सायकल कुठली घ्यावी...???

चांगल्या दर्जाची साधी पण गियरवाली सायकल ८ हजाराच्या खाली मिळणे कठीण. बाकी काही माहिती मिळाल्यास सांगेनच.

आशु
सायकल महाग झाली आहे हे खरं पण जर खरच इच्छा असेल तर घेच. घेताना खालील गोष्टी पाळाव्यात.
१. किती इंची - २६ की २८ कारण हाईट / अंतर हे सर्व इथे लागू होते.
२. माउंटेन बाईक अजिबात घेऊ नको. (जाड टायर्स असलेली) कारण चालवताना पाय दुखतात व इंट्रेस्ट कमी होतो, तसेच ती जड असते.
३. घेताना हायब्रिड बाईक घे. आजकाल मिळते. तिचे वजन कमी व टायर साधारण रोड बाईक पेक्षा जास्त जाड पण माउंटेन पेक्षा खूप कमी जाड असल्या कारणाने व बॉडी हायब्रिड असल्याने वजनाला हलकी असते व पळवताना मजा येते. तसेच गरज पडली तर सायकल बराच वेळ उचलता येते.
४. जास्त लांब जायचे असले तर २१ गिअर असणारीच हवी कारण मग हवे तेंव्हा प्रेशर कमी जास्त करता येते.

अजून काही असतील तर विचार.

भारतात आल्यापासून बाईकिंग संपलेच. अन्यथा रोज १० ते १५ मैल रपेट मारायचो मी.
- हार्डकोअर बाईक फॅन.

आशु, मी foldman ची cycle घेतलीये. ८००० रु. ६ गीयर्स. सायकल पुर्ण फोल्ड होऊन गाडीच्या डीक्कीत अथवा बस मधे सुद्धा नेता येते (वजन ५-६ किलो). हल्ली रोज सकाळी व्यायाम करतोय. माझी बघुन सोसायटीत दोघांनी घेतलीये.
मोटीवेशन म्हन्शील तर ह्या पद्धतीची सायकल भारतात नवीन असल्यामुळे काही नजरा नक्कीच मागे वळुन बघतील

http://us2kolkata.com/p/Cycles_&_Bikes/BSA_Foldman_Alloy.html अथवा http://www.thehindubusinessline.in/catalyst/2006/03/02/stories/200603020...
येथे माहीती मिळेल

पुण्यात एक सायकल ग्रुप आहे... ह्या लिंक वर बघ..

http://manatale.wordpress.com/%E0%A4%B8%E0%A4%BE%E0%A4%AF%E0%A4%95%E0%A4...

पिवळ्या रंगाची आहे तीच का. कन्सेप्ट भारीये पण ती अगदीच लहान मुलांची वाटतीये रे>> हो तीच. लहान मुलांची नाही वाटत रे. मध्यंतरी लंडन ला गेलो होतो तर तेथे तर ह्या सायकलच खुपच क्रेझ वाढलय. आमच्या ऑफीस मधे बरेच जण असल्या सायकल्स आणायचे

स्लिम बॉडी आणि गिअर्य असलेली व वजनाने हलकी अशी सेकंडहँड सायकल बघावी.पाच हजारात मिळेल.फक्त शोधा जरा.

काही दिवस तासावर भाड्याने सायकल घ्यावी. झेपली तर पुढचे प्रयोग करता येतील.

मस्त धागा !!

काळ्या रंगाची हर्क्युलस बेस्ट !!

काही दिवस तासावर भाड्याने सायकल घ्यावी.
>>> लहानपणी १-२ रुपये तास अशी भाड्याने सायकल घ्यायचो त्याची आठवण झाली..

अ‍ॅटलास बिन गिअरची घ्या. मस्त.

अगदी नेमका धागा काढलास बघ! मीही सध्या याच चिंतनात आहे.. आता या वर्गात येऊन बसतो म्हणजे मलाही माहिती मिळेल.

Coming soooon... आगामी आकर्षणे-
-मायबोली बायकर्स ग्रुपचे माऊंटन बाईकिंग ट्रेक रिपोर्टस्..!
-सायकलींच्या उड्यांचे फोटो!!
-टी शर्ट- टोपीबरोबर आता सायकलसाठी मायबोली मड्फ्लॅप्स..
-सूर्यास्तावेळी तांबूस पाण्याच्या बॅकग्राऊंडवर सायकलींबरोबर काढलेले फोटो..

सायकल वरून भारतभ्रमण, जगाला प्रदक्षिणा किंवा शोर या सिनेमात मनोजकुमार गोल गोल अखंड सायकल चालवतो तसे उपक्रम... हे राहीलं.

