एकाकी

Submitted by राजेंद्र देवी on 24 September, 2013 - 04:17

एकाकी

दोन पावलावर घर तुझे
आताशी मी फिरकत नाही
दोन घडीचेच आयुष्य
आता ते उरकत नाही

कैक उन्हाळे पावसाळे पाहिले
आता काही सोसवत नाही
उन्हे उतरली तरी फार वेळ
आता सावल्या सरकत नाही

वेळी अवेळी सांजवेळी
आता येते डोळा पाणी
निपटून घेतो थरथरत्या हातांनी
आता मी ते मिरवत नाही

राजेंद्र देवी

विषय: 
काव्यलेखन
शब्दखुणा: 
एकाकी
Groups audience: 
गुलमोहर - कविता
Group content visibility: 
Public - accessible to all site users
शेअर करा