माझ्या मनातले घर कोंदट. .

Submitted by दुसरबीडकर on 25 June, 2014 - 06:58

माझ्या मनातले घर कोंदट..
अन तू अख्खे घर धडधाकट...!!

तुझ्या प्रितीचे औषध व्हावे...
मरणावरी उतारा दसपट..!!

मौन तुझे मज बोलत असते..
व्यर्थ कशाला आदळआपट..!!

वसतिगृहावर मला सोडुनी..
हळवा होतो 'बाबा' तापट..!!

सुगी संपली स्वप्नांमधली..
मागे आठवणींचे धसकट..!!

असे जगू की तसे जगू मी...
आयुष्याची नुसती फरपट..!!

विहिर मनाची भरली नाही..
यंदा झाला पाउस हलकट..!!

डोळ्यामधले कळते तुजला..
उगीच का तू म्हटली...'चावट.'.!!

सुखाचीच पडझड झाल्यावर..
डागडुजी दुख करते दणकट...!!

तुझ्या पिकाचा बहर 'गणेशा'....
जाळत जावो सारे तणकट..!!

-गणेश शिंदे,दुसरबिडकर..
9975767537

विषय: 
काव्यलेखन
आधार
शब्दखुणा: 
मराठी गझल
गणेश शिंदे दुसरबिडकर
Groups audience: 
गुलमोहर - गझल
Group content visibility: 
Public - accessible to all site users
शेअर करा

मनपुर्वक आभार..
कविताजी..
सुनिलजी..

प्रोफएसपीडी..
स्वेच्छानिवृत्ती घ्यावी सर आपण..!!

Submitted by दुसरबीडकर on 28 March, 2015 - 08:11