या देशात सेलिब्रेटी / सुपरस्टार होणे गुन्हा आहे का?

<मायबोलीचे स्पिरिट टिकवण्यासाठी>
ऋन्मेष, मायबोलीचे स्पिरिट काय आहे , यावर धागा बनता है बरं का.

शाहरूख सलमान, नाना पाटेकर प्लस मकरंद, अक्षय कुमार, आमीर खान वगैरे सारे एकाच माळेचे मणी आहेत?

>> असं कोण म्हटलं? तुझा बॉलिवूडचा अभ्यास प्रेक्षकाच्या चष्म्यातून आहे. माझा अभ्यास ब्रॅण्डिंग स्ट्रॅटेजिस्ट च्या चष्म्यातून आहे. दूध का दूध पानी का पानी मला कळू शकतं, तुला कळेलच असे नाही. जे लोक कोणताही फायदा नसतांना सामाजिक कार्य करतात असेही आहेतच असे मी वरच म्हटले आहे. नाना+मक्या हे वेगळ्या कॅटेगरीत येतात.

ज्या कोणा अभिनेत्याचे नविन चित्रपट येऊ लागले की तो न्यूजमध्ये झळकायला लागतो. बातम्या अगदी कशाच्याही असतात. आणि त्यात हटकून त्याच्या नवीन सिनेमाचं नाव असतं ती पीआर अ‍ॅक्टिविटी. ह्यात समाजकार्यापासून मोदींना भेटण्यापर्यंत काहीही असतं. आताच आपआपल्या कोणत्यातरी चित्रपटाच्या प्रमोशनसाठी सचिन तेंडुलकर, अक्षय आणी प्रियंका मोदींना भेटले. मोदी हा आता एस्टॅब्लिश्ड ब्रॅण्ड आहे, तर त्याचाही फायदा चित्रपटांच्या पब्लिसिटीसाठी करण्यात येऊ लागला आहे. साक्षात देशाच्या पंतप्रधानांना अशा कामांसाठी वापरणारे समाजकार्याचा वापर करत नाहीत?

आजकाल चित्रपट स्टारच्या नावावर चालतात, पण स्टारची जाहिरातही करावीच लागते, नाहीतर त्या स्पेसमध्ये दुसरा घुसतो. प्रत्येकाच्या डिफाइन्ड स्पेस असतात. स्टारची सर्फएक्सेल, निरमा, हिरोहोंडा सारखी जाहिरात करता येत नसते. त्यासाठी वेगळी स्ट्रॅटेजी असते. जेणेकरुन स्टार सतत चर्चेत राहावा. मागच्या पंधरा वर्षातल्या बॉलिवूडशी संबंधित सर्व बातम्या नीट अभ्यासाव्यात मग कळेलच की एखाद्या स्टारची दोन वर्षे काही खबर नसते पण अचानक हळूहळू बातम्या यायला लागतात. चित्रपट प्रदर्शनाच्या तीन ते सहा महिने आधी धुमाकूळ असतो. प्रदर्शन संपले, चित्रपट गेला की सगळे शांत होते. वेगवेगळ्या कॉन्ट्रावर्सीज क्रिएट केल्या जातात. एनि पब्लिसिटी इज गुड पब्लिसिटी हे ब्रिदवाक्य आहे शोबिझचे. आणि मिडिया यात सामिल असतो. मिडियाने ठरवले तर ती कोणत्याही थराला जाऊ शकते, पण सेलिब्रिटीने ठरवले तर मिडियाचा परिंदापण पर नाही मारु शकत हे आमिरखानच्या दुसर्‍या लग्नात दिसलेच.

ज्या अभिनेत्यांना आता काही ब्रॅन्ड वॅल्यू नाही त्यांच्या कोणत्याही बातम्या येत नसतात. कोणतेही डिटेल्स माहित नसतात. मिडियाला त्यात काही मलिदा मिळणार नसतो.

मिडिया आणि बॉलिवूड यांचे साटेलोटे आहे.

नानाकळा तुमच्या सगळ्या प्रतिसादांशी सहमत पण तुम्ही हे सगळ कुणाला पटवून देण्याचा प्रयत्न करताय ? उगाच कशाला स्वतःचा वेळ वाया घालवताय

नानाकळा,

तुमचा लेटेस्ट प्रतिसाद अगदी बरोबर आहे. वेगवेगळ्या क्षेत्रांचा अभ्यास करुन त्यावर चित्रपट बनविणारे श्री. मधुर भांडारकर यांनी हिरोइन चित्रपटात हे सारं तपशीलवार दाखवलं आहे. तरीही लोक वेड पांघरुन पेडगावला जात असतील आपण त्यांना अजुन काय आणि किती सांगत बसणार? रिशी पकूरच्या जोडीला आता अध्यापकही आलेले पाहिल्यावर कोणाकोणाला समजावत बसणार हाही प्रश्न आहेच. तेव्हा माझ्याकडून पूर्णविराम.

