मैत्री

Submitted by डॉ.विक्रांत प्र... on 15 July, 2012 - 01:45

मिटलेली मैत्री
मिटलेलीच असू द्यावी
उमलली कधी तर
अलगद उमलू द्यावी

मिटलेपणात ही
ती मैत्रिच असते
सुखद स्मृतीचे
पराग हुंगित असते

उचकटून तिला
उगा मरू नको
जपला गंध कोष
उगा जाळू नको

मागुन कुणालाच
कधी मैत्री मिळत नाही
वठलेल्या फांदीवर
फुल कधीच उमलत नाही

ज्याला लोक
जमवलेली मैत्री म्हणतात
त्यांच्या डोक्यात फ़क्त
फायद्याचे हिशोब असतात

विक्रांत

गुलमोहर: 
कविता
शब्दखुणा: 
मैत्रि
शेअर करा

काही चारोळ्या एकत्र केल्यासारखे वाटते.
भावना समजल्या.
टायपो सांभाळा.>>>>>>>मरू की मारू,वठलेल्या की वाळलेल्या
पुढच्या लेखनाला शुभेच्छा!

Submitted by विभाग्रज on 16 July, 2012 - 03:55