तु न बोलता.....

Submitted by जोतिराम on 20 June, 2011 - 09:07

तु न बोलता, मला समजले
मलाच कळले, मला उमगले.....

आठवल्या मग गोड आठवणी
मन झाले मग पाणी - पाणी
पाहुन हास्य त्या ओठावरचे
तुझ्याबरोबर मनही हसले
तु न बोलता.....

प्रिय सखेगं हसलीस जेंव्हा
बहरले मन तेव्हा - तेव्हा
प्रेम तुझ्या त्या नजरेमधले
तु न खुणवता मलाच दिसले
तु न बोलता.....

वाट पाहिली, आलीच नाहीस.
का गं ? माझी तु झालीच नाहीस.
काय प्रेम ते तुला न कळले
मला समजले मला उमजले.
तु न बोलता.....

---------------------जोतिराम

गुलमोहर: 
कविता
शब्दखुणा: 
आठवण
आठवणी
ते प्रेमाचे दिवस
शेअर करा