बाकी ह्या सगळ्या घटना घडविलेल्या की घडलेल्या ह्यापैकी लोकांनी काहीही मानलं आणि मी पन्नास वर्षे, मराठी नाटक, मालिकांमध्ये माझं योगदान दिलंय तरी मला त्या क्षेत्रातलं ओ की ठो कळत नाही असाही लोकांचा समज असला तरी त्यात श्री. हरिश्चंद्र यांचं काहीच जात नाही.

बिपिन, सहमत आहे. म्हणूनच मी वर म्हणालो की माझ्याच धंद्यातलं मलाच कळत नाही, माहित नाही वगैरे म्हणायला साहेब कमी करणार नाहीत.

तेव्हा आपलाबी रामराम! फुकटात टीआरपी का वाढवायचा?

लोक चित्रपटाच्या प्रसिद्धीसाठी काय काय करतात हे एकदम कबूल.
पण प्रत्येक गोष्ट चित्रपटाच्या प्रसिद्धीसाठीच केलेली असते हा त्याचा व्यत्यास होईल का?

बिपीन चन्द्र यान्चा मागच्या पानावरचा आणि नानाकळा यान्चा वरिल प्रतिसाद आवडले, पटले....

{{{ पण प्रत्येक गोष्ट चित्रपटाच्या प्रसिद्धीसाठीच केलेली असते हा त्याचा व्यत्यास होईल का? }}}

प्रत्येकच जण असं करत नाही पण शाहरुख आणि आमिर खानसारखे लोक कोणत्या थराला जातील याचा नेम नाही. काही लोक आपल्याला किती यश मिळतंय ते पाहून समाधानी असतात. तर हे दोघं 'मीच पहिला' आणि माझ्यापुढे दुसरा कोणी नको या सूत्राने झपाटून गेलेले असतात. त्यांना अपयश नव्हे तर दुसर्‍यापेक्षा किंचित कमी यश देखील सहन होत नाही. इतकी वर्षे आमिर खानचे चित्रपटच नंबर वन गल्ला भरायचे. ३ इडियट्स आणि पीके ह्यांचे रेकॉर्ड्स त्यांच्यानंतरच्या इतरांच्या चित्रपटांनाही मोडता आले नाहीत. यावर्षी बाहुबली२ ने जास्त गल्ला जमविला तर आमिरने इर्ष्येने दंगल चीनमध्ये लावला आणि बाहुबली२ पेक्षा भारतात इंडियन नाही जमलं तरी इंटरनॅशनल मार्केट मध्ये आपण जास्त गल्ला (२००० कोटी ++) जमविल्याच्या बातम्या छापून आणल्या. त्याचप्रमाणे गेली कित्येक वर्षे शाहरुख सर्वात महागडा स्टार गणला जात होता. सध्या सुलतान पासून हा मान सलमानकडे आल्यामुळे शाहरुख अस्वस्थ. त्यात रईसही मनासारखा चाललेला नाही. हॅरी मेट सेजल वर सार्‍या आशा खिळलेल्या तेव्हा सुहाना फोटोग्राफी प्रकरण हे घडवून आणलेलंच वाटतं.

असो. भरत. तुम्ही रिशी पकूर पेक्षा विचारी असाल अशा अपेक्षेने तुमच्या प्रश्नाला उत्तर दिलंय. रिशीसोबत मड रेस्लिंग करण्याची इच्छा नाही त्यामुळे त्याच्या पुनर्प्रश्नांना उत्तरे देत बसत नाही. तुम्हीही त्याची री ओढत असाल तर मग चर्चा व्यर्थच आहे.

ओ हो अमीर ने हे सगळं बाहुबलीला मागे टाकण्यासाथी केलं? शेम ऑन हिम. सो मीन. चीनच्या भारतद्वेषाचाही त्याने स्वतःसाठी वापर केला. देशद्रोही नंबर १.

सलमानचा ट्युबलाइट तितकासा चालला नाही म्हणे. यामागे अमीरचा हात आहे की सलमानचा?

