Submitted by सुप्रिया जाधव. on 18 February, 2016 - 03:12
तथ्य ना उरले तुला माझ्यामधे
नेत आहे मी मला माझ्यामधे
उंच आकाशातुनी धरतीकडे
नित्य झुलणारा झुला माझ्यामधे
केवढी फोफावली आहे व्यथा
रुजवले होते जिला माझ्यामधे
थांबण्याचा प्रश्न आयुष्यापुढे
उत्तराने संपला माझ्यामधे
जाणिवांचा एक कप्पा कोरडा
पाझराया लागला माझ्यामधे
तोडण्याची रांगड़ी त्याची प्रथा
जोडण्याची अन कला माझ्यामधे
सुप्रिया
Groups audience:
Group content visibility:
Public - accessible to all site users
शेअर करा
सख्य ना उरले तुला माझ्यामधे
सख्य ना उरले तुला माझ्यामधे
नेत आहे मी मला माझ्यामधे >>छान !
केवढी फोफावली आहे व्यथा
रुजवले होते जिला माझ्यामधे
जाणिवांचा एक कप्पा कोरडा
पाझराया लागला माझ्यामधे
>>>>हे शेर विशेष आवडले .