चला , वजन कमी करूया

यांना आवरा रे कोणी! लाज नाही वाटत का अक्कल चालवून गेला जीव लिहायला!
वजन किती हवं हा प्रश्न आहे. देता येत असेल तर उत्तर द्या नाहीतर फुटा! डोक्याला ताप!

अमितव
भारी संस्कारी आयडी आहे.

एक वेळचे जेवण सोडण्यापेक्षा कार्ब्स कमी (दिवसातुन २ पोर्शन्स फक्त), सहा ते आठ पोर्शन भाज्या/ सॅलड, चार पोर्शन प्रोटीन केल्याने भरपूर फरक पडेन. हे बायकांसाठी .
पुरुषांना पेक्षा जास्त खावे लागेल.

पेरू धन्यवाद.
ह्या असल्या चुकीच्या माहिती मुळे अनेक जीवाला मुकले आहेत.>>> कोणती चुकीची माहिती? भात सोडणे की आठवड्यातून १ डिनर स्कीप करणे?
तुम्ही करेक्ट माहिती द्या ना मग.
श्रिदेवी चं उदाहरण चुकलय..

कार्ब्स म्हणजे धान्यं ना? भात, चपाती , भाकरी ई?

लंघन करणे हां उपाय प्रचलित आहेच त्यामुळे त्यात काही वाईट परिणाम होतील असे नाही वाटत. फक्त तो लंघनाचा दिवस अति स्ट्रेसफूल शेड्यूलचा नसावा आणि हे तारतम्य प्रत्येकाकडे असतेच.

<त्यात काही वाईट परिणाम होतील असे नाही वाटत> कृपया सरसकट विधाने करू नयेत. सगळ्यांनाच सगळ्या गोष्टी मानवतील असं नाही.

भरत तुम्ही फक्त सिलेक्टीव्ह वाचणे आणि वाक्य कोट करणे कमी केले तर बरे ना. पुढचे वाक्य जास्त महत्वाचे होते आणि आहे.

नसतं तारतम्य सगळ्यांकडे. लोकसत्तेत सध्या वेग वेगळ्या डाएट्सच्या फॅडमुळे लोकांमध्ये आरोग्याच्या नव्या समस्या कशा निर्माण होताहेत, त्यावर लेख येताहेत. वाचा. आणि फक्त स्ट्रेसचा संबंध नाही. कोणाला इतर कसले हेल्थ इश्युज असू शकतात. त्यांना लंघनाचा त्रास होऊ शकतो.

बाकी मायबोलीवर इंटरमिटंट फास्टिंग करणार्‍यांनी कामाच्या दिवशीही ते पाळलेलं नाही. तो शरीराला सवय लावण्याचा भाग आहे.

ओके
गॉट युअर पॉइंट
म्हणूनच तारतम्य लिहिले होते.
आणि सर्व काही लोकसत्ताच्या भरवश्यावर वाचून करायचं तर एक्सपर्ट्स / डायटिशयन्स उपाशी मरतील की. जे काही सोशल साइट वरच वाचून प्रयोग स्वतावर करायचे त्यात आधी तज्ञ व्यक्तीचा (फुकटचा नव्हे ) तर विकतचा सल्ला घेणे आवश्यक असते ज्याला थोडक्यात तारतम्य लिहिलेले मी.

लोकसत्तेत लेखमाला लिहिणार्‍या एक्स्पर्टच आहेत हो. आणि एक्स्पर्ट म्हणजे ऋजुता दिवेकर नाही. त्याही तिथे डाएट टिप्स देत नाहीत. तर वेगवेगळ्या डाएट्समागचा विचार , त्यातले दुष्परिणाम दाखवतात.

तारतम्यचा तुम्हांला अभिप्रेत असलेला अर्थ पोचला नाही. तज्ज्ञांच्या सल्ल्याने (एकाऐवजी दोन शब्द) असं स्टँडर्ड डिस्क्लेमर देता आलं असतं.

तज्ञांच्या विकतच्या सल्याने ( ३ शब्द )

हो ना? मग तो प्रतिसाद एडिट करून लिहा तसं.

आशू२९,
सध्या आम्ही भात (पांढरा/ब्राउन) , बटाटा,पास्ता हे रेझिस्टंट स्टार्च स्वरुपात थोड्या प्रमाणात (१ सर्विंग) खातो. भात, बटाटा, पास्ता हे आदल्या दिवशी शिजवून रात्रभर फ्रीजमधे ठेवतो. असे केल्याने त्यातला रेझिस्टंट स्टार्च वाढतो. खाली जॉन्स हॉपकिन्सची लिंक आहे.
रेझिस्टंट स्टार्च
याशिवाय मायप्लेट गाईडलाइन्स वापरतो. कढधान्यातले कार्ब्ज विचारात घेतो. रात्रीच्या जेवणात पालेभाजी/नॉन स्टार्ची भाजी, नॉन वेज असल्यास त्या सोबत नुसते वाफवलेले ब्रोकोली/गाजर किंवा लाल मुळा/गाजर/लाल कोबी/ लेट्युस असे सॅलड + घरगुती सॅलड ड्रेसिंग.
मी इंटरमिटंट फास्टिंग करते मात्र त्यासाठी हळू हळू सवय केली. ब्रेकफास्ट चे प्रमाण कमी करणे आणि वेळ वाढवत नेणे हे हळू हळू केले. +१ च्या नोकरीच्या वेळा, कामाचे स्वरुप बघता त्याला हे शक्य नाही. तो सव्वा पाचला व्यवस्थित ब्रेकफास्ट करतो.

