Submitted by संतोष वाटपाडे on 19 February, 2014 - 22:19
भाग मिल्खा भाग बापुड्या
अन्नासाठी भाग..
धावशील तू तेव्हा जगशील,
पोटामध्ये आग....
तूझ्यासारखे कैक दिवाणे
आपल्या देशामध्ये भरले
पोट खपाटी दारिद्र्याने,
जीव काढूनी पळणे उरले...
अन्न मिळाले खायला तर,
पाण्यासाठी भाग....
संकट सांगून येणार नाही,
रात्री सार्या जाग....
भूक लावते कधी पळाया,
भुक लावते कधी जळाया...
भूक मारते जगवतेही,
भूक लावते मर्म कळाया...
घरच्यांसाठी परक्यांसाठी,
देशासाठी भाग...
भाग मिल्खा भाग बापुड्या,
भूक लागता भाग....
-- संतोष वाटपाडे (नाशिक)
विषय:
शब्दखुणा:
Group content visibility:
Public - accessible to all site users
शेअर करा
