सारी ईस्कटून जिंदगी मी पाहिली - अजय-अतुल फॅन क्लब

धन्यवाद हायझेनबर्ग. मी पण फॅन.

माझी पहिली इण्ट्रो बहुधा "मल्हारवारी" ने झाली. प्रचंड आवडते ते गाणे, व त्याचे चित्रीकरणही.

रांगडी नजाकत >>> व्वा !
अजय्-अतुल फ्यान मी बी !

हायझेनबर्ग, तुझ्या क्लबात मीही (अन्यत्र क्लब्ज् झेपले नाहीत तरी ;))

माझंही इंट्रोडक्शन "मन उधाण वार्‍याचे " ने झालं. पण तू म्हणतोस त्याला १००% अनुमोदन. त्यांची मराठी गाणीच अस्सल वेड लावतात. पीके मधलं लक्षातही नाही आणि चिकनी चमेली नुसतीच कॉपी वाटते स्वतःच्या चालीची (हृदयनाथचं "होळी आयी" ऐकून जसं झालं तोच इफेक्ट). अपवाद फक्त "देवा श्रीगणेशा",

मी "माऊली" ही मेन्शन करेन. भन्नाट वाटतो त्याचा इफेक्ट.

मी पण
अजय-अतुल ची सगळी गाणी सॉलिड आवडतात.

मी पाचवा मी पाचवा.
मल्हारवारी, वाऱ्यावरती गंध पसरला आणि हे देवा तुझ्या दारी आलो नी सुरुवात...

मी पण ह्या क्लबात !

सैराटची याड लागलं, सैराट झालं जी आणि आता गं बया पहिल्या नंबरवर सध्या
गोर्‍या गोर्‍या गालावरी खूप आवडतं
जोगवाचं जीव रंगला आवडतंच पण तितकंच लल्लाटी भंडारही आवडतं.
एकदंताय वक्रतुंडाय खूप आवडतं.

अगो+१
"मल्हारवारी" असो की "जीव रंगला" असो, अजय अतुलची गाणी मराठी मातीतली वाटतात. त्यांनी वेस्टर्न फ्युजन केले तरी गाण्यातलं मराठीपण जात नाही हे सैराटमध्ये ऐकलंच. सैराटची गाणी खरंच "एपिक" आहेत.

म्या पण
सुरुवात 'आई भवानी तुझ्या कृपेने.. सावरखेडे एक गाव'

अगो +१
हिंदी मध्ये अभी मुझमें कहीं फार आवडतं. बाकी अजय अतुल ची सर्व गाणी आवडतातच असं नाही पण काही खूप आवडतात.

अगंबाई अरेच्चा ची सगळी गाणी मस्त आहेत. ती आवडतातच पण फँड्री किंवा सैराटची गाणी अजून ऐकलेली नाहीत त्यामुळे कल्पना नाही.
फॅक्लबात आहे की नाही कल्पना नाही कारण मुद्दाम आवर्जून मिळवून गाणी ऐकल्याचं आठवत नाही.

अजय अतुलनी अथर्वशिर्षालाही चाल लावलीये मस्तपैकी...ऐकलेय का कुणी

मी पण अजय-अतुल फॅन क्लबात!

सैराटची सगळी गाणी अावडलीत. शिवाय 'माऊली माऊली" हे गाणे ऎकताना तर भारावून जायला होते.

मी पण ह्या क्लबात ...
खरच खुप सुंदर आणि एकापेक्षा एक सुंदर याड लावनारी गाणी ... जवळपास सगळीच गाणी आएकलेलि आहे.. ती पन खूपदा...

अजय अतुल यांच्या संगितने मराठी चित्रपट सृष्टी मधिल मरगळ दुर केली... मराठी संगितात नवीन प्रयोग केले.. महत्त्वाच म्हनजे दुसऱ्या भाषेतील गायक वपरून सुद्धा त्या गाण्याचे मराठीपन जपल... यासाठी त्यांचे मन:पूर्वक आभार...

त्यांनीच संगीतबद्ध केलेल्या एका अप्रतिम गाण्याचे शब्द ते सैराट च्या निमित्ताने पूर्ण करत आहे ...

सात समुद्रापार मराठी चित्रध्वजा आम्ही नेऊ
उच्च प्रतीच्या कलागुणांचे नजराणे आम्ही देऊ
रसीक जनांचे जीवन सारे आनंदाने पूर्ण भरू
भव्य दिव्य दृक्श्राव्य कलेचे सर्वार्थाने चीज करू
नव्या चित्रसृष्टीचे ऐका पडघम अन् चौघडे
मराठी पाऊल पडते पुढे, मराठी पाऊल पडते पुढे...

फॅनक्लबात.

सगळीच गाणी छान आहेत त्यांची.

झी टॉकीझ या चॅनेल च प्रोमो गाणंही त्यांचच आहे ना?

अगो नी म्हंटल्याप्रमाणे एकदंताय वक्रतुंडाय पासून त्यांच्या फॅनक्लबात आहे

मी फॅन क्लबात म्हणुन नै पण गाणी आवडतात जवळजवळ सारीच..

मला बरीच गाणी आवडतात त्यांची, 'मल्हारवारी', एकदंताय वक्रतुंडाय आणि 'जीव गुंगला, दंगला' ही अति जास्तच आवडतात. मला आवडतात ते दोघं, त्याचं कौतुक वाटतं पण अगदी fan नाही म्हणता येणार मला.

