प्रजासत्ताक दिन परेड - मरीन ड्राईव्ह

छान फोटो, बघितले तरी अंगात जोश संचारतो.
(पिकासा वगैरे बाह्य सुविधा न वापरता) मायबोलीवरच इथे दिल्याबद्दल धन्यवाद

येस!! मुंबईत परेड झाली>>> माझ्या आठवणीप्रमाणे शिवाजी पार्कला पुर्वी परेड व्हायची/ झालेली आहे. आता ती २६ जानेवारी की १५ ऑगस्टला ते आठवत नाहीये. १५ ऑगस्टला पावसामुळे परेड होण्याची शक्यता कमीच... अर्थात्, दर वर्षी महाराष्ट्रदिनाला शि.पा.त परेड होते.

मी पण लहानपणी गिरगावात परेड पाहिल्याचं अंधुकसं आठवतंय. रस्त्याच्या कडेला उभं राहून समोरुन चाललेल्या परेडमधील केस वर जाळीत बांधलेल्या स्त्रिया (कुठल्या ग्रूपमधल्या होत्या माहित नाही) पाहून जोरात ओरडत हातवारे करत बाबांना म्हणाले होते, "त्या बघा कितीतरी इंदिरा गांधी!" मला कुठे लपवू असं बाबांना झालं होतं बहुतेक, कारण लगेच त्यांनी मला घेऊन तिथून कलटी मारली होती.

परवा फेबुवर वाचलं मी की मरीन ड्राईव्हला परेड ठेवून गोंधळ केलाय त्यापेक्षा शिवाजी पार्कच बेस्ट होतं वगैरे वगैरे. काय होता खरा प्रकार सावली?

नाय नाय आडो, शि.पा.चं आवजाव घर तुम्हारा झालेलं आहे. कुठे काही नाही मिळालं की या शि.पा.त..

२६ जानेवारीच्या परेडसाठी मरीन ड्राईव्हच बेस्ट जागा होती. एकतर मोठे आणि सरळ रस्ते, प्रेक्षक व्यवस्थेसाठी मोठा फूटपाथ, लोकांना जाण्या-येण्यासाठी सोईस्कर (चर्चगेट-व्हिटी दोन्ही सुरुवातीची स्टेशनं म्हणून) आणि सगळ्यात महत्त्वाचं म्हणजे तिथून सगळ्या परेड विधान भवनात येऊन संपणार अशी व्यवस्था होती. त्यामुळे त्यांना राजकीय पाहुण्यांचीही सुयोग्य व्यवस्था करता आली.

मंजूडी +१

ह्या वर्षी टीव्हीवर परेड पहायची राहिली. इथे तुझे फोटो पाहून तितकेच समाधान

ओके मंजूडी आणि सावली ते लिहिणार्‍यातला एक जण प्रभादेवी भागातला आहे म्हणून असं म्हणतोय की काय असं वाटलं मला