सुरूची बाग

सुरूची बाग म्हणजे समुद्रकिनाराच आहे.. जिथे किनार्‍यावर सुरूची झाडे बहुसंख्येने उभी आहेत.. अजय पाटील या मायबोलीकरांच्या पेटींगमध्येदेखील इकडचे चित्र पाहीले होते.. तेव्हा या ठिकाणाला भेट द्यायची राहिलीच होती.. वसई (पश्चिम) ला इथे एसटी वा रिक्षाने जाता येते.. एसटीने (भाडे प्रत्येकी ७ रु.) गेल्यास वसई शहर स्टॉपला (पापडीच्या पुढचा स्टॉप)उतरायचे.. मग इसको पूछ -उसको पूछ करत पंधरा- वीस मिनीटांत चालत सहज पोहोचता येते.. इथे बहुदा स्वतःची गाडी घेउन जाता नाही येत.. कारण जवळपास एक किलोमीटर अंतराआधी गेट लावला आहे.. रिक्षाने (भाडे अंदाजे प्रत्येकी १६ रु.) आलात तर इथपर्यंतच सोडतो..

इथून मग समुद्रचा आवाजच खेचून घेतो.. सरळ जाणारी वाट नि आजुबाजूला खारफुटी.. असे अंतर पार करताना समोरच सुरूची झाडे डोकावू लागतात.. किनार्‍यापाशी पोहोचलो नि खादाडीसाठी चक्क एकच स्टॉल दिसला.. झोपडीच म्हणा.. एखाद दुसरा टांगा नि दोन तीन घोडे.. बाकी विस्तीर्ण पसरलेला किनारा.. असे दृश्य मुंबईतील समुद्रकिनार्‍यावर फार कमीच दिसते... इथे पोहोचलो नि किनार्‍यावरील ही सुरूची झाडं वार्‍यामूळे समुद्राच्या विरुद्ध दिशेने कललेली दिसली.. उजव्या बाजूपेक्षा डावीकडे जास्त प्रमाणात झाडे दिसत होती... मग तिथेच आधी फेरफटका मारण्यासाठी गेलो.. सुरूची बाग हे नाव खरच उठून दिसते..

प्रचि १

- - -- - - - -

प्रचि २

-- - - -- - -
संध्याकाळी चारची वेळ.. पण वातावरण पावसाळी त्यात उंचपुरी अशी ही सुरूची झाडे.. शिवाय सभोवताली पसरलेली हिरवाई.. इथे फिरायला कोणाला नाही आवडणार...

प्रचि ३

- - -- - - - -
प्रचि ४

(फोटो by 'ती' .. )
- - - -- - - -
इथून मग समुद्र बघतानाही छान वाटते..
प्रचि ५

(ती तिथं उभी.. )
- - - - - -- - -
मग पावले आपसुकच समुद्राकडे वळवली..
प्रचि ६

- - - -- - - -
प्रचि ७ : समुद्रकिनारा नि घोडागाडी हे मुंबईतल्या चौपाटीवरचे नेहमीचे दृश्य.. पण इथे एकच होती..

- -- - - - - -
प्रचि ८:

धावत जाऊन कधी एकदा त्या समुद्राच्या लाटांवर झोकून देतोय.. !! (लहानपणी आम्ही भावंडेसुद्धा अशी शर्यत लावायचो.. आता कधी मित्रांसोबत गेलो तर उलटे धावत जाण्याची शर्यत खेळतो..:P)
------------
प्रचि ९: एकीकडे आकाशात काळ्या ढगांचे आच्छादन तयार झाले..

-----------
प्रचि १०:

-----------
प्रचि ११:

----------
प्रचि १२:हितगुज समुद्राशी..

----------
बरेच फोटोसेशन पार पाडले.. नि पुन्हा कॅमेरा तिच्या हातात दिला.. कारण उडीबाबा कार्यक्रमाची वेळ झाली... मोक्याची जागा बघितली.. नि सरावलो..

प्रचि १३

---------
'ती' आता पहिल्यांदाच असे फोटो काढणार म्हणजे कितीतरी रिटेक घ्यावे लागतील अशी रिस्क होतीच.. पण तरीही चान्स घेतलाच.. नि नशिबाने पहिल्याच क्लिकमध्ये उडी टिपली गेली.. ! क्या बात क्या बात !

प्रचि १४

---------
प्रचि १५: वळ वाळूवरचे..

--------

प्रचि १६: सूर्यास्त दर्शनसोहळा आज बंद राहणार असे सुचवणारे हे दृश्य..

थोडक्यात सांगायचे तर मुंबईतील अजुन एक शांत नि रम्य परिसर.. नक्कीच भेट द्या..
यापुर्वी वसईच्या परिसरात खालील ठिकाणी भटकंती झालेली आहे..
१. वज्रगड - वसईची हिराडोंगरी
२. वसईचा किल्ला - वसई किल्ल्यातील एक रपेट