कशाने वाटते आहे तसे काहीच नसताना

वृत्तं छान संभाळलय, वैभव.
पण अगदी खरं सांगायचं तर मला फक्तं वृत्तासाठी गझल लिहिल्यासारखं वाटतय.
उदा.
तिने हरखून माझी विठ्ठलाची ओळ गुणगुणली
तिच्या प्रेमात पडलो मी तिच्या प्रेमात पडताना

ज्या वाचकांना माहीत नाही की तुमच्या गझलांमधे विठ्ठल असतो... (तो असतो, ते आता गझला वाचून अन प्रतिसाद वाचून मायबोलीकरांना कळलय), त्यांनी ह्या शेराचा काय अर्थं लावायचा?
म्हणजे शेराला अर्थं नाही असं नाही. पण एकुणात...
".. अय्या विठ्ठलाची ओळ आली गझलेत" असं म्हणून कोण वाचिका अन का हरखेल? असा प्रश्नं कुणालाही पडेल.
मला खरच कळून घ्यायला आवडेल की, ह्या गझलमधे ह्या पद्धतीने विठ्ठल का आला आहे?

(माझी इतरांना विनंती आहे की, ह्याची टिंगल होऊ नये. मी अन वैभव सुद्धा इथे शिकतो आहोत असा माझा विश्वास आहे.)

वैभव, प्लीज.. बेकार नका म्हणू गझलला. वृत्त संभाळता येणंही चांगलच आहे. कसं आहे ना... दोन घागरी अल्लाद आणणारी कुणी एखाद्यादिवशी एक डोक्यावर, एक कमरेला अन एक हातात अशा तीन आणते. त्यादिवशी ती "नेहमीची नजाकतदार" नव्हती म्हणणं चूकच

अजूनही "विठ्ठलाची ओळ" मला खटकतेय. आणि तुम्ही त्याचं समाधानकारक उत्तर नाही दिलय. विठ्ठल इथे न आणता (विठ्ठल हा शब्द) हा शेर कसा बदलता येईल?

कशाने वाटते आहे तसे काहीच नसताना>>>

मस्त ओळ, अगदी तरहीला द्यावी अशी.

बाकी गझलेबद्दल दाद ह्यांच्याशी सहमत.

बर्‍यापैकी आवडली..
शायराच्या प्रत्येक गझलेतील सर्वच्या सर्व भाव सर्वांपर्यंत पोचतीलच असे नाही..
मी तुलना करीत नाही...पण ग्रेसांच्या कविता कितीजणांना कळतात? तरी त्यांना ग्रेट म्हटलेच जाते ना...

बाकी वैभवच्या कविता / गझला कळण्यासाठी वैभवच्या विचारात घुसणे आवश्यक आहे

नाजुक झालेत शेर

आवडली गझल संपूर्ण

पुलेशु.

पुढे येईल थोडी की लपुन राहील ती मागे
तिला रस्त्यात जर दिसलो तिच्या विरहात फिरताना
व्वा !

मला माझीच वाटे ती तिच्यावर शेर करताना>>हा मिसरा समजला नाही .

पुढे येईल थोडी की लपुन राहील ती मागे
तिला रस्त्यात जर दिसलो तिच्या विरहात फिरताना
व्वा !

मला माझीच वाटे ती तिच्यावर शेर करताना>>हा मिसरा समजला नाही .

वैभव, गझल आवडली .
तिला सोडून जाताना दिले आभार दु:खांनी
सुखांनी फोडला टाहो तिने पलटून बघताना
खूपच कोरीव शब्द.

तिने हरखून माझी विठ्ठलाची ओळ गुणगुणली
तिच्या प्रेमात पडलो मी तिच्या प्रेमात पडताना
इथे दादचे म्हणणे पोचले .तसा तुमचा प्रतिवादही चुकीचा नाही पण 'विठ्ठल ' आणि तुम्ही, तसेच 'ती' आणि तुम्ही ही वेगवेगळी समीकरणे आहेत त्यांना एकत्र आणल्यास होणारी ओढाताण त्या शेरात झाली आहे.

मनाची धाप मोहरली तिचे उछ्वास टिपताना<<< सुंदर ओळ आहे

बोल्ड शब्द नेमका कसा लिहितात?

तिला सोडून जाताना दिले आभार दु:खांनी
सुखांनी फोडला टाहो तिने पलटून बघताना <<< खयाल आवडला.

आभार मानतात असे मला वाटते.

गझल अधिक सफाईदार होऊ शकली असती असे वाटले.

''उच्छवास '' असा करेक्ट शब्द आहे.

कोरीव म्हणताना एक रेखीव प्रतिमा नेमकेपणाने उभे करणारे शब्द .'पलटून बघण्या'ची क्रिया एकाच वेळी विरहात पडत जाणारे अंतर अन असहायता व्यक्त करणारी. शेर अर्थातच आवडला.
विठ्ठलाच्या शेरातली ओढाताण तुमच्यासाठी नाही, समजून घेणार्‍यांसाठी आहे. तुम्ही दिलेले दाखले गझलेइतकेच सुंदर आहेत ,कवीने व्यक्त व्हावे, कुणासाठी काही बदलू नये .