Submitted by Nitisha on 3 September, 2015 - 01:53
पाऊस
पावसाचे टपोरे मोती
थेंब झेलून घ्यावे हाती
अलगद अलगद पाकळ्यांवरती
दवबिंदू हे कसे डोलती
पाने ही भिजून ओली
उमलली त्यावर जाळीची नक्षी
गर्द हिरवे डोंगर कडे
धुकेही दाटले चोहिकडे
मोर वनी नाचती गाती
कोकिळ कुहुकुहु साद घालती
आला बघा हा पाऊस आला
मनास माझ्या भिजवून गेला
धुंद मातीचा सुगंध ओला
धरेवर सजला प्राजक्ताचा सडा
क्रांति पाटणकर
विषय:
शब्दखुणा:
Groups audience:
Group content visibility:
Public - accessible to all site users
शेअर करा
