आंबोळ्या

मस्त जाळीदार दिसताहेत आंबोळ्या. नक्की करून ठेवणार मी पीठ पण सुरवातीला निम्म्या प्रमाणातच.

मस्त दिसताहेत. याच प्रमाणात डाळ तांदूळ भिजवून वाटले ( डोशासारखे ) तर जमेल का ?
मिक्सरवर एवढे सगळे दळणे म्हणजे फारच व्याप होईल असं वाटतंय ?

वाँव

वा! जागू .......मस्त! मीही अशाच करते आंबोळ्या.

मस्त दिसताहेत

मस्त दिसतायत.
माझ्याकडेही आईने दिलेलं तयार पीठ असतं सहसा.
मी करताना त्यात ताक, हिरवी मिरची, कोथिंबीर आणि लसूण घालते.
झटपट करायच्या तर तांदुळाची पिठी आणि थोडंसं डाळीचं पीठ मिसळून त्याच्या अशाच घालते.

स्वाती, मी मध्यंतरी तांदळाच्या पिठात थोडं ज्वारी, बाजरी पीठ मिसळून, कुरकुरीतपणाकरता थोडा रवा, त्यात आयत्या वेळी जिरं, ठेचलेला लसूण, ताक वगैरे घालून केलेल्या. त्याही चांगल्या लागतात.

ओके, तशाही करून बघेन.

जागू, मस्त जाळी पडली आहे पहिल्यांदा १० वाट्या तांदूळ वाचल्यावर हबकले. पण नंतर लक्षात आलं की तुमची जॉइंट फॅमिली असल्याने तेवढं प्रमाण तर लागतच असणार

शर्मिला +१
माझ्याकडेही आठवड्यातून २ वेळा आंबोळ्या असतात. मला तयार पीठ ग्राहकसंघातून मिळतं. मी फक्त त्यात लसूण, लाल तिखट किंवा मिरची, मीठ आणि कोथिंबीर घालते. कधीतरी ताक घालते. नेहमी चटणी करतेच असं नाही. सुट्टीच्या दिवशी चटणी, ऑफिसच्या दिवशी दही, टॉमेटो केचप, लोणचं असं काहीही चालतं

आंबोळी भाजली जात असताना मेथीचा दरवळ सुटतो तेव्हा रसना अजून चाळवते.

काय देखणे फोटोज आहेत जागू!
एकदम करायचा मूड आला!

आता वीकेंडला धिरडी (तांदूळ, मूग आणि ह.डाळीचं पीठ घालून) करण्यात येतील..

काय मस्त जाळी पडलीये....

मस्त दिसत आहेत आंबोळ्या ..

वावा... शनिवारी सकाळी सकाळी इतका सुर्रेख आंबोळीचा फोटो... अजून थोडा जोर लावला तर आंबोळी पण मिळेल (:स्वप्नातली बाहुली:)

मस्त जाळीदार आंबोळ्या आणि चटणी. आंबोळ्या नाही पण डोसे करावेच लागणार.
सायो, मी खाल्लेत डोंबिवलीचे अप्पम्, इडल्या, मेदुवडे, डोसा .....माझ्या बहिणीकडे गेले कि एकदा तरी होतेच खाणे.

चला.. जागुली कडे टपकायला अजून एक कारण मिळालं

आंबोळ्यांचे पिठ बनवण्यासाठी तांदूळ व सगळ्या डाळी एकत्र धुवाव्यत व उन्हात वाळवाव्यात. <<<< हे किती दिवस वाळवायला हवंय? मी मंगलोरला असताना एकदा असंच तांदूळ वाळवून त्याचं पीठ एका गुजरातीणीच्या घरघंटीतून करून आणलं तर त्याला चार पाच दिवसांत बुरशी आली, म्हणून हा बावळट प्रश्न.

मंगलोरात गुजराती असण्याचं बुरशीपेक्षा आश्चर्य वाटलं

सायो

नंदिनी, यात डाळी आणि तांदूळ वाळवल्यावर भाजायचे नसल्याने ३-४ दिवस कडक उन्हात खडखडीत वाळवायचे असणार.