मी रुशी पकूरपेक्षा विचारी आहे की नाही, हे माहीत नाही. पण तुमच्यासारखं विचारी होण्याची अजिबात इच्छा नाही.

< चर्चा व्यर्थच आहे.>

मनापासून आभार.

नानाकळा आणि बिपिनचंद्र हर यांच्याशि सहमत
आमिरने इर्ष्येने दंगल चीनमध्ये लावला >>>> +१
चिनमध्ये बाहुबलि ५०००+ स्क्रिन वर झळकला होता तर दंगल तब्बल ९००० स्क्रिन वर लावला गेला.

चीन मध्ये भारतीय सिनेमे चालतात, ऐकून छान वाटले.

अख्खा धर्मच चालतो, संस्कॄतीचा प्रभाव चालतो तसे सिनेमेही चालत असावेत त्यांना.
फक्त कराटे आपण त्यांना दिले हे लपवुन ठेवायचे की झाले.

चित्रपटाची आणि सेलिब्रेटींची खरी पारख सामान्य पण चित्रपटवेड्या पब्लिकलाच असते
>>
तू खरंच भाबडा आहेस की तसा व्हायचे ढोंग करतोयस

अरेवा! लवकरच माझी अपेक्षा पुरी केलीस की, तेही याच धाग्यावर! धन्यवाद!

ती मराठीत एक म्हण आहे अस्सल गावरान भाषेत, इथे देण्याचा वारंवार फार मोह होत होता.... पण बापाला 'काहीतरी' शिकवण्याबद्दल आहे,

ते काहीतरी म्हणजे नेमकं काय ते उच्चारायचं की नाही यावर पहलाज निहलानींची वोटींग सुरु आहे, ती झाली आणि त्यांनी निर्णय दिला की सांगेल....

त्या हॅरी मेट सेजल च्या प्रोमोवरून तरी शाहरूख तीच ती तरूण प्रेमिकाची भूमिका, जी त्याने त्याच्या जवळजवळ प्रत्येक चित्रपटात केलेली आहे, तेच ते फॉरेनमधले चकाचक लोकेशन्स..त्याला स्वतःलाच अशा त्याच त्याच भूमिका करायचा कंटाळा कसा येत नाही कोण जाणे

नानाकळा, ते काहीतरी म्हणजे ईण्टरकोर्स ना..
जर तुमच्या आमच्या सारखी शिकलेली आधुनिक विचारांची माणसे तो शब्द वापरायला कचरू लागली तर मग खेदाने म्हणावेसे वाटेल की पहलाज निहलानीच बरोबर होते...
नवीन Submitted by ऋन्मेऽऽष on 4 July, 2017 - 11:04
>>>> तुझी आधुनिक विचारांचि व्याख्या खुपच भडक आहे.

...

अश्या अफवा उगाचच कोणीतरी फिरवणे, आणि उगाचच तथाकथित देशभक्तांच्या शिव्या झेलणे ! > जसा तुम्हाला पाकिस्तान जिंकावा वाटत होते तशीच त्याने दोन पावलं पुढं जात पाकिस्तानला मदत केली, तुमच्याच हीरोबद्दल तुम्हाला का वैषम्य वाटते आहे.?
आणि तुम्हाला कधीपासून अफवांचे, शब्दं फिरवण्याचे आणि थापांचे वावडे झाले? असा सोयीस्कर, दलबदलू स्टँड घेवू नका. शाहरूख खान चर्चेत रहावा म्हणून तुम्हीच तर नाही ना ते अफवा फिरवणारे? नाही तुम्ही म्हणता तशी तुमची सवयच आहे ना ती म्हणून विचारते आहे.

आणि हो, आता यामागे देखील त्याचाच हात आहे असा युक्तीवाद निदान आता तरी नको .. > मेलेल्या धाग्यावर प्रतिसाद वाढवण्यासाठी त्याच्या नावाखाली केलेल्या ह्या केविलवाण्या युक्तीवादामागे तुमचाच हात आहे हे मात्रं सगळ्यांच्या ध्यानात आले आहे.

इंटरकोर्सची चर्चा इथे वाचून त्या सेलेब्रिटीशी नक्की काय करणे गुन्हा आहे का? असं लिहिलंय ते वरच्या हेडर मध्ये परत वाचून आलो.
>>आणि तुम्हाला कधीपासून अफवांचे, शब्दं फिरवण्याचे आणि थापांचे वावडे झाले? असा सोयीस्कर, दलबदलू स्टँड घेवू नका. >> अगदी अगदी. त्यातून मजा घेता आली पाहिजे म्हणजे झाले.