हेलन - The Dancing Legend!

दक्षे, तुझी लेखणी सध्या बहरात आहे. लेख सुरेख झाला आहे. हेलनबद्दल बर्‍याच नवीन बाबी या लेखातून कळल्या. हेलन कधी उत्तान वाटली नाही यास पुर्ण अनुमोदन. (गुमनाम मधील तिचं वनपीस बिकिनी मधलं गाणं... इस दुनियामे जिना हो तो....) अभिनेत्री म्हणूनही हेलनची कामगिरी चांगली होती यात शंका नाही. त्या काळी हेलनच्या आयटम सॉन्गशिवाय सिनेमा बनुच शकत नाही अशी वंदता होती.
या लिखाणासाठी तुझं अभिनंदन !!! (बाय द वे, गायिका झाली, नृत्यांगना झाली, नाऊ हू इज नेक्स्ट ? )

मस्त लिहिलयस दक्षे
कौतुक, दक्षी सुरैयावरुन हेलनवर आली, पुढचा लेख बहुतेक दुर्गा खोटेवर लिहिणार असेल!

सुरेख लेख

दक्षे, आपल्याकडुन तुला एक जंगी पार्टी याबद्दल
झकास..., आता असाच एक बहारदार लेख शशिकलावर पण लिही ना.

वा दक्षे..लेख मस्त जमलाय...आज मायबोलीवर आल्याचे सार्थक झाले..:)

दक्षे मस्त लेख
हेलनबद्दल बर्‍याच नवीन बाबी या लेखातून कळल्या.
कौतूकला अनुमोदन.

दक्षे, फार छान लेख !!

मास्टर गोपिकृष्णांची मुलाखत बघितली होती. त्यात ते म्हणाले होते की, हेलन एकमेव अशी नर्तकी आहे जिला मादकता दाखवण्यासाठी उगाच ओठ दाताखाली चावा वगैरे प्रकार करावे लागत नाहीत. तिचा मुद्राभिनयच असा जबरद्स्त असतो.

आशाबाईंची तर 'फेवरीट' डान्सर होती हेलन. "पिया तूSSS" किंवा "ओ हसिना" मधला तिचा डान्स विसरणं शक्यच नाही. "लहु के दो रंग" मधे तिने खरच सुंदर अभिनय केला होता. त्यासारख्या आणखी काही भूमिका तिला मिळायला हव्या होत्या. "गुमनाम" मधे देखिल तिचा मुद्राभिनय बघण्यासारखा आहे. त्यामानाने "हम दिल... " मधे बरीच कृत्रिम वाटली ती. असो.

दक्षे, तू हा छान उपक्रम घेतला आहेस, कालच्या गायिका, अभिनेत्रींवर लिहिण्याचा. याच सदरात आणखी बर्‍याचजणांबद्दल वाचायला मिळेल अशी आशा. पुढच्या लेखाची वाट बघतोय. पुलेशु.

दक्षे, एकदम सहि..
आवशीक वाचुन देखवला पहिजे, तिका आजच्या आयटम नट्यांपेक्षा(?) नेहमीच हेलन वरचढ वाटली हा.. खुश होतली..
हेलन कधी उत्तान वाटली नाही >>> अनुमोदन..
आता एक लेख लिव की मधुबालावर.. तुका हवीतर माहिती देती तिची..

दक्षे, आधी सुरैया आणि आता हेलन. मस्त मला अजिबात आश्चर्य वाटलं नाही दक्षे तुझे हे लेख वाचून. तुझ्यात प्रतिभा आहे हे माहित होतं नक्कीच, फक्त वेळ काढून लिहीत रहा.

>>पण जन्मत:च सुंदर अशी हेलन कधीही कमी कपड्यात सुद्धा 'उत्तान' दिसली नाही.

अगदी, अगदी. १०१% सहमत. आयटम साँग हा प्रकार श्रवणीय असण्याबरोबरच प्रेक्षणीय करण्याचं श्रेय संपूर्णपणे हेलनला जातं.

