऑफ इंडीयातून मागवलेला मोगरा आणि अबोली दोन वर्ष अति काळजी घेवून मारले त्यापुळे आता पुन्हा लावायचा धीर होत नाही.
आमच्याकडे एका बागकाम मित्राच्या कृपेने ओकिनावा स्पिनाचचे खुळ आलेय. त्याने गेल्यावर्षी आमच्या एजुकेटरला रोप दिले ते ऑफिसमधे मस्त वाढले तेव्हा त्याची रोपं करुन आम्हाला वाटली. त्याच प्रकारातले अजून एक रोप देखील दिलेय. एक हिरव्या पानांचा आहे म्हणे लंच आणि दुसरा जांभळ्या पानांचा तो डिनर.

फिंगर लाईम (https://en.wikipedia.org/wiki/Citrus_australasica) कुणी लावले आहे का? मला होम डेपो मधे एक रोप मिळाले.

कॅलिफोर्नियासारख्या तुलनेने कमी थंडीच्या राज्याचे हवामान ह्या झाडाला मानवते असे वाटते.

या वर्षीच्या बागकामाची सुरुवात

रोपे तयार करणे (पिशवीत गेल्या वर्षीच्या भेंडीचे बी आहे, यंदा तेच वापरले)

पेरणी

काकडी

फरसबी

टोमॅटो

मिरच्या

अळू

भेंडी

वांगी

कारले, घोसाळी

पुदिना

ओवा

चायनीज मिरच्या

कढीपत्ता

मोगरा

अंजीर

पेअर्स

कर्दळ

संत्रे

लिंबू

रातराणी

पेरू (याला कीड लागलीआहे, त्यामुळे जरा काळजी आहे)

पपई

अजून काही फोटो टाकले नाहीत जसे गवती चहा, केळी, जॅपनीज मेपल, बॉटलब्रश वगैरे.

वॉव!! कसली सही आहे बाग!!

पैचान कौन सहीच आहे बाग तुमची!

पैचान कौन, मस्त आहे बाग.

मस्त आहे तुमची बाग.

अंजीर जमिनीत लावले आहेत. यंदाचे तिसरे वर्ष आहे. पहिल्या वर्षीची फळे खुडून टाकली म्हणजे नंतर जोमाने येतात. रोज थोडे का होईना पाणी नियमित द्यायचे. मी थेट मुळाशी पाणी देतो आणि साधारण १ फूट गोलाकार आकारात मल्च टाकतो ज्यामुळे बाष्पीकरण कमी होते आणि पाणी टिकून राहते. यंदा जमले तर भाजीपाल्यासाठी ड्रिप इरिगेशन करायचा विचार आहे, पण नक्की नाही. मला हाताने पाणी घालायला जास्त आवडते कारण तेव्हा झाडांची तब्बेत पण बघता येते.

पैचान कौन, बाग मस्तच आहे तुमची!

मेधा, माझ्याकडे अंजीर कुंडीतच आहे. झोन ५ मधे हार्डी असलेले आहे पण दोन वर्ष कुंडीतच ठेवायचा सल्ला रोप देणार्‍याने दिला होता. लगेच दुसर्‍या वर्षी फळं लागली. अजूनही कुंडीतच आहे. दरवर्षी २०-२५ अंजीर मिळतात. यावर्षी डेकचे काम झाले की बाहेर लावणार.

सॉलिड आहे बाग!