Submitted by आनंदयात्री on 16 December, 2013 - 05:51
बोलतो कितीतरी तरी कमीच शेवटी
राहते मनातले खरे मनीच शेवटी
चांगले असूनही इथे न भागते मुळी
पाहिजे इथे इमेज चांगलीच शेवटी
साथ द्यायला कुणीच आपली न धावती
वाटती तरी उगाच आपलीच शेवटी
चंद्र भोवती कुठे नकोच वावरायला
स्पेस चांदण्यासही जरा हवीच शेवटी
पाहतो निमूट सर्व जे घडेल ते तसे
लागतात अर्थ सर्व नेहमीच शेवटी
काय माहिती? कुणी असेलही, नसेलही!
आसपास, अंतरात पोकळीच शेवटी
- नचिकेत जोशी
(ब्लॉगवर प्रकाशित - http://anandyatra.blogspot.in/2013/12/blog-post.html)
विषय:
शब्दखुणा:
Groups audience:
Group content visibility:
Public - accessible to all site users
शेअर करा
साथ द्यायला कुणीच आपली न
साथ द्यायला कुणीच आपली न धावती
वाटती तरी उगाच आपलीच शेवटी >> "आपली" चे प्रयोजन लवकर उमजत नाही... काफियासाठी तसे केले आहे असे वाटले.(वै.म.कृ.गै.न.)
चंद्र भोवती कुठे नकोच वावरायला
स्पेस चांदण्यासही जरा हवीच शेवटी >> ग्रेट खयाल..
बाकी गझल नचिकेत टच..
चंद्र भोवती कुठे नकोच
चंद्र भोवती कुठे नकोच वावरायला
स्पेस चांदण्यासही जरा हवीच शेवटी>>>>>>>> मस्त..
पाहतो निमूट सर्व जे घडेल ते
पाहतो निमूट सर्व जे घडेल ते तसे
लागतात अर्थ सर्व नेहमीच शेवटी
काय माहिती? कुणी असेलही, नसेलही!
आसपास, अंतरात पोकळीच शेवटी
व्वा
उरलेल्या शेरांत नचिकेत कमी दिसला.
शुभेच्छा!
पहिले २ आणि शेवटचा शेर सर्वात
पहिले २ आणि शेवटचा शेर सर्वात विशेष वाटले.
आवडली काय माहिती? कुणी
काय माहिती? कुणी असेलही, नसेलही!
आसपास, अंतरात पोकळीच शेवटी>>> हा सर्वात जास्त आवडला
गझल नेहमीप्रमाणेच सुबक,
गझल नेहमीप्रमाणेच सुबक, प्रवाही आणि परिपक्व, पण यावेळी खयालांमध्ये नावीन्य मिळाले नाही. आपण राग मानणार नाहीत अशी आशा करतो या परखड प्रतिसादाबद्दल! धन्यवाद!
(अवांतर - अनेक ओळी स्वतंत्ररीत्या खूपच आवडल्या आणि शेर म्हणून समाधान झाले नाही असे काहीतरी झाले ह्यावेळी माझे)
आवडली!
आवडली!
चान्दणे व चान्दण्या यापैकी
चान्दणे व चान्दण्या यापैकी काय अपेक्षित आहे तिथे ? गझल छानच !
पाहतो निमूट सर्व जे घडेल ते
पाहतो निमूट सर्व जे घडेल ते तसे
लागतात अर्थ सर्व नेहमीच शेवटी
वा !!
खूप सुंदर, पहिल्या दोन ओळी
खूप सुंदर, पहिल्या दोन ओळी आणि शेवटच्या दोन ओळी जास्तच भावल्या.
गज़ल आवडली!
गज़ल आवडली!
चांगले असूनही इथे न भागते
चांगले असूनही इथे न भागते मुळी
पाहिजे इथे इमेज चांगलीच शेवटी<<<खरंय ...पटलं ....
वैवकु , मलाही पटलं !!!!
वैवकु , मलाही पटलं !!!! वास्तव शेर !!!
चांगले असूनही इथे न भागते
चांगले असूनही इथे न भागते मुळी
पाहिजे इथे इमेज चांगलीच शेवटी
साथ द्यायला कुणीच आपली न धावती
वाटती तरी उगाच आपलीच शेवटी
चंद्र भोवती कुठे नकोच वावरायला
स्पेस चांदण्यासही जरा हवीच शेवटी
>> मस्त !
सर्वांचे आभार. राजीव, चांदणेच
सर्वांचे आभार.
राजीव, चांदणेच म्हणायचंय...
बेफिकीर, नावीन्य नसेलही. पण यावेळी पहिल्यांदाच इंग्लिश शब्द वापरले आहेत, तो प्रयोग करून बघायचा होता. आभार..