Submitted by अभय आर्वीकर on 21 March, 2014 - 21:19
रंग आणखी मळतो आहे
रंग सुगीचा छळतो आहे
वसंतही हळहळतो आहे
गारपिटीचे गुलाबजामुन
डोळ्यामध्ये तळतो आहे
मावळतीचा तवा तांबडा
भातुकलीला जळतो आहे
पडतो आहे, झडतो आहे
तरी न मी ढासळतो आहे !
भोळसटांच्या वस्तीमध्ये
घाम फुकाचा गळतो आहे
बेरंगाच्या रंगामध्ये
रंग आणखी मळतो आहे
ऐलथडीच्या सुप्तभयाने
पैलथडीने पळतो आहे
'अभय'पणाचा वाण तरी पण;
पाय बावळा वळतो आहे
- गंगाधर मुटे
==^=0=^=0=^=0=^=0=^=0=^=0=^=0=^=0=^=0==
विषय:
शब्दखुणा:
Groups audience:
Group content visibility:
Public - accessible to all site users
शेअर करा
बरी . धन्यवाद सर
बरी .
धन्यवाद सर
गारपिटीचे
गारपिटीचे गुलाबजामुन
डोळ्यामध्ये तळतो आहे
व्वा. शेर अगदी पोहोचला.
मुटेजी, काही शेर
मुटेजी, काही शेर आवडलेत-पोचलेत? विशेषकरून भातुकली.
गझलेचं तंत्र आणि त्यात आशय बसवण्याची धडपड जाणवते आहे!
वैवकु, समीरजी,
वैवकु, समीरजी, चिन्नु
धन्यवाद.
ढासळतो आणि पळतो हे सर्वात छान
ढासळतो आणि पळतो हे सर्वात छान वाटले.