>>माझ्या वाचनात आलं की डॉन मधलं 'ये मेरा दिल प्यार का दिवाना..." हे गाणं जेव्हा हेलनने केलं तेव्हा ती चक्क ४० वर्षांची होती... (वाटते का चाळिशीची ?

मलाही धक्का बसला. ३० ची वाटते जेमतेम.

>>झकास..., आता असाच एक बहारदार लेख शशिकलावर पण लिही ना.

मलाही तसंच वाटतं. हेलन नंतर शशिकला, बिंदू आणि ललिता पवार वर लिहीशील का?

अवांतरः सुरैयावरच्या लेखापेक्षा ह्या लेखाचा फ्लो आवडला

दक्षिणा,
छान लिहिले आहेस.
हेलन चे बर्माहून भारतात स्थलांतर इतक्या सहजासहजी नाही झाले. अनेक दिवस निबिड अरण्यातून पायी वाटचाल करत तिचे कुटुंब भारतात आले. त्या काळात त्यांच्याकडे फक्त पेलाभर तांदूळ होते, रोज ते शिजवून ते फक्त पेज पित आणि तांदूळ सुकवून दुसर्‍या दिवशी वापरत (या आठवणी तिनेच लिहिल्या होत्या.)
गुमनाम मधे , इस दुनिया मे जीना होतो सुनलो मेरी बात आणि इंतकाम मधले ओ जाने जा, हि लताने तिचासाठी गायलेली गाणी.
शिकार नावाच्या सिनेमात ती नृत्यांगना रागिणी बरोबर, तूमको पिया दिल दिया, या गाण्यावर तूफान नाचलीय. (रागिणीला केवळ तिची बहीण पद्मिनीच टक्कर देऊ शकत असे.)
तसेच, दो बदन प्यार कि आग मे जल गये, एक चमेली के मुंडवे तले, हे गाणे पण तिच्यावरच चित्रीत झालेत.
मला वाटते, उपासना नावाच्या सिनेमात, ती अंगभर साडीत वावरलीय.

अर्पिता ची कहाणी अजून करुण आहे, पण ती इथे नको.

फारच छान लेख. हेलनला लाईफटाईम अचीवमेंट चा फिल्मफेअर मिळालाय हे ज्ञात होतं.... पण तिला बेस्ट सपोर्टिंग अ‍ॅक्ट्रेसचा अ‍ॅवॉर्डही मिळालाय हे या निमित्ताने कळालं.

राखी सावंत्,माझा आदर्श ''हेलन'' आहे असं म्हणते तेव्हा तिच्यातली दांभिकता उघडी होते.... हा लेख वाच म्हणावं तिला.....

खूप आवडला लेख....... मंदारशी सहमत... ह्या लेखाचा फ्लो फार छान आहे.

आपली लेखणी निरंतर बहरत राहो.

सुंदर लेख

हेलन आणि दारासिंगवर चित्रीत आशा भोसले यांनी गायलेले "ठाकूर जर्नलसिंग" या चित्रपटातील "हम तेरे बिन जीना सकेंगे सनम, दिल कि ये आवाज है....." हे प्रणय गीतहि नितांत सुंदर आहे.

दक्षिणा,
तुम्ही लिहिलेला हेलन वरचा लेख अगदी योगायोगाने वाचनात आला. खूप छान पद्धतीने संकलित केलेली माहिती, फोटो यामुळे लेख रंगतदार झालाय, रंगीबेरंगी सदराला शोभेल असाच.

