नियतीने खेळ मांडिला |

नियतीने खेळ मांडिला |
खेळणे केले मानवाला ||

कोणाला बैसविले धनाच्या राशीवरी |
तर कोणाला मिळेना भाकरी |
तिच्यापुढे मानवही झुकला |
नियतीने खेळ मांडिला ||

कोणास मिळे वाहन अलिशान |
कोणाला मिळेना पादत्राण |
नाही न्याय कोणा कळला |
नियतीने खेळ मांडिला ||

नियती अदृश्य शक्ती ईश्वराची |
जगावरी सत्ता तियेची |
महिमा नाही कोणा उमगला |
नियतीने खेळ मांडिला ||

प्रत्येकाला बाहुले बनविते |
आपुलिया छंदे नाचविते |
खेळविणे आवडे तिजला |
नियतीने खेळ मांडिला ||

व्हावया नियती प्रसन्न |
करावे ईश्वराचे स्मरण |
फक्त ईश्वराचा धाक तिजला
नियतीने खेळ मांडिला