मला आवडलेले मराठी नाटक - सही रे सही

सही रे सही फारच मस्त आहे. सिडी च्या स्वरूपात आले नाही त्यामुळे इतके चांगले चालले असे वाटते. दामोदरपंत पण मस्त होते पण सिडी वर आल्याने नंतर खरे नाटक पहायला कोण जाणार !

सीडी असली तरी ओरिजिनल ते ओरिजिनल ... कट्यारची सीडी आहे, यु ट्युबवर फुकटही आहे. तरी ओरिजिनल नाटक, सिनेमाला गर्दी होते.

मुळ सही रे सही आणि नविन पुन्हा सही रे सही दोन्ही नाटके पाहिली आहेत. चपळता आणि जलदपणा या नाटकासाठी महत्वाचा घटक आहे. वयोमानाप्रमाणे भरत जाधवच्या हालचाली आणि वेग मंदावला आणि नाटकातली मजाच निघुन गेली. आधीच्या निर्मात्या लता नार्वेकर यांनी भरत जाधवच्या ऐवजी नविन कलाकार घेऊन नाटक पुन्हा आणुया असे केदार केदार शिंदेला सुचवले होते. पण केदारला ते न पटल्यामुळे मुळ नाटक बंद पडले आणि नंतर पुन्हा नविन नावाने आले. चार-पाच संवाद आणि अर्थातच शेवटचा टायटल ट्रॅक सोडला तर बाकी सगळे नाटक तेच आहे. पण पुन्हा सहीला मुळ सहीची मजा येत नाही.

अक्षयदुधाळ, मराठी भाषा दिन २०१७ मध्ये सहभागी झाल्याबद्दल आम्ही आभारी आहोत!

छान परिचय !! सही रे सही सहीच आहे. मी पुन्हा सही रे सही बघून ४-५ वर्ष झाली त्यावेळी भरत जाधवची एनर्जी क्लासच होती आताच काही माहिती नाही. शेवटच्या क्षणी चारही पात्र तो जेव्हा एकत्र करतो तो नाटकातला सगळ्यात बेस्ट सिन वाटला>>>>>>+१

बम्प

२९ ऑगस्ट ला पुण्यातील यशवंतराव चव्हाण नाट्यगृहात होणाऱ्या "पुन्हा सही रे सही" नाटकाचे २ तिकीट अधिक आहेत,कुणी उत्सुक आहे का?

शेवटच्या क्षणी चारही पात्र तो जेव्हा एकत्र करतो तो नाटकातला सगळ्यात बेस्ट सिन>>> अफलातून नाटक आहे.

2002 मध्ये दुसराच शो होता तो बघितलेला.

ही पोस्ट 2017 ची आहे.. भारत तेव्हा पर्यंत बरच मोठा झाल्यामुळे अर्थात त्याच्या वेगावर मर्यादा आल्या असतील.
कारण शेवटचा चार पात्र येतात तो भाग अत्यंत चपळ, वेगाने जाणारा आणि परफेक्ट टायमिंग साधणारा आहे.

भरत जाधव, केदार शिंदे वरून आठवल ते All the best नाटक. त्यातही जबरदस्त टायमिंग होत.

ही काही नाटकं मूळ टीम नेच करू जाणे...

तसच अजून एक म्हणजे हसवा फसवी..

अर्थात बाकी लोकांना/कलाकारांना मोह होतच असेल त्याकळकृती करून बघायचा... पण ही अशी शिवधनुष्य बहुदा नावं लिहूनच आलेली असतात... ती ज्याची त्यालाच पेलवतात.

तुमचं लेख आणि बाकीच्या कॉमेंट्स वाचताना हे वरच सगळं मनात आल.. thanks