झी-जिंदगी

अरे काय सांगता? अगदी धागा सुरू करण्याइतपत आवडलं का सगळ्यांना! मला वाटलं मला आपलं उगीचच ते चॅनल आवडतंय. आणि जिंदगी गुलजार है फार्फारच ! ते दोघे फारच क्युट आहेत. आणि दिग्दर्शन, सेटिंग्ज, पात्रांचे कपडे, अभिनय सगळं कसं अगदी डीसेन्ट, संयत आणि वास्तव! दोघांचीही घरं इतकी रिअ‍ॅलिस्टिक दाखवली आहेत.
साधारणपणे सीरियल्स न बघणारी मी, आवर्जून तर कधीच नाही................पण हे पहाते जमेल तेव्हा.
आता हमसफर बघणार.

अरे मी इथे अजून लिहिलं नाही(मला वाटते दुसरीकडे लिहिलेय).
इथे लिहिते,

मेरी जात जर्र निशां - हि एक सिरियल होती, ती सर्वात पहिली पाकी सिरियल मी पाहिली तेव्हा वाटले हम्म, वेगळ्या आहेत खर्‍या.

जिंदगी गुलजार है- सर्वात मस्त हाताळलेली मुलींचे प्रश्ण.

हमसफर- जराशी दु:खी वाटली. आपल्या बायकोला ओळखता न आल्याने नात्यात कसे प्रश्ण होतात.. मस्त हाताळणी पण मलाच नायिकेचे दु:ख बघताना जरा वाईट वाटले. ती रात्रीची बाहेर पडते तेव्हा खूप वाईट वाटते.मुर्ख नवरा (पात्रं ) वाटला. गाणं मस्तय. माहिरा खान आणि फवाद एकदम क्युट वाटली जोडी.

बेहदः टेलीफिलम आहे. मस्त हाताळणी मूल असताना पुर्नविवाह आणि त्यातील प्रश्ण.

दास्तानः इतकी नाही आवडली. भारताची जरा ज्यास्तच निगेटीव प्रतिमा दाखवलीय. पण एकुणात बरीय.

कंकरः अर्ध्यातच सोडली. बोर झाले. ऑर्थोडोक्स नवरा आणि त्याचे प्रश्ण.

काश मै तेरि.... : केकता कपूरची सिरियल म्हणायला हरकत नाही. अतिशय महाबोर.... सुरुवात बरी होती. पण ते सारखं.... काळोखी वातावरण... नकोसे नकोसे.

कितनी गिर्ह बाकी: हलकी फुलके भाग असतात. मला कुठलीतरी भारतीय जुनी सिरियल आठवली.. श्याम बेनेगलांची होती वाटतं.

बाकी, तश्या बर्‍याचश्या आहेत बोर सिरियल्स.(ऑन झारा.... वगैरे).

मला ते हमसफरचे गाणं खूपच आवडते,
मला जसे एकायला आले व समजले ते,(कोणाला सुधारणा करायच्या असतील तर लिहा)
-------------------------------------------------------------------
तर्क-इ-तालुकात पे रोया ना तु ना मै,
लेकिन ये क्या के चैन से सोया न तु ना मै,

वोह हमसफर था मगर............

उससे हमनवाई न थी
के धूप छांव का आलम रहा, जुदाई न थी
​
अदावतें थी, तग्गफूल था, रंजिशे थी मगर......
बिछडने वाले में सब कुछ था, बेवफाई न थी
​
बिछडते वक्त उन आंखो में थी हमारी गझल
गझल भी वोह जो किसी को कभी, सुनाई न थी..
​
किसे पुकार रहा था वोह डूबता हुवा दिन
सदा तो आयी थी लेकिन, कोइ दुहाई न थी

वोह हमसफर था मगर.......................

--------------------------------------
बस..... इतकेच एकायला मिळाले तुनळीवर...

​

सद्ध्या मी तल्खियाँ बघते आहे.. मधेमधे बोअर होतयं

बेहदः टेलीफिलम आहे. मस्त हाताळणी मूल असताना पुर्नविवाह आणि त्यातील प्रश्ण.>>>
सुरेख आहे ही टेलिफिल्म. सगळ्यांचाच अभिनय सुरेख. विशेषतः फवाद खान.
तो प्रपोझ करतानाच्या सीनमधला त्याच्या अभिनय अत्त्युच्च !! संवाद नसतानाही केवळ डोळे आणि चेहरा यांच्या जोरावर तो मनातली घालमेल,टेन्शन मस्त दाखवून देतो.

नुकतीच पाहिलेली उडान खूप छान सिरिअल आहे.. विशेष म्हंजे १५ एपिसोड्स मधे पूर्ण केलीये.. कुठेच लांबण नाही..

प्राची,धन्यवाद! लगे हाथ बेहद पाहून टाकली! Another outstanding piece of art from Pakistani TV!
आम्ही भारतीयांनी काय कुणाचं घोडं मारलंय की आमच्या माथी रटाळ डेली सोप लिहिले आहेत
चनस, तल्खीया चा एकच भाग बघितला. संथ वाटला. God of small things देखिल खूप संथ कादंबरी आहे. It's a challenge to make a serial out of the book!

चनस,तल्खीया चा एकच भाग बघितला. संथ वाटला >> हो तरीही मी नेटाने बघतेय.. मला मालिकेची मांडणी आवडली.. मधेच वर्तमानातले त्या मुलीचे विचार नि रिलेटेड भुतकाळ.. खुपच रटाळ होत नाही नि फॉरवर्डचा ऑप्शन आहेच

सध्या हिंदी/मराठी बघण्यासारखं काहीच नाहीयं

झी जिंदगी वर कितनी गिरहे सोडली तर अजून कोणती मालिका आहे जी अधुन मधुन पाहिली तरि कळेल? पण प्रसारण रात्री असावं. १०.३० च्या पुढे.

