सुट्टी संपत आलेली

दिवाळीची सुट्टी संपत आलेली,
फराळाचे डबे पण पार तळाशी गेलेले

शाळा आता सुरु होणार २-३ दिवसातच
दादू आणि पिकलपोनी भानावर आलेले

एक म्हणून वही पूर्ण नाही केलेली
१७, १९ चे पाढे पण पाठ नाही झालेले

सुट्टी द्यायचीच कशाला ना,
जर एवढा अभ्यास द्यायचाय? - ( पिकालपोनी)

मुकाट उरका तो अभ्यास
का आईचा ओरडा खायचाय?? - ( बापू)

"पुढच्या सुट्टीत न तुम्ही बघाल,
मी सगळ पहिल्यांदाच केलेलं " - ( पिकालपोनी)

दात विचकून दादा म्हणतो,
"मागच्या सुट्टीत पण असंच ऐकलेलं"