Name: संत्रा कुल्फी
Cook time: २० मिनिटे
Yield: एकास एक !
Ingredients: दूध साधारण १ मोठा मग. साखर २ चमचे काजू; बदान; पिस्ते; चारोळी यांची एकत्रित पूड १ चमचा (ऐच्छिक) संत्र्याचा गर - २ चमचे

Submitted by _प्राची_ on 9 April, 2013 - 07:30

प्रत्यक्षात लागणारा वेळ:

२० मिनिटे

लागणारे जिन्नस:

दूध साधारण १ मोठा मग.
साखर २ चमचे
काजू, बदान, पिस्ते, चारोळी यांची एकत्रित पूड १ चमचा (ऐच्छिक)
संत्र्याचा गर - २ चमचे

क्रमवार पाककृती:

प्रथम १ मग दूध उकळायला ठेवावे. त्यात साखर व सुकामेव्याची पूड घालून दाट होईपर्यन्त आटवावे.
ते आटेपर्यन्त एक छान केशरी रंगाचे संत्रे घ्यावे. संत्र्याचे साल वरून एक इंच व्यासाच्या वर्तुळात अलगद काढून घ्यावे. मग बोटाने अलगद आतला गर कोरून काढावा. अगदी जसा च्या तसा काढता येणार नाही, थोडा रसही निघेल. तो सगळा एका वाटीत काढून ठेवावा. त्यातून चांगला गर २ चमचे वेगळा करावा. उरलेला रस पिउन टाकावा.
आटलेले दूध गार झाले के त्यात संत्र्याचा गर घालावा.
ते सर्व मिश्रण कोरलेल्या संत्र्याच्या सालात ओतावे. फ्रिजर मधे ठेवून कुल्फी थंड होऊ द्यावी.
वाढताना धारधार सुरीने ४ तुकडे करून द्यावेत.

वाढणी/प्रमाण:

एकास एक !

अधिक टिपा:

अशीच म्ह्णे आंब्याची कुल्फी पण करतात. उत्साही लोकांनी करून पहावी.

माहितीचा स्रोत:

परवा एका पार्टी मधे खाल्ली होते. लगेच घरी येऊन प्रयोग केला.

आहार:

पाककृती प्रकार:

शब्दखुणा:

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा

महाराष्ट्रात जी संत्री मिळतात

महाराष्ट्रात जी संत्री मिळतात ती रंगाने हिरवी असतात आणि साल गराला घट्ट चिकटलेली नसते. ही कुल्फी करण्यासाठी किनु वापरावीत का?

Submitted by मनस्विता on 15 April, 2013 - 06:20

साधना तू बरेच दिवस गायब होतीस

साधना तू बरेच दिवस गायब होतीस म्हणून मी सालींचे फोटो नाही काढले आणि बघ अचानक आलीस
अग आणि मलाही तोच डाउट होता कडवटपणाचा पण आजीबात कडवट नाही लागत.

Submitted by जागू-प्राजक्ता-... on 15 April, 2013 - 06:41

काय कल्पक रेसिपी आहे.

काय कल्पक रेसिपी आहे. धन्यवाद. नक्की करुन बघणार. दिपा तुमचे फोटो थोडे मोठे हवे होते.
जागूचे फोटो (नेहमीप्रमाणेच) अत्यंत आकर्षक!

Submitted by वर्षा on 15 April, 2013 - 07:38

मी दूध आटवत बसण्यापेक्षा घरात

मी दूध आटवत बसण्यापेक्षा घरात असलेले व्हॅनिला आईसक्रीम वितळवून त्यात संत्र्याचा गर घालून ते भरुन ठेवलंय.
आता काय होईल त्याचा फोटो टाकीन.

Submitted by लोला on 15 April, 2013 - 19:49

लोला

Submitted by लाजो on 15 April, 2013 - 21:46

हा छोट्या संत्र्याचा वितळलेले

हा छोट्या संत्र्याचा वितळलेले आईसक्रीम प्रयोग. चांगले झाले, पटकन झाले. संत्र्याचे तुकडे/गर जरा करकरीत लागत होते. गर अजून कमी घालायला हवा होता कारण संत्रे लहान होते.