स्वाती२ थँक्यु सो मच

२००३ च्या दरम्यान मी ओव्हरवेट झालो. कमी केलं. पुन्हा वजन वाढले, हे चक्र काही दिवस सुरू राहीले. नंतर सिंहगड चढणे वगैरे बंद झाल्यावर वजन वाढले ते उतरायला बरेच कष्ट पडले. आता नियंत्रणात आहे. पण पूर्वी जसा पाप्याचा पितर होतो तसा आता नाही.

या धाग्याच्या निमित्ताने एक गोष्ट शेअर कराविशी वाटते. सोशल मीडीयात लेख (किंवा काहीही) माझ्याकडून का लिहून होत नाही हा प्रश्न गेले काही दिवस छळत होता. आज हा धागा वाचताना उजळणी झाली आणि उत्तर मिळाले. याचे कारण झोपेच्या तासांशी तडजोड करत नाही.
ऑफीस मधे केबिनला लागून एक छोटीशी जागा आहे तिथे अरुंद बेडच बनवलाय. पाच मिनिटे का होईना पावर नॅप घेतो. टाळत नाही. संध्याकाळी आल्यावर तासभर ताणून देतो. कधी कधी तीन तास असाच झोपतो. मग रात्री उशिरा झोप नाही आली तर जबरदस्ती करत नाही. पुन्हा रात्री दोन ते तीन तास झोप. एकूण पाच ते सात तास झोपेचा कोटा पूर्ण करतोच.

त्यामुळे लिखाण वगैरे वेळखाऊ कामांना वेळ मिळत नाही. त्यातही संदर्भ तपासून ते घुसडायचे असतील तर मग कंटाळा येतो. आपण लिखाण करतो ते स्वतःसाठी हे खरे असेल तर आपल्याला त्याचा त्रास नको व्हायला. नाहीतर लोकांचे मनोरंजन करण्यासाठी तब्येतीशी खेळ काही कामाचा नाही.

हे आपलं आत्ता जाणवलं म्हणून या धाग्यावर लिहीलं. अवांतर वाटले तर क्षमा करावी.

नाहीतर लोकांचे मनोरंजन करण्यासाठी तब्येतीशी खेळ काही कामाचा नाही >> सहमत.

साने गुरुजी म्हणतात, करील मनोरंजन जो मुलांचे, जडेल नाते प्रभूशी तयाचे. पण प्रभूशी नाते इतक्या लवकर जोडायची घाई करायची गरज नाही. तब्येत सलामत तो लेख पचास.

<< पुन्हा रात्री दोन ते तीन तास झोप. एकूण पाच ते सात तास झोपेचा कोटा पूर्ण करतोच. >>

इतकी कमी आणि अनियमित झोप चांगली आहे की नाही, ते डॉक्टरांना विचारून घ्या एकदा.

हो रघू, झोप होणं सर्वात महत्वाचं.

अरेच्च्चा !
या धाग्यावर होतो कि मी... टोटल मेमरी लॉस झालाय.
अनुजी दिसत नाहीत.

कमी आणि अनियमित झोप >> हे पाहिलं नव्हतं. डॉक्टरांना विचारायला हरकत नाही. पण आता झोप नियमित सुद्धा आहे.

हेडरमधे दिलेला डाएट प्लान खूप चांगला आहे.
चांगल्या डाएटिशिअनला विचारून फॉलो केला पाहीजे. हल्ली न्युट्रिशिअन्स म्हणवून घेणारे भेटतात. वजन कमी करण्यासाठी निघालेली हाय फाय दुकानं आहेत. अशा ठिकाणचा आहारतज्ञ हा त्या दुकानाच्या धंद्यानुसार डाएट प्लान देत असतो.

सुदैवाने मी जिथे जात होतो तिथे जी आहारतज्ञ होती ती एमबीबीएस, एमडी होती. वजन कमी करेपर्यंत काही काळ कार्ब्स कमी करावेत. पण दीर्घकाळासाठी कार्ब्ज कमी करणे धोक्याचे असते.

तसेच निव्वळ प्रोटीन डाएट किडनीसाठी घातक ठरतो.
वजन कमी करण्याच्या प्रोग्राममधे नेमकं हेच असतं. शक्यतो नावाजलेल्या डाएटिशिअनला किंवा नेहमीच्या डॉक्टरांना विचारले तरी फायदाच होतो.