सावल्या ___ शतशब्दकथा (१०० शब्दांत कथा)

Submitted by तुमचा अभिषेक on 7 August, 2013 - 02:14

ते एक सुकलेले शेत होते एवढंच काय त्याला गाडीच्या बाहेर फेकले जाताना जाणवले..
चांदण्यांच्या प्रकाशात लुकलुकणारे चार सहा आठ डोळे आणि एक बारीकसा टॉर्चचा झोत..
त्यात दिसणार्‍या, अंगावर झेपावणार्‍या...
जंगली श्वापदासारख्या उघड्या देहावर तुटून पडणार्‍या...
काळ्याकुट्ट सावल्या..!

त्यांचा स्पर्श, अंगाचा दर्प.. बीभत्स अन किळसवाणा..
त्याला दूर दूर फेकून द्यावेसे वाटूनही काही न करू शकणे.. एक असहाय्यता.. एक अगतिकता.....

क्षणाला या सर्वांनी परीसीमा गाठली अन धापा टाकतच तो उठला..
उर नुसता धपापत होता.. हाताने अंग नुसते झाडत होता..
मात्र अनुभवलेली झोंबाझोंबीची शिरसिरी शरीराची साथ सोडायला तयार नव्हती..
स्वप्न होते समजूनही त्याला स्विकारायला मन धजावत नव्हतं...

आज त्याला कळलं, तिने काय भोगलं !

- तुमचा अभिषेक

विषय: 
लेखन
शब्दखुणा: 
अभिषेक
सावल्या
शतशब्दकथा
शंभर
Groups audience: 
गुलमोहर - कथा/कादंबरी
Group content visibility: 
Public - accessible to all site users
शेअर करा

जमलीय शतशब्दा !
शतशब्दा लेबलात वाचल्याने शेवट 'हे स्वप्नं होतं' असा असणार असं वाटतंच होतं.
पण हा शेवट वेगळाच.
आवडली कथा.

Submitted by साती on 8 August, 2013 - 10:39

ड्रॅबल म्हणतात ना या प्रकाराला?

चांगला जमलाय! आमच्यासारख्या फाफटपसारा लिहिणार्‍या लोकांचे हे काम नव्हेच त्यामुळे उलट जास्त कौतुक.

Submitted by नंदिनी on 7 August, 2013 - 09:54

नंदिनी __ धन्यवाद, मात्र तुम्ही ज्याला फाफटपसारा बोलत आहात त्याच फॉर्ममध्ये मी हे परवा लिहायला घेतले होते. दिडदोन हजार शब्दांची उधळण केल्यावर मला समजले की `हे' मला जमण्यासारखे काम नाही आणि मला तुलनेने सोपे वाटणार्‍या प्रकारात तोच आशय पोहोचवायचा प्रयत्न केला. Happy

सर्व प्रतिसादांचे धन्यवाद Happy

Submitted by तुमचा अभिषेक on 7 August, 2013 - 11:35

ड्रॅबल म्हणतात ना या प्रकाराला?
>>>>>>>>>>>>>
माझ्याही कानावर हे नाव काही दिवसांपूर्वीच पडलेले पण खोलात शिरलो नव्हतो, आता आपण त्याचा उल्लेख केल्याने गूगाळूनही पाहिले..

http://en.wikipedia.org/wiki/Drabble

Submitted by तुमचा अभिषेक on 7 August, 2013 - 11:43

हो खूप दिवसांनी आणि त्यातही फक्त १०० शब्दांची Wink

मात्र मधल्या काळात ललित लेखनावर होतो.. "सुख म्हणजे आणखी काय असते" यावर ५ लेखांची मालिका लिहिली होती..

Submitted by तुमचा अभिषेक on 8 August, 2013 - 12:24

आवडलं.
चांगला प्रयत्न आहे. (१०० शब्दांच्या मर्यादेत अधिकाधिक परिणामकारक लेखन करणे - हे बर्‍यापैकी आव्हानात्मक आहे!)

आमच्यासारख्या फाफटपसारा लिहिणार्‍या लोकांचे हे काम नव्हेच त्यामुळे उलट जास्त कौतुक >>> Proud नंदिनी, अगदी माझ्या मनचं. थोडक्यात, जेवढ्यास तेवढं आणि फक्त मुद्द्याचं तेवढं - या अटी असतील तर माझं बोलणं, लेखन (आणि वाचनही) मान टाकेल Wink

Submitted by ललिता-प्रीति on 9 August, 2013 - 00:34

(१०० शब्दांच्या मर्यादेत अधिकाधिक परिणामकारक लेखन करणे - हे बर्‍यापैकी आव्हानात्मक आहे!)<< +१
एकदम परिणामकारक!

Submitted by अदिति on 9 August, 2013 - 01:33

हि पण जबरी राव, ,, आज त्याला कळलं, तिने काय भोगलं ! मस्तच

ट्राय मारायला पाहिजे हा प्रकार, लिहून सुद्धा पटकन अन वाचून सुद्ध पटकन..

अवांतर - काही दिवसांनी माबोवर शतशब्दकथा विभाग टाकावा लागणारेसे दिसतेय.. Wink

Submitted by अंड्या on 9 September, 2013 - 04:11

antim ool bhidli...... amanush asta sarva... mhantla tar 100 shabdanch nai tar eka olich.... dukkhala shabdachi garaj naste... manala tya eka vakyane janvun dil... sad but

Submitted by ग्लोरिया on 30 May, 2018 - 07:00