मी मेल्यावर

मी मेल्यावर काय होईल
स्वप्न बघते एक दिवशी
माझी कविता अनाथ होईल
शब्दही सारे पोरके होती्ल

कुठे गेली माय म्हणूनी
काळीज खोल बडवून घेतील
कल्पनेच्या पंखा्वर बसूनी
शोध माझा घेत फ़िरती्ल

आकाशाचे ही फ़ाटेल ह्रुदय
धरतीला पण कणव येइल
पापणी पापणी ओली होईल
कवितेचाही मग उदय होईल

माझे बरेच गुणगान होईल
आठवाची मग रित होईल
दोन दिवस हाय होईल
आल्या दिवसाची साय होईल

आत तळाला सय जाईल
पातळ पाण्यासम प्रेम होईल
उकळत्या पाण्याची वाफ़ होईल
मला ढगात सोडून येइल
कल्पी जोशी