ऑफिस...

ऑफिस...

ऑफिस म्हणजे काय असते?

ऑफिस एक थेटर असते
कामाचे नाटक जिथे रोज दिसते...
बढती मिळते तेव्हा कॉमेडी असते
बॉसशी वाजले तर ट्रॅजेडी होते...

ऑफिस ही एक शाळा असते
सदैव शिकण्याची जागा असते...
हर प्रोजेक्ट नवी परीक्षा असते
पास झालात तर प्रमोशन असते...

ऑफिस ही एक सर्कस असते
डेड्लाईन्स मिळण्यासाठी जगलींग असते...
रींगमास्टरच्या हातात चाबुक असते
पोटासाठी तारेवरची कसरत असते...

ऑफिस हे एक घर असते
आपली टीम जणु फॅमिली बनते...
आपल्या सुखदु:खात सहभागी होते
हाक मारताच मदतीला धावुन येते...

ऑफिस हे एक देऊळ असते
ऑफिसवर्क हिच पूजा असते...
ट्रेनिंगच्या रुपात शारदा भेटते
इंन्क्रीमेंटच्या रुपात लक्ष्मी येते...

ऑफिस ही एक गुहा असते
रिडंडन्सी ही कृर वाघीण भासते...
आपली शिकार न होवो अपेक्षा असते
आशेच्या किरणाची सोबत असते...

ऑफिस म्हणजे काय असते?
रोज सकाळीची गडबड असते...
वेळेवर पोचायची धडपड असत
आपलीच आपल्याशी शर्यत असते...

ऑफिस म्हणजे नक्की काय असते
शाळा की देऊळ की थेटर असते?
कोणी काहि म्हणा ....पण....
माझे आणि तुमचे सेमच असते ...