कुर्ग सहल - भाग ३

कुर्ग - प्राथमिक माहिती http://www.maayboli.com/node/60600

कुर्ग सहल - भाग १ http://www.maayboli.com/node/60628

कुर्ग सहल - भाग २ http://www.maayboli.com/node/60630

त्या रात्री मला खुप शांत झोप लागली. एरवी मी अगदी भल्या पहाटेच उठतो पण त्या दिवशी चांगली उन्हे येईपर्यंत
जाग आली नाही.

१) हा माझा बेड

२) रुम मधून दिसणारी कॉफीची बाग

३) ठिक सात वाजता टेबलवर ब्रेकफास्ट हजर होता. नीर डोसा, चटणी, नारळाचे दूध आणि मश्रुमची भाजी.
मी आजवर वेगवेगळ्या देशातले आणि वेगवेगळ्या प्रकारचे मश्रुम्स खाल्ले आहेत, पण याची चव अगदी एकमेव
अशी होती. एकेक मश्रुम घेऊन तो नीट करावा लागतो आणि रात्री साडे दहा पर्यंत रोहिणी ते करत होती.

नीर डोसे तर अगदी रेशमाच्या पोताचे होते. एरवी २ डोसे खाल्यावर पोट भरते माझे, तिथे ५ खाल्ले.

४) त्या घरातच नव्हे तर व्हरांड्यातही सगळीकडे फुलांची रेलचेल होती

५)

मग मी खाली उतरलो, अर्थातच पावलोपावली फोटो काढण्याजोगे काहीतरी दिसतच होते.

६)

७)

८)

९)

१०) माझ्या अंघोळीसाठी पाणी गरम करणे चालले होते. त्या चुलाण्यात मी पण काही लाकडे सरकवली. अगदी कडाक्याची नव्हे पण सुखद थंडी होती. तिथेच हि ज्यूली बांधलेली होती. मला कुत्रे खुप आवडतात आणि असे
गोंडस दिसणारे कुत्रे दिसले कि मला त्यांच्याशी खेळल्याशिवाय चैन पडत नाही. कुत्रे पण आपल्याला जोखतात.
आणि आपल्याबद्दल त्यांना विश्वास वाटला तर ते आपला मानतात. हि ज्यूली बांधलेली असली तरी तिच्या रेंज मधे
गेल्यावर दोन पायावर ऊभी राहून नुसता नाच करायची. माझ्या पायांना मिठी मारून रहायची.

११) हा फोटो मुद्दाम देतोय. सुर्य वर आला तरी घरासमोर इतकी दाट झाडी होती कि उन्हे पोहोचू शकत नसत.

१२) तेरड्याचाच प्रकार

१३)

१४) अंघोळ वगैरे आटपून मी गावात भटकायला बाहेर पडलो. रस्त्यावर हे तुतारीचे फुल दिसले. एरवी हे फुल इतके
उमलत नाही.

१५) गावातले निवांत रस्ते. एरवी आपल्याकडच्या रस्त्यावर सकाळच्या वेळी धुराचा वास येतो, पण कुर्ग मधे
अगदी कमी घरे आणि दाट झाडी असल्याने, तसाही वास नव्हता. आवाजही नाहीत... अगदी निवांत !

१६)

१७) एका घराजवळ हे संत्र्याचे असे झाड होते. तोडायचा मोह आवरला ( घरी येऊन काकांना सांगितल्यावर त्यांनी मग आपल्या बागेत नेले आणि संत्री, पेरु, केळी खाऊ घातली. ) ही संत्री हिरवी दिसत असली तरी गोड आणि सुंदर स्वादाची होती.

१८) या रस्त्याच्या जरा पुढे खोल दरी होती आणि त्या पलिकडे डोंगर रांगा. या डोंगरांच्या माथ्यावरून सतत पाणी झिरपत असते. हेच पाणी पन्हळीद्वारे घरोघरी येते आणि ते इतके चविष्ट असते कि नुसते पाणी पिऊन पोट भरावे,
असे वाटते.

१९) मला अनोळखी काही झाडे

२०) अश्या रस्त्यावरून भटकताना थकवा येणे तर सोडाच, वेळेचेही भान रहात नसे

२१ ) हा देखील तेरड्याचाच प्रकार

२२)

२३)

२४)

२५)

२६)

हे सर्व फोटो सकाळच्या भटकंती मधे टिपलेले. राजेंद्रची रहायची सोय त्याच घरात होती. मग साडेनऊ वाजता आम्ही घराबाहेर पडलो...

क्रमशः