सायकल घेऊन चालवणार कुठे हा प्रश्न पडतो.. आसपास जायला सायकल वापरावी असे वाटत राहते

आशु टिळक रोडला कांगो आहे, तिथे जाऊन तुला हवी तशी सायकल बनवून मिळेल का असे विचार... आजकाल मॉडिफाईड व्हेईकलची बरीच चलती आहे. मिळाली तर उत्तमच. बजेट थोडे वर-खाली होऊ शकते, पण निदान मनपसंत सायकल मिळाल्याचं समाधान.

हेम,

चँपा, टिळक रोडलाच "अभिनव कला"च्या चौकात आहे बघ एक मस्त शोरूम...

अरे यात्र्या तिच कांगो सायकल मार्ट

तुला सान्गूका? माझ्या पोराकडे हौसेने घेतलेली गिअरचि सायकल होती, दुर्दैवाने ति चोरीला गेली.
पण नविन घेताना मात्र पोराने सिम्पल विदाऊट गिअर घेतली
नुस्तेच भटकायला हव असेल, तर हलक्यात हलकी, (४ गिअर पर्यन्तचीच) हॅण्डल अ‍ॅडजेस्टेबल असलेली घ्यावी.
सामान वगैरे वहायचे असेल, तर जुन्या पद्धतीच्याच जास्त सुट होतात

घेताना हायब्रिड बाईक घे.>> +१ खूप सोइस्कर पडते.

"कांगो" नाहीये दुकानावर... वेगळंच काहीतरी आहे...

अश्या सायकल ची खरच गरज आहे. पोट सुटत चाललय. :ड
बिग बझार (चिंचवड) मधे रु.६५०० ची बघितली होती ६ गियरची. तिथ थोडि स्वस्त मिळु शकते.

सायकल ला गियर असते हेच आज समजल..
बारावीत पासुन सायकल चालवयच सोडुन दिले... पण माझी सायकल काळ्या रंगाची हर्क्युलस होती...

टिळक रोड वर दोन दुकानं आहेत सायकलची... एक कानगो जे काका हलवाईच्या शेजारी आहे.. आणि दुसरं Cycle Mall जे जयश्री गार्डनच्या शेजारी आहे..

चांगली सायकल योग्य किमतीत हवी असल्यास फडके हौद गाठणे.. सगळ्या प्रकारच्या सायकली मिळतील अशी किमान १५ दुकाने आहेत तिथे..

पहिल्यांदा स्वस्तातली कुठलीही सायकल घ्या .तुमचा फिटनेस सायकलच्या मॉडेल वर अवलंबून नसतो तर ती तुम्ही किती वेळ चालवता त्यावर अवलंबून असतो . सायकल घेताना त्याचे सर्व पार्टस जवळ मिळतात का ते विचारून बघा नाहीतर काही इम्पोर्टेड सायकलींचे पार्टस दोन दोन आठवड्याशिवाय मिळत नाहीत . शक्यतो इम्पोर्टेड च्या नादाला लागू नका .

-टी शर्ट- टोपीबरोबर आता सायकलसाठी मायबोली मड्फ्लॅप्स.. >> हे फार भारी. पण ते बाकी तिन्हीही मस्तच.
मी आपलं उगाच आशु सायकलवर उड्या मारतोय अन कोणीतरी फोटो काढतोय असे इमॅजिन केले. आणि होत माझे सायकलचे प्रयोग / किस्से असा बाफ आहे बहुदा. परत तो वर काढावा.

तुमचा फिटनेस सायकलच्या मॉडेल वर अवलंबून नसतो तर ती तुम्ही किती वेळ चालवता त्यावर अवलंबून असतो . >> मुंबईकर हे खरे असले तरी "सायकल नेहमी चालवणे" हे मात्र कुठली सायकल आहे त्यावरच ठरते. जाडजुड वजनदार वगैरे असेल तर पाय दुखायला लागल्यामुळे पुढे चालविली जात नाही. त्यामुळे घेताना सर्व विचार करूनच घ्यावी. आणि जर १०००० टाकलेच तर मात्र, अरे बापरे १०,००० गेले, आता चालवली नाही म्हणून बायको नक्कीच मारेल ह्या धाकापायी नक्कीच चालविली जाईल.

पण पुण्यात सायकल चालवणार कुठे? हा प्रश्न मात्र गहन आहे.

हाहाहाहा...

आशू, सायकल घेतल्यावर पुण्यात कुठे चालवणार असा प्रश्न आल्यामुळे सायकल दावणीला बांधून मग विकायची ठरली तर मी आत्ताच नंबर लावून ठेवतोय! नाशकात अजून तरी सायकल चालवायला जागा आहे. 8-)