एक मी अन एक तू

Submitted by वैभव फाटक on 9 March, 2013 - 04:18

दोस्त दोघे एक मी अन एक तू
मी किती करतो गुन्हे पण, 'नेक' तू

लष्कराची भाजताना भाकरी
विस्तवावर हात थोडे शेक तू

पाहुया मासा अता जातो कुठे ?
फक्त पाहुन वेळ, जाळे फेक तू

का तुझी प्रत्येक मैफिल बेसुरी ?
सूर आळव अंतरी दिलफेक तू

पर्वतांवर जायचे आता तुला
पार केल्या टेकड्या कित्येक तू

( वैभव फाटक - १८ जून २०१२ )

---------------------------------------------------

दोस्त दोघे एक मी अन एक तू
सातवी नापास मी, बीटेक तू

घे जरा वाटून कामे आजही
मी चपाती लाटतो अन शेक तू

विषय: 
काव्यलेखन
शब्दखुणा: 
वैभव फाटक; मराठी गझल
Groups audience: 
गुलमोहर - गझल
Group content visibility: 
Public - accessible to all site users
शेअर करा

पाहुया मासा अता जातो कुठे ?
फक्त पाहुन वेळ, जाळे फेक तू... वा !!!

पर्वतांवर जायचे आता तुला
पार केल्या टेकड्या कित्येक तू....क्या बात !!!

Submitted by सुप्रिया जाधव. on 9 March, 2013 - 13:17

दोस्त दोघे एक मी अन एक तू
सातवी नापास मी, बीटेक तू

>>> Rofl

(अवांतर :शुन्य तू अन शुन्य मी अशी बेफींची एक कविता आहे अन त्याचे चैतन्य दीक्षीत ह्यांनी केलेले विडंबन एक तू अन एक मी हे आठवले )

Submitted by प्रगो on 13 March, 2013 - 08:14