मतदान

Submitted by deepak_pawar on 16 January, 2012 - 09:00

कुणी कुणी येत होतं मतं मागत होतं
हे देऊ ते देऊ, काहीबाही सांगत होतं.

डांबरी रस्ते..घरात पाणी..वीज देऊ
जगासंगे आपणसुध्दा पुढे पुढे जाऊ.

एवढा मोठा माणूस, खोटं कसं बोलेल,
वाटलं होतं गावासाठी काहीतरी करेल.

दिली होती मतं ,आला होता निवडून,
गावामध्ये विजयाचा गुलाल गेला उधळून.

एक वर्षी पाऊस आला सारं काही धुऊन नेलं
दुसर्‍या वर्षी सुका दुष्काळ कुणी नाही बघून गेलं.

अजून गावात वीज नाही रस्त्यात उडतेय धुळ
कधी तरी पेटत असते आता इथली चूल.

पाच वर्षे झाली आता पुन्हा येऊ लागलेत
काहीबाही सांगून पुन्हा मतं मागू लागलेत.

गुलमोहर: 
कविता
शब्दखुणा: 
दीपक.पवार
शेअर करा

आता येऊ घातलेल्या निवडणुकांच्या पार्श्वभूमीवर छान कविता........

Submitted by प्रदीप वैद्य . on 16 January, 2012 - 11:31

दीपकः Excellent !! परिस्थितीवर विचारगर्भ भाष्य करणारी व चटका देणारी कविता.

Submitted by pradyumnasantu on 16 January, 2012 - 11:34

लाखो शेतकर्‍यानी आत्महत्त्या केल्या,पण त्यांच्या नातेवाईकानी निवडुन कुणाला दिल्?
शेतकरी मोर्च्यांवर गोळीबार झाले,त्यात काही गोळी लागून मेले,निवडुन कोण आले?
आपण जर परत परत त्यानाच निवडुन देत रहानार असू तर ते परत परत येनारच,मत मागायला.

Submitted by विभाग्रज on 16 January, 2012 - 19:18

आजवर कितीतरी निवडणुका झाल्या. पण हे वास्तव काही बदललं नाही. बदलणारही नाही कारण ते आपणच निर्माण करत असतो - अपात्र उमेदवाराना निवडुन देवून प्रत्यक्षपणे किंवा मतदानाला न जाऊन अप्रत्यक्षपणे.

कविता चांगली जमली आहे.

Submitted by एम.कर्णिक on 17 January, 2012 - 10:58