तरूण वयात काही स्वप्नातल्या पर्‍या असतात, (ज्या स्व्प्नातच राहतात आणि त्यांनी स्व्प्नात राहणंच योग्य असतं.) हेलन ही आमच्या काळातल्या अशा पर्‍यांमधली एक, जिच्यासाठी काही काही सिनेमा परत परत पाहिले होते. उदा. ’तीसरी मंझिल’, शम्मी कपूर, गाणी आणि हेलन यासाठी ८ वेळा पाहिला होता. लेखात तुम्ही एका ठिकाणी अगदी बरोबर म्हटलंय, की जुन्या सिनेमात हेलन उत्तान कधीच वाटली नाही. पुढच्या काळात काही अपवाद सोडले तर. उदा. ‘मुंगडा’ हे गाणं. हे गाणं पाहताना हेलनला कराव्‍या लागलेल्या तडजोडीबद्दल मला खूप वाईट वाटलं होतं. मेरे हुजूर या चित्रपटात तिला राजकुमार बरोबर एक गाणं आहे. ’यह जुल्फ अगर खुलके बिखर जाए तो अच्छा’. या गाण्याचा उल्लेख, तिचं एक वेगळं गाणं म्हणून व्हायला हवा.

माझी बायको पूर्वी म्हणायची की तिला हेलन सारखी सडसडीत फिगर बनवायची आहे.
अर्थात् ही गोष्ट अंमलात आली नाही हे माझं नशीब. हो ! नाहीतर मला देखील त्या काळातल्या धर्मेंद्र सारखी बॉडी बनवून शम्मीकपूर सारखं ‘रॉक अ‍ॅन्ड रोल’ करावं लागलं असतं.
इथेच थांबतो, नाहीतर लेखापेक्षा प्रतिसाद लांबलचक व्हायचा. (झालाच आहे म्हणा !)

P.S.
लेख लिहून जुन्या आठवणी ताज्या केल्यात त्यासाठी धन्यवाद.
परंतु, मला या लेखाची लिंक न पाठविल्याबद्दल मात्र नाराजी व्यक्त करतो.
माझ्या वि.पू. मध्ये ’इथे रिक्षा ना बंदी आहे’ अशी (पुणेरी) पाटी लावलेली नाही.

उल्हासकाका, प्रतिसाद आवडला आणि संपूर्ण सहमत.

>>नाहीतर मला देखील त्या काळातल्या धर्मेंद्र सारखी बॉडी बनवून शम्मीकपूर सारखं ‘रॉक अ‍ॅन्ड रोल’ करावं लागलं असतं.

मग दक्षिणाने तुमच्यावर देखील लिहीला असता लेख........नै नै...ती बायांवर लिहीत्ये......मीच लिहीला असता

>>माझ्या वि.पू. मध्ये ’इथे रिक्षा ना बंदी आहे’ अशी (पुणेरी) पाटी लावलेली नाही

मस्त लेख !

दक्षे मस्त जमलाय लेख!! खूपशी नवी माहिती मिळाली..
हेलन ला मात देऊ शकेल अशी कोणीही अजूनतरी पडद्यावर अवतरलेली नाहीये..

दक्षे, छान लेख!

>> बाय द वे, गायिका झाली, नृत्यांगना झाली, नाऊ हू इज नेक्स्ट ?
टुणटुण!

>> बाय द वे, गायिका झाली, नृत्यांगना झाली, नाऊ हू इज नेक्स्ट ?
टुणटुण>>>>>>>>>

रच्याकने, टुनटुन ही गायिका होतीच की. उमादेवी. ( मेरे पिया गये रंगून )

हेलनची एवढीच गाणी?
मेरे पिया गए रंगून साठी पडद्यावर निगार सुलताना आनि आवाज शमशाद बेगमचा.
उमादेवीने गायलेले गाणे अफसाना लिख रही हूं दिले बेकरार का
आंखों में रंग भरके तेरे इंतजार का

हेलनचा १ फोटो खुपच सुरेख आहे.

मस्त लेख !
उल्हासकाका, तुमचा आख्खा प्रतिसादच भन्नाट आहे

दक्षिणा, खुप छान लिहिलयस.

