पाककृती हवी आहे. माहिती आहे का? -१

दादरला दुकान आहे ना स्वामी समर्थ , तिथे १०-१२ वर्षापुर्वी चितळ्यांचे बरेच काय नी काय मिळायचे.
माझा अंदाज होता की तिथे ट्राय करायचे. पन खात्रीशीर सोर्स करून येइल तर बरे.

दादरला मठाच्या गल्लीत गोडबोले स्टोअर्सच्या समोरच्या दुकानात सकसची सगळी उत्पादने मिळतात.

पराग, ठाण्याचे पत्ते पण टाक.. कोणी वितरक नसतील तर मी होऊ का ठाण्यातली वितरक?

आता मला दादरला जावं लागणार तर शेवटी...

मनु, रागावू नकोस पण कुठलंही पीठ जुनं झालं की खराब होणारच. भारतात घेतलेलं असो की अमेरीकेत...

बहुधा मैत्रीण अपना बाजारच्या ब्रॅडची नातेवाईक असेल. >> पीठ कसे का असेना ही प्रतिक्रीया नक्कीच खवट आहे. असे नातेवाइकांच्या रेकमेंडेशनने कोणते प्रॉडक्ट विकले जाते? त्याची आपली गुणवत्ता असते. एका उद्योगाची कीर्ती बनवायला वर्षानुवर्षे जातात. घरबसल्या रॅगिंग करायला काय.

अमामी, ते गमतीने लिहिलय. इतके काय मनावर घेताय. रँगिग वगैरे अतीच शब्द आहे. उगाच कुठल्या कुठे विषय कशाला नेताय? कोणाला नाव नाही ठेवत आहे.
word of mouth एकलेय ना मग तसेच कोणीतरी सागितले होते.

मंजू, नवीन पाकिट फोडलेले होते .. असो. इथे काहींना उगाच अर्थाचा अनर्थ करायची सवय असते.

मनू, पाकिट नवं फोडलंस पण आत पीठ भरून किती महिने झाले होते?
तुझ्याच असं नाही पण बऱ्‍याच जणांच्या पोस्टमधे भारत आणि अमेरीकेत मिळणाऱ्‍या उत्पादनांविषयी तुलनात्मक तक्रार आढळते. ती खटकते एवढंच... बाकी काही नाही.

अरे बापरे इथे भारत नी अमेरीका वर गाडी घसरली. मी कुठे म्हटले की अमेरीकेतच चांगले मिळते व भारतात खराब. मी लिहिता लिहिता सांगितले की लक्ष्मीचे आणले शेवटी ,मला लक्षात देखील आले नाही लोकं इतका वेगवेगळा अर्थ काढतात. उलट इथे अमेरीकेत मी पीठ घेत नाही कारण ती आणखी जुनी असतील म्हणून भारतात जावून'च' अशी खास पीठ एकदम उचलून आणून स्टॉक करते.

कमाल आहे बाकी लोकांची.... खरेच. आताबस करा ते पुराण. नाहीतर आणखी कोणी अमेरीकेचा प्रेमी उपटायचा. ..

सकस ची बरीच उत्पादने मालाडला केतकरान्कडे (गोन्दवलेकर महाराजान्च्या मठाजवळ) मिळतात.

कणकेचे पौष्टीक लाडू कसे करायचे...
साखर घातली तर ते वळतात का... माहिते क कुणाला?

कणिक तुपावर खमंग भाजून घ्यायची आणि गार झाली की त्यात पिठीसाखर मिसळायची आणि लाडू वळायचे. इकडे कृती आहे:

http://www.maayboli.com/hitguj/messages/103383/115674.html?1157119366

कणकेचे लाडू अगदी बेसन लाडवाप्रमाणेच करायचे. तूप पुरेसे असेल तर नीट वळतात हे लाडू.

तांदूळाची पिठी, कणीक, नाचणीचे पीठ हे सर्व लाडू बेसनाच्या लाडवाप्रमाणेच करता येतात.

मंजु, मिनोती धन्यवाद

कमळकाकड्यांची सिंधी पद्धतीने करायच्या कढीची पाकृ कोणास माहिती असल्यास कृपया सांगावी. नेटावर बरेच गुगल्ले. नाही सापडली!
धन्यवाद!

मंजुडी एकदा मी कणिक मध्ये सोयाबिन पिठ मिक्स करुन लाडू केले होते.

पदार्थ जर ह्या शनिवार रविवार केले तर दिवाळीपर्यंत चांगले राहतील का ?

जागू, दिवाळीपर्यंत शिल्लक राहतील का?

किट्टु कणकेचे पौष्टीक लाडू करायचे असतील तर साखर न घालता गुळ किसुन घाल. किंवा गुळ पावडर मिळते ती घाल. त्यातच डिंक तळुन चुरुन घालता येतो. मी मागच्याच आठवड्यात लेकीसाठी केले होते. त्यात मी थोडं खोबरे किसुन भाजुन आणि बदाम पावडर पण घातली होती. अर्थातच कणीक जास्त आणि बाकी सगळे कमी.

दिवाळीपर्यंत गोड पदार्थ केले तर शिल्लक राहतील ते करु का ?

मी रविवार २४ लाच बाजार करुन लगेच सुरवात करणार आहे.. दिवाळीच्या पदार्थांची पुर्वतयारी करतानाही कंबरेचे आटे ढिले होतात. सगळे साफ करा, धुवा, सुकवा, भाजा मग चक्कीवाला किती वाजता भाजणी टाकणार आहे ते विचारा. मग त्याच्याकडे उभे राहुन भाजणीवर लाडवाचे पिठ टाकत नाहियेना ह्याची काळजी घ्या... देवा रे..... हल्ली काही बायका सगळे विकतचे आणतात तेच बरे असे वाटायला लागते.

पण विकतचे आणुन इथे पुरणार कोणाला? आमच्याकडे शेव/चकली/चिवडा यांचे डबे मुलांच्या हाती लागतील असेच ठेवावे लागतात. दिवसभर येताजाता चरणे चालु. गोडाला गि-हाईक नाहीये

आणि खाताना आपल्या पदार्थांची आठवण येत राहणार त्याचे काय? मी एक दिवाळी विकतच्या पदार्थांवरही केलीय

बित्तुबंगा, मला कमल काकडी कढीची ही लिंक मिळाली, सिंधी पध्दत आहे वा नाही कल्पना नाही : http://www.kitchentantra.com/2010/01/kamal-kakri-kadhi-lotus-stem-curry....

ओके आस धन्स

धन्यवाद अरूंधती

अरे, हे मी आजच वाचले, मी माझ्या दोन्ही मुलींसाठी सकस चीच पीठे वापरते, जेव्हा पुण्यात जाते तेव्हा आणते. श्री उपहार गृहासमोरच्या गल्लीत आहे त्यांचे दुकान. मी बरीच वापरली आहेत, आणि मी खुश आहे त्यांच्या क्वालिटीबद्दल. :). ते पराग चे नातेवाईक आहेत हