दोन क्षणांचा प्रवास जीवन...

Submitted by हर्षल_चव्हाण on 1 November, 2012 - 05:56

आपण आपले भले बुरे,
हवे कुणाला हार तुरे?

उभ्या रहिल्या भिंतीना,
प्रेमाचा आधार पुरे...

घरट्यामधले पिलू मोकळे,
आभाळाची कास धरे...

रोख कुणाचा कसा असावा,
कुणी सांगावे; काय बरे?

गोंधळ जगती फार जाहला,
कानी कोण हे गूज करे?

अफलातून ही दुनिया रे,
खोट्याचेही करे खरे...

दोन क्षणांचा प्रवास जीवन,
जगता जगता सहज सरे...

म्हणून जगणे समजून घ्यावे,
सरल्यावरती काय उरे?
------------------------------------------------------------------------------------
हर्षल (१/११/१२ - दु. ३.२०)

विषय: 
काव्यलेखन
लेखन
शब्दखुणा: 
जीवन
Groups audience: 
कवि आणि कविता
गुलमोहर - कविता
Group content visibility: 
Public - accessible to all site users
शेअर करा

दोन क्षणांचा प्रवास जीवन,
जगता जगता सहज सरे...

<<< वा

(गझलेच्या अंगाने जाणारी चांगली रचना )

Submitted by बेफ़िकीर on 1 November, 2012 - 06:02

आवडली,

Submitted by डॉ.विक्रांत प्र... on 18 January, 2013 - 03:21

कविता सहज सुंदर आहे ,वाचता वाचता कवितेत एक कविता दिसली ती अशी
भले बुरे
हार तुरे
भिंतीना
आधार पुरे..
पिलू मोकळे,
कास धरे
रोख असावा,
काय बरे?
गोंधळ जाहला,
गूज करे
ही दुनिया रे,
करे खरे..
प्रवास जीवन
सहज सरे...
समजून घ्यावे
काय उरे

Submitted by डॉ.विक्रांत प्र... on 20 January, 2013 - 08:28