आता कशाला शिजायची बात - लाजो - 'खळ्यात-मळ्यात'

कृती:

१. भाज्या मातीतुन काढुन स्वच्छ धुवुन घ्या.

२. अ‍ॅव्हाकाडो चे साल काढुन मॅश करा. त्यात थोडा लिंबाचा रस, बारीक चिरलेली भोपळी मिरची (लाल्/हिरवी/पिवळी), कोथिंबीर आणि लाल तिखट/ मिरच्यांचा ठेचा (मी मिडल इस्टर्न स्पाईस ब्लेंड - हरिसा पावडर वापरली आहे), मिठ घालुन एकजीव करा.

३. टॉमेटोचा गर काढुन आणि बारीक चिरा. काकडीच्या बिया/गर काढुन बारीक चिरा. यावर थोडा मसाला (मी ड्राईड मिंट चा चुरा घातला थोडा) भुरभुरवा. मिठ साखर घालु नका - पाणी सुटेल.

४. एका पसरट बोल मधे (किंवा माणशी एक छोट्या बोल मधे) तळाला स्प्राऊट्स घाला. त्यावर टॉमेटो आणि काकडीचे तुकडे घाला.

५. यावर अ‍ॅव्हाकाडो चे मिश्रण नीट पसरा. वेळ असेल तर बोल थोडावेळ फ्रिज मधे ठेवा.

६, आता आवडीच्या भाज्या, कडधान्यांचे मोड इ इ यावर रचा. सोबत ड्रेसिंग हवे तर वाटीत ऑऑ + मिरेपूड + मसाला घ्या. मी थोडासा मळ्याचा इफ्फेक्ट द्यायचा प्रयत्न केला आहे. माती साठी मसुरा ऐवजी होलग्रेन बिस्किटांचा थर देखिल लावता येइल (याचा फोटो मग टाकते).

७. खाताना आवडत्या भाजीचा तुकडा थोडा ड्रेसिंग मधे बुडवुन मग अ‍ॅव्हाकाडो+ काकडी+ टॉमेटो सोबत खा

अजुन एक प्रकार

यात अ‍ॅव्हाकाडो न वापरता घट्ट दही डिपींग साठी वापरले आहे.

दह्यातले पाणी काढुन टाका. त्यात आलं + पुदिना + कोथिंबीर + जीरे पूड + मिठ घालुन एकजीव करा.

भाज्यांवर थोडा चाट मसाला भुरभुरवा.

सोबत हवे तर हिरव्या चटणीचा ठेचा घ्या.

--

~ कार्भारणे, चुलीला एक दिवस सुट्टी द्या आणि प्रदुषण कमी करायला मदत करा....

* अधुन मधुन आसं ह्यल्दी खा आन शरीरालाबी तंदरूस्त करा...