आता ती माझी नाही

पहिला, तिसरा आणि शेवटचा शेर आवडला.

गाती हा शब्द समजला नाही.

चुकुन हा शब्द चुकून असा हवा होता का? की सूट घेतली आहे?

मतला सुरेख आहे, जाती चा संदर्भ लागायला जरा वेळ लागला, पण मग अगदीच भावला.

जमीन आणि माती पुनराव्रुत्ती आहे का? असल्यास ती तशी का आहे हे समजले नाही.

ही जमीन माझी नाही ही माती माझी नाही

मी तिच्या सावलीमध्ये हा जन्म जाळला अवघा
म्हणतेच कशी मग माया सांगाती माझी नाही

मस्त!

शेवटचा शेर मिश्कीलीला दु:खाची किनार असल्याने तोही आवडला.

गाती म्हणजे काय?

दगडाच्या शेरावरून अपरीहार्यपणे 'दुष्यंतकुमार' आठवले(संदर्भ : एक पत्थर तो तबीयत से उछालो दोस्तो)

शुभेच्छा!

कुठलाच शब्दही नाही की जाती माझी नाही
जी गझल तुम्हा आवडली बहुधा ती माझी नाही

तुमच्या हृदयाच्या डोही जो तरंग उठला आहे
ती मुकी वेदना माझी ही गाती माझी नाही

मी काल तिच्या नवर्‍याची थोडीशी गम्मत केली
ती हिरमुसल्यावर कळले आता ती माझी नाही

>> हे तिन्ही आवडले.
मतला आणि 'गाती' मधून साधारण सारखीच अनुभूती मिळाली, तरी दोन्ही आवडले.
शेवटचा शेर सरळ आणि थेट आहे.

उर्वरित शेर मात्र गूढ व संदिग्ध वाटले. वाचताना मजा आली, पण नेमके काय हाती लागले ते सांगता येणार नाही.

------------------------------------------------

अवांतर - विठ्ठल कुठाय ?

कणखरजी,

गाती म्हणजे काय? >>>>

'गाणारी' असं म्हणायचं असावं.
हृदयात मूकपणे तरंग उठवणारी मूक वेदना माझी आहे. कविता सुचवणारी, गाणं स्फुरवणारी वेदना माझी नाही. - असं काहीसं असावं.

दगडाच्या शेरावरून अपरीहार्यपणे 'दुष्यंतकुमार' आठवले(संदर्भ : एक पत्थर तो तबीयत से उछालो दोस्तो) >>>>

अगदी अगदी !!

कुठलाच शब्दही नाही की जाती माझी नाही
जी गझल तुम्हा आवडली बहुधा ती माझी नाही
>>>
हा शेर मस्त असणारेय पण जाती माझी नाही मधुन नेमकं काय सांगायचय ते मला कळालं नाहीये

ह्या इथे मला पिकवाया मी चुकुन पेरले होते
ही जमीन माझी नाही ही माती माझी नाही
>>> खूप आवडला...

मी तिच्या सावलीमध्ये हा जन्म जाळला अवघा
म्हणतेच कशी मग माया सांगाती माझी नाही
>>>> ठिक आहे
आकाशावरही त्यांनी हा दगड फेकला होता
आकाश फाटले होते ...पण छाती माझी नाही !
>>>> खुप मस्त!

तुमच्या हृदयाच्या डोही जो तरंग उठला आहे
ती मुकी वेदना माझी ही गाती माझी नाही
>>>>> गाती शब्द पटला नाही.

मी काल तिच्या नवर्‍याची थोडीशी गम्मत केली
ती हिरमुसल्यावर कळले आता ती माझी नाही
>> यात तुम्ही सांगितल्याप्रमाणे विठ्ठल काही सापडला नाही....
पण जो मला लागला तोच अर्थ मला जास्त आवडलाय आणि त्यामुळे माझ्यासाठी हा शेर आणि माती वाला शेर सगळ्यात बेस्ट आहेत

(गझलेतलं मला इतकंच कळतं )

गाती शब्द बरोबरच आहे
गाणे फुले गाती, सवे वृक्ष हे डोलती असली काही तरी कविता मी लहानपणी केलेले मला स्पष्ट आठवतेय... पण तो शब्द मला इथे पटला नाही इतकंच
मला पटायलाच हवा असं काही नाही:)

जाती हे मात्रावृत्त चे सिनॉनिम आहे ( ही गझलही मात्रावृत्तात आहे )
>>>
मला वाटलेलंच की हे अस्लं काही तरी असणार
छान आहे हा ही शेर!

आवडली, शेवटची ओळ जास्त आवडली.

>>विठ्ठलाचा शेर आहे की .............शेवटचा शेर बघ जितू ....तो विठ्ठल आहे आणि ती माझी गझल !!!!>>>>

_/\_ वैभव !!!

आकाशावरही त्यांनी हा दगड फेकला होता
आकाश फाटले होते ...पण छाती माझी नाही !

मी काल तिच्या नवर्‍याची थोडीशी गम्मत केली
ती हिरमुसल्यावर कळले आता ती माझी नाही

हे दोन सर्वात विशेष वाटले.

मी काल तिच्या नवर्‍याची थोडीशी गम्मत केली
ती हिरमुसल्यावर कळले आता ती माझी नाही<<< वा वा

गझल आवडली

मी काल तिच्या नवर्‍याची थोडीशी गम्मत केली
ती हिरमुसल्यावर कळले आता ती माझी नाही >>>>>लै भारी