अमेरिका अमेरिका !

Submitted by कुमार१ on 10 September, 2016 - 01:11

अमेरिका अमेरिका !

कॉन्व्हेंटमध्ये शिक्षण झाले कम्प्युटरच्या पदव्या घेतल्या
आता आम्ही लायक झालो एकच एक घोष करण्या – अमेरिका अमेरिका

पालक आमचे कृतार्थ होता लागलेत आता वाट बघायला
कधी एकदाचे पोचतोय आम्ही सिलिकॉनच्या valleyला – अमेरिका अमेरिका

पासपोर्ट आमचा हातात आणि व्हिसा मिळवायचा निश्चय आमचा
एम्बसीमध्ये जाताजाता चालणार आहे जप आमचा – अमेरिका अमेरिका

आम्ही ज्यांना ‘आमचे’ म्हणतो सगळे ‘तिकडेच’ करताहेत नोकऱ्या
आम्ही तिकडे पोचताक्षणीच करतील तेही जल्लोष केवढा – अमेरिका अमेरिका

विदेश्भूमीच्या गालीचाला लागला एकदा की पाय आमचा
किती पटीने वाढणार की हो बाजारातील भाव आमचा – अमेरिका अमेरिका

आतुर आम्ही निघण्यासाठी पृथ्वीवरच्या स्वर्गनगरीला
उच्च सुखाच्या इच्छेपोटी कवटाळतोय आम्ही त्याच स्वप्नाला – अमेरिका अमेरिका !
*****************************************************************

विषय: 
काव्यलेखन
शब्दखुणा: 
'अमेरिका'
Groups audience: 
गुलमोहर - कविता
Group content visibility: 
Public - accessible to all site users
शेअर करा