हेss उरात होतयं धडधड लाली गालावर आली
अन अंगात भरलयं वारं ही पिरतीची बाधा झाली
आरं उरात होतय धडधड लाली गालावर आली
आनं अंगात भरलयं वारं ही पिरतीची बाधा झाली
आता आधीर झालोया बघ बधीर झालोया
आगं तुझ्याचसाठी बनुन मजनु मागं आलोया
आनं उडतोय बुंगाट पळ्तोय चिंगाट रंगात आलोया
झालं झिंग झिंग झिंग झिंग झिंग झिंगाट
झिंग झिंग झिंग झिंग झिंग झिंगाट
झिंग झिंग झिंग

हायला ह्या गाण्याची झिंग काही वेगळीच आहे.

मी पण जबरा फॅन
ए.आर .रहमानच्या तोडीचे मराठीत फक्त अजय अतुल !
रहमानचं संगीत जसं चढत जातं चढत जातं , तशी जादू यांच्या म्युझिकची.. माणुस पार झिंगत जातो त्या म्युझिक वर , त्यांच्या गाण्यांचा इफेक्ट डोक्यातून जातच नाही.. काहीतरी वेगळच.. क्लास अपार्ट फ्रॉम अदर्स !
शंकर महादेवनच्या आवाजतली गणेशवंदना , दुसरी अजुन एक गणेशवंदना 'जयजय सुरवर पूजित ' अगबाई अरेच्या, जोगवा, नटरंग आणि सैराट मास्टरपिसेस आहेत !

एक लंबर आहेत अजय अतुल. आसपासही कोणी नाही. मी तर हल्ली कुठलेही जबरदस्त गाणे ऐकले की ते अजय अतुलचेच ठरवून मोकळा होतो. साला आणि काय कमाल. ते निघतेही अजय अतुलचेच. थिएटरमध्ये पब्लिक झिंगाट वर नाचते म्हणजे काय, आमच्या घरी आज एवढे दिवस झाले ते गाणे आणि पिक्चर रीलीज होऊन तरी रोज धिंगाणा असतो त्या गाण्यावर. ते माऊली गाणे तर एकदा ऐकून मनच भरत नाही माझे. एकदा ऐकायचे, एकदा स्वता सोबत गायचे, आणि एकदा फील घेत डोलायचे, असे तीनदा सलग ऐकावेच लागते. हल्ली तर दर दुसर्या मराठी मालिकेत सैराट आणि याड लागलंची म्युजिक नाहीतर गाणे वाजवतात आणि त्यावर त्या मालिकेतल्या हिरोहिरोईनला रोमान्स करायला लावतात. त्या गाण्यामुळे मी तो आनंदाने सहन करत थांबून बघतो..

फँड्रीमधले 'ते' एक गाणे काय खासंखास बनवलेय ...

सुरुवात आणि शेवटाची ती सुरावट कसलीतरी चुटपुट लावून जाते ...

तसेच लल्लाटी भंडार गाण्यातली सुरूवातीची दिमडी [?]

माझ्यातर्फे हे गाणे : सजवून सांज जशी एक वेगळा प्रयोग ....

सही रे सही नाटकाचे गाणेही त्यांचेच.

लल्लाटी भंडार पण असच डोक्यात घुमत रहाणारं! उपेंद्र लिमयेनी बरोब्बर एक्स्प्रेशन्स दिलीयेत !

हिंदी मधले त्यांचे सर्वात चांगले गाणे म्हणजे सोनुचे अग्निपथमधील 'मर जाउ या जीलू जरा'

हिंदी मधले त्यांचे सर्वात चांगले गाणे म्हणजे सोनुचे अग्निपथमधील 'मर जाउ या जीलू जरा'
<<<
+ १
बाकी मराठीची हिंदी व्हर्जन्स नाही आवडत , सैराटची नको यायला :(.
आहे ती मराठी सैराट गाणीच ग्लोबली अजुन पॉप्युलर होउ देत !

नीळकंठ मास्तर ची गाणी पण छान आहेत -

अधीर मन - https://www.youtube.com/watch?v=JLf2YK4Z_oc
परतून ये ना - https://www.youtube.com/watch?v=o7ntXPyBQBs
कौनसे देस चला - https://www.youtube.com/watch?v=cnnWaVG2ySs
वंदे मातरम - https://www.youtube.com/watch?v=uXNMTggKN_c

मलाही त्यांची गाणी आवडतात ..
मल्हारवारी, वाऱ्यावरती गंध पसरला आणि हे देवा तुझ्या दारी आलो नी सुरुवात... +१

८०% गाणी आवडतात त्यामुळे कोणती खास आवडतात हा प्रश्न आहे.
हिंदी मध्ये खोया खोया चांद चं शीर्षकगीत, अग्नीपथ मधली सगळी, विशेष करुन शाह का रुतबा.एकाच गाण्यात वेगवेगळ्या कडव्यात वेगवेगळ्या चाली हे यशस्वी करणं कठीण असतं.बाकी श्रीगणेशा,एकदंताय वक्रतुंडाय, नटरंग मधली सगळी, सैराट, जोगवा ही ऑल टाईम आवडती आहेतच.

तूझ्या पिरतीचा हा इंचू मला चावला>>>>

लल्लाटी भंडार>>>

+१

जबरा आवडतात!