गवारीची भाजी- बेसनाचे कोफ्ते घालून - फोटोसह

करून बघितली. मस्त झालीय.
गोळ्यांमधे गावरान कोथिंबीर घातली. गवारीच्या भाजीत मी नेहमी दूध घालते,
आणि गवारीच्या तुकड्यांचा उभा सेक्शन घेते (गवार अगदी कोवळी नसली तर)

मीही करून पाहिली. मी डाळीच्या पिठाची पोळी लाटून छोटे छोटे शंकरपाळे करून मग ते भाजीत घातले. त्यामुळे पटकन शिजली...एकदम छान वाटली नव्या चवीची गवारीची भाजी.

फ्रोजन गवार वापरुन बरी होईल का मैत्रेयी? आम्हाला ताजी नाही मिळत. किंवा असच विचार करत आहे की गवारीऐवजीच अजुन काय वापरता येईल?

वेगळाच प्रकार दिसतोय. करून बघायला हवा.

गोळे करण्यापूर्वी बेसन कोरडे भाजून घेतले तर, गोळे अगदी पटकन शिजतील असे वाटते.

भार्री होते ही भाजी. गवारीसारख्या बोरिंग भाजीचा मेकओव्हरच एकदम!

फक्त करून ठेवली की कोफ्ते रस पितात असं वाटलं. पुढच्या वेळी करताना थोडा जास्त रस ठेवीन भाजीत. तसंच ते शिजले की थोडे फुलतातही असं लक्षात आलं.

मी गवारीची (खरंतर कुठल्याही बीन्स - घेवडा इ.ची) भाजी करताना फोडणीतही थोडा ओवा घालते आणि दाण्याचं कूट घालते भाजी मिळून येण्यासाठी. गवार शिजताना थोडं दूधही घालतात. छान स्वाद येतो त्याने.

सुनिधी, मी फ्रोझन गवार (दीपची) वापरूनच केली. छान होते.

गोळे न तळताच घालायचे आहेत? जर आयत्या वेळी भाजीत घालायचे म्हटले तर शिजणार नाहीत मग.
फ्रोजन गवार बरी वाटते. वेळ वाचतो मोडायचा. तरी ताज्या गवारीची आठवण येतेच येते.

गवारीची भाजी मला कशीही प्रियच आहे. माझी बहिण गवारीच्या कोवळ्या शेंगांचे फक्त टोक काढून घेते आणि नंतर पोळ्या करुन झाल्यात की गरम तव्यावर तेल टाकून शेंगा अरतपरत करते. शेवटी मीठ भुरभुरते. अशा शेंगा कुरकुरीत होतात आणि जेवणाची लज्जत वाढवतात.

मै, मी अरुन पाहीन ही कृती सवडीने मागे कशी एकदा तुझ्या पद्धतीची पावभाजी केली होती तशी

एक व्हेरिएशन सुचवते (मी ही भाजी अजून केली नाहीये).
बेसनाच्या जागी मटर डाळ (वाटाण्याची डाळ असते) थोडा वेळ भिजवून भरड वाटून त्याचे गोळे केले तर जास्त खुसखुशीत लागतात. हे असे गोळे (अर्थातच तळून घेऊन) बरेच वेळा बंगाली पद्धतीच्या रस्साभाजीत वापरतात. फक्त आमच्याकडे त्यात तिखट आणि ओव्याऐवजी कलौंजी घालतात

हो, करून पाहीन नक्की.
वरदा, मटर डाळ म्हणजे कोणती? इथे मिळते की नाही कल्पना नाही.

हो त्या डाळीचा वास थोडा वेगळा असतो. पण कैरी घालून आंबटगोड वरण करायलाही आमच्याकडे हीच डाळ वापरतात.

गवार-भोपळा हे काँबिनेशन सही लागतं .. +१ यात ओवा, हिंग, काळा मसाला, गूळ, सुके खोबरे मस्ट वाटते मला (लसूण टाकून उग्र वाटते भाजी) पण गोळे ऑलवेज वेलकम...

स्वाती, ओवा घालून छान लागतेच. जोडीला मोहरीनंतर थोडे मेथीदाणे आणि ते लालसर झाले की मग लाल मिर्च्या घालून फोडणी करायची. मग ओवा, कढीपत्ता वगैरे. सुकीच छान लागते. ... अतिशय रुचकर होते.

यात बटाट्याच्या चकत्या किंवा लाल भोपळा घालूनही मस्त लागतो. माझी आई लाल भोपळ्याच्या जाड साली काढून त्या बारीक कापून गवारीच्या भाजीत घालते. शिवाय शिजवताना थोडं दूध घालते. पण मेथी-लाल मिर्च्यांची फोडणी मस्ट!

अशी गवारीची भाजी, गरमागरम चपात्या आणि घट्ट दही मस्त लागतं.

>> माझी आई लाल भोपळ्याच्या जाड साली काढून त्या बारीक कापून गवारीच्या भाजीत घालते.
ओह मस्त आयडिया आहे, पुढच्या वेळी नक्की.

नाही, पातळ साल असेल तर चटणीही करतात ना. त्याऐवजी भाजीत.

मेथीदाणे आणि लाल मिर्च्या विसरू नका. गवारीकरता आणि लाल भोपळ्याकरता ते मस्ट!

मला ते गवार-लाल भोपळा काँबि फारसे आवडले नव्हते. गवार-बटाटा खायची सवय असल्याने असेल कदाचित.

अरे.. मैत्रेयी, स्वाती थँक्स.. प्रतिसाद आज पाहिले. फ्रोजन वापरुन करणार.

आत्ताच ही भाजी केली. भन्नाट लागतेय. सगळ्यांना आवडली. उरली तर फोटो टाकते.

थँक्स मै.

नेटफ्लिक्सवाल्यांना भाजी पाठवलीत आणि डिव्हिडी कुठे फ्रिजमध्ये?

डीव्हीडी तिथून हलवून पोस्टात टाकायची कुणी? हा तत्त्वाचा प्रश्न आहे.

>>उरलेल्या शेवटच्या गोळ्यांसाठी मारामारी होते
इकडे मारामारी तर नाही, पण फोटोपुरते ३ गोळेतरी उरवा अशी रीक्वेश्ट केल्या गेली.

मस्त दिसतेय रसाळ भाजी.

गोळे लहान आहेत. शेंगदाणा आकाराचे त्यामुळे डायरेक्ट भाजीत टाकले तरी शिजतील. ही आयडिया छान आहे. बेसन पीठ फॅन क्लबाने नोंद घ्यावी.

मी केली ही भाजी . एकदम मस्त झाली.... कधीही गवार न खाणार्‍या नवर्‍याने चाटुन पुसुन खाल्ली....

धन्स ग बाई...

मी पण आज गवारीची भाजी अशीच बेसनाचे कोफ्ते घालून केली आहे. दुपारी खाल्ली की लिहिते कशी झाली होती ते