पाहिले तर...

Submitted by samurai on 26 October, 2011 - 07:09

पाहिले तर मजकडे सगळेच आहे ,
फक्त हाती माझिया तव हात नाही

हाय इथल्या या निसर्गाला कुणाची ,
की उरी उरलीच कुठली वाट नाही

केव्हढे भरतीस फेसाळून आले ,
पण किनारी ओढणारी लाट नाही

दूर चाफ्याचे मनोहर झाड आहे ,
फुलूनही त्याचे सुकेपण जात नाही

ती फुक्या काही क्षणांची साथ नव्हती ,
काहुनी कळली तुला ही बात नाही

आसमंती बघ खुणा पुसल्या कधीच्या ,
गोठली चंद्रात पुरती रात नाही

गुलमोहर: 
कविता
शब्दखुणा: 
कविता
शेअर करा

कविता थोडीफार गझलसदृश वाटली.
ही द्वीपदी अधिक आवडली.
“केव्हढे भरतीस फेसाळून आले ,
पण किनारी ओढणारी लाट नाही”

Submitted by UlhasBhide on 26 October, 2011 - 08:48