दक्षे, हेलन माझ्या आवडत्या नट्यांपैकी एक (नटी अशासाठी की नृत्याबरोबर ती मुद्राभिनयात पण निपुण होती). मला ती प्रचंड आवडायची/आवडते. बर्‍याच ज्ञात नसलेल्या गोष्टी तुझ्या लेखाच्या निमित्ताने कळल्या.
आताच्या सो-कॉल्ड हिरॉईन्स तिच्याकडुन एक टक्का जरी घेवु शकल्या तरी नशीब त्यांच.
अवांतर -
माझ्या वि.पू. मध्ये ’इथे रिक्षा ना बंदी आहे’ अशी (पुणेरी) पाटी लावलेली नाही - काका ही पाटी पुणेरी असली तरी लावणारे लोक पुणेरी असतातच अस नाही. माझ्या पाहण्यात तरी पुण्याबाहेरचे लोकच जास्त ह्या पाटीचा उपयोग करतात.

हेलनचा १ फोटो खुपच सुरेख आहे. >> दक्षे तू सुद्धा असा फोटो काढून घ्यायला हरकत नाही.

लेख सुंदरच झालाय.. पुर्वी घरी दुरदर्शन असायचे तेव्हा रविवारी रंगोली हा प्रोग्राम असायचा अन त्यात हेलनचं एखादं गाणं हमखास हसायचं.

पिया तू अब तो आजा... ! ... अप्रतिम गाणं.

दक्षे.. छान लिहिलं आहेस. सुरीली सुरैय्या , हेलन .. आता कोण ?

दक्षिणा,

कुप छान लेख आहे तुमचा. आता सुरय्या पण वाचायला हवा.

दक्षे मस्तच लेख

छान लिहिलयस!!!

दक्षे एकदम झक्कास लिहिल्येस..

हेलन मलाही भारी आवडायची. तेव्हा चित्रपटात तिचे एकतरी गाणे असायचेच. रविवारी संध्याकाळी चित्रपट पाहिला की दुस-या दिवशी माझ्या आईच्या शेजारणीशी दुपारी ज्या गप्पा चालत त्यात हेलनने घातलेले कपडे हा विषय असायचाच असायचा. कसली कसली पिसे खोवलेले आणि अजुन काय काय त-हेने रंगवलेले तिचे कपडे आणि नंतरच्या चित्रपटातला तिचा मेकप हा खास चर्चेचा विषय असायचा. आणि वर हे सगळे त्या बयेलाच शोभते, दुस-याने केले तर आचरटपणा वाटेल ही टिप्पणी

हेलनने सुरवातीला सोज्वळ भुमिकाही केल्यात. दो बदन प्यार की आग मे जल गये, एक चमेलीके मंडवे तले' सोडुन 'हम हिंदुस्तानी' या चित्रपटातही तिची सोज्वळ भुमिका आहे. तिला अशा भुमिकेत बघुन मला तेव्हा धक्काच बसला होता... धरम-हेमाच्या तुम हसिन मै जवान मध्येही तिचा थोडासा अनग्लॅमरस असा रोल आहे. ती एका मुलाची आईही दाखवलीय त्यात बाकी सगळीकडे मात्र मी तिला डान्सर म्हणुनच पाहिलीय. किचकवध या मराठी सिनेमात गोपीकृष्णाबरोबर नाचलीय.

दक्षे, झकास लेख!! लई म्हंजे लईच आवड्या
आपल्या चित्रित होणारे गाणे असेल तर आवर्जून येऊन सांगणारी एकमेव कलाकार असा तिचा उल्लेख आशाबाईंनी केला आहे.
नव्या डॉनमधले करिनाचे 'ये मेरा दिल' हेलनच्या ओरिजिनल कामाच्या जवळही जात नाही, त्याहूनही भकास प्रकार म्हंजे, उर्मिलाचे नवे 'मेहबूबा-मेहबूबा'.