नंदिनी सुकवल्यावर तांदुळ आणि डाळ पुन्हा पहिल्यासारखी म्हणजे धुण्याअगोदर होती तशी खणखणीत झाली पाहीजेत. दातात धरुन चावल्यावर डाळ लगेच तुटता कामा नये. तांदळाचा दाणा हाताने तुटता कामा नये. तांदुळ लवकर सुकतो, त्या मानाने डाळ सुकायला बराच वेळ लागतो. शक्य असल्यास वेगवेगळे सुकवावेत. मी तरी निदान पंधरा दिवस कडक उन्हात रोज ठेवते.दोन किलो दळून आणत असल्याने रिस्क घेववत नाही. निट सुकले नसावेत अशी शंका असेल तर झिपलॉकमधे भरुन फ्रिझमधे ठेवते आणि लागेत तसे काढते.

तों पा सु......................

सायो, गुजराती-मारवाडी नाहीत असे गाव कुठाय भारतामधे? इथे चेन्नईमधे तर एक अख्खी बाजारपेठ या लोकांची आहे. सावकारपेट असंच नाव आहे त्या भागाचं.

शर्मिला, पंधरा दिवस सुकवायचे का? मी मागच्यावेळेला दोन तीन दिवसच सुकवले होते. म्हणूनच बुरशी आली असावी. नेक्स्ट टाईम पंधरावीस दिवस सुकवेन. (तेवढाच इथल्या उन्हाचा काहीतरी उपयोग!)

आहाहा ... तृप्त ....

मस्त रेसिपी आणि सुंदर तोंपासू फोटो!! किती छान जाळी पडलीय! (आत्ताच्या आत्ता खायला मिळाली तर किती बरं होईल :स्मित:)
शर्मिलाला पूर्ण अनुमोदन.

मस्त जागु! मी फक्त एकदाच खाल्ल्या आहेत
ज्यांच्याक्डे खाल्ल्या आहेत.त्यांच्याकडे जाड कडा असलेला(बिड) असा तवा होता.त्यांनी आम्हाला पण आणुन दिला,पण आमच्या कडुन काय त्याच्यावर कधी आंबोळ्या झाल्या नाहीत. तो तवा काहीतरी मुरवायला लागतो असे म्हणतात.

आमचे बीडाचे तवे नवर्‍याने मासे तळुन तळुन मत्स्याहारी करुन टाकले.:अरेरे:

जागू खूप धन्यवाद रेशेपीबद्दल. मस्त जाळी पडलीय.:स्मित:

बीडाचे तवे धुवुन त्यावर तेल टाकुन ते पुसुन मग कोरडेच गरम करावे, असे ३ ते ४ वेळा करावे लागते, त्याला सिजनिंग म्हणतात. मग खुशाल वापरा. कारण नाहीतर ते तडकतात.

नंदिनी, पंधरा दिवस सुकवलेस तर भाजणी होईल त्याची
ते मिश्रण इतके सुकवायची आवश्यकता नाही. तुझ्याकडे तर नुसत्या पंख्याखालीही एका दिवसात चांगले खडखडीत वाळतील. इकडे मुंबईतही एका दिवसात वाळतात. उन्हात ठेवलेस तर छान खमंग होईल. मापाची वाटी छोटीच घे. अधूनमधून त्यातून हात फिरवत रहा.

वत्सला, मिक्सरमधे बारीक केलंस तर जितकं जास्तीत जास्त बारीक करता येईल तितकं बारीक करून घे. मग ते पीठ भिजवून ठेव पाच - सहा तास. आणि आंबोळ्या करायच्या आधी ब्लेंडर फिरव त्यात, म्हणजे उरलासुरला रवाळपणा जाईल. इडलीचं पीठ नाही का करत आपण.. तसं होईल साधारण.

सायो, पीठ पाच-सहा तास भिजवून ठेवलं (की आंबतं) म्हणजे त्या आंबोळ्या, आणि आयत्यावेळी पीठ भिजवून केलेली ती धिरडी/ घावन अशी आपली मी मनाची समजूत करून घेतली आहे

सामी, काळ्या वाटाण्याच्या उसळीबरोबर करतात त्या आंबोळ्या तांदूळ्-उडीद्डाळीच्या असतात का? त्याचं प्रमाण सांगशील का? आणि कृतीही... म्हणजे पीठ कितीवेळ भिजवून ठेवावं लागतं वगैरे. मला त्या मऊमऊ पांढर्‍याशुभ्र आंबोळ्या आवडतात. पण करताना तर त्याचा रंग हमखास चॉकलेटी-ब्राऊन होतोच.

अगं जास्त प्रमाणात आंबोळ्यांचं पीठ करुन ठेवताना लागतं सुकवायला जास्त. नाहीतर नाही टिकत.