कुण्या एकटीचा कुठे चन्द्र सांगा

वळण कोणते राजरस्त्यात आले
तुझ्या चाहुलींचा पदन्यास चाले
निघाले कुठे अन कुठे पोचले हे
जिथे पावलो-पावली द्वंद्व चाले

विचारीत होतीच आकाशगंगा
तुझ्या अंतरंगी करी कोण दंगा ?
कसे नांव घ्यावे असे मी कुणाचे
कुण्या एकटीचा कुठे चंद्र सांगा ?

नदीला अचानक असा पूर आला
जिच्यातून सन्दर्भ वाहून गेला
पुसावे कुणी नेत्र पाणावलेले
कशाला पुन्हा व्यर्थ तू हट्ट केला ?

किनाऱ्यास गाठावया लाट येते
किती काय देते किती काय नेते
तिला काय कळणार त्याची अवस्था
परतणे कुणाचै कसा जीव घेते ?

टिके राज्य कायम कुठे या सुखाचे
झणी पावसाळा झणी ऊन जाचे
बदलत्या ऋतूंना शरण जा अता तू
नको चोचले फ़ार पुरवू मनाचे

-सुप्रिया