डॉली आयेगी बारात आणि बिल्किस कौर बघितली. आवडल्या दोन्ही.
नूरपूरी राणी बघतेय पण इंटरेस्टींग नाही वाटत एवढी.

मेरी जात..., दास्तान आणि कंकर कधी दाखवल्या जिंदगीवर? किती वाजता? परत दाखवणारेत का?

बाकी या उडान, तल्खिया पण झाल्या का दाखवून?

डॉली आयेगी बारात, बिल्कीस कौर?

अरे मी कुठल्या जगात वावरतेय? कधी असतात या सिरीयली?

मी सध्या मेरा नसीब आणि ये शादी नही हो सकती बघतीये. ग्रेट नाहीयेत पण बघाव्याश्या वाटतात.

बेहदः टेलीफिलम आहे. मस्त हाताळणी मूल असताना पुर्नविवाह आणि त्यातील प्रश्ण.>>>
सुरेख आहे ही टेलिफिल्म. सगळ्यांचाच अभिनय सुरेख. विशेषतः फवाद खान.
तो प्रपोझ करतानाच्या सीनमधला त्याच्या अभिनय अत्त्युच्च !! संवाद नसतानाही केवळ डोळे आणि चेहरा यांच्या जोरावर तो मनातली घालमेल,टेन्शन मस्त दाखवून देतो. >>> +१००००
सध्या जिंगी चॅनेल लागतच नाहीये आमच्याकडे...

पाकिस्तानात आत्तेबहिणीशी लग्न करण्याची पद्धत आहेसं वाटतं.
मेरे कातिल मेरे दिलदार मध्येही भावाकडे कायमची परत आलेली "फुफू"(आत्या) आणि तिची लेक आहेत.
आता हमसफरमधेही फुफू आणि तिची लेक आहेत. याही दोघी फुफूच्या भावाकडेच रहातात.
आणि पहिले २/३ एपिसोड इतके काही छान नाही वाटले ....जितकी त्याची हवा झालीये!

पाकिस्तानात असं नाही. मला वाटतं मुस्लीम धर्मात पद्धत आहे. चुलत भावंडात पण लग्न करतात. एक जुना हिंदी चित्रपट होता फाळणीवरचा. त्यात बलराज सहानी आणि फारुख शेख, गीता सिद्धार्थ इ. होते.
त्यात तिचे लग्न आधी चुलत भावाशी ठरलेले असते पण ते पाकिस्तानात जातात मग आतेभावाशी ठरते तर ते लोक पण फाळणीनंतर पाकिस्तानात जातात. हिचे वडील काही भारत सोडून जात नाहीत. अशी स्टोरी होती. खूप लहानपणी बघितलाय तो चित्रपट पण आठवतोय मला वाटतं त्याचे नाव 'गरम हवा'.

धर्माचा उल्लेख केल्याबद्दल sorry.

हमसफर मध्ये सारा का झारा आहे तीपण बहुतेक मावसबहीण दाखवली आहेना. खालाची मुलगी मग त्याचे लग्न त्यांची आई आपल्या बहिणीच्या मुलीशी ठरवत असते का?

आतेबहिणीशी लग्न करायची पद्धत आपल्या भारतात पण आहे.

हो नंदिनी, आतेभावाशी करायची पद्धत इथेही आहे. आते-मामे भावंडांच्यात लग्न करायची पद्धत हिंदु धर्मातही आहे.

कोणी 'हमसफर' पाहतय का? कशी आहे सिरीयल? रिपीट सुद्धा पाहणं जमत नाहिये पण खुप उत्सुक्ता आहे. खुप कौतुक ऐकलंय या सिरीयलच.

मी बघतेय रात्री ११ ते १२. आता होईल इंटरेस्टींग असं वाटतंय.

हमसफर पाहताना spoilers पासून दूर रहा! शेवटचे काही episodes टोटल टडोपा!

मुस्लिम जमातीत फक्त सक्ख भावंड सोडून चुलत, मावस , आत्ये , मामे भावंड चालु शकतं .

काही मराठी जातीत , मामे नाहितर आत्ये भावंड चालतं असे पाहिलेय. तामिळी ब्राम्हण मुली मामाशी पण लग्न ़करतात.

माझ्या एका लिंगायत मराठी मैत्रीणीने तिच्या मावस भावाशी लग्न केले चक्क प्रेम झाले म्हणून(?)

पारसीत पण सेम मुस्लिमांसारखे असते असे पाहिलेय.

विचित्र वाटते (मला ).

सगळे भाग हमसफरचे तु नळी वर आहेत.

http://youtu.be/W7DpMtrDbgQ हि एक सिरियल सुद्ध् बरी आहे. हम्सफर सारखाच प्लॉट आहे पण मला त्यावेळी आवडलेली.

टडोपा म्हणजे काय? जिज्ञासा.

टडोपा - टचकन डोळ्यांत पाणी! इति मायबोली स्लँग!

शेवट सुखी नाहीये का, त्या गाण्यावरून जरा डाऊट येतोय.

आता कितनी गिरहे रात्री १०.१५ ला नाही लागत. फक्त काल सलग २ भाग लागले. ९ ते ९.५० अणि ९.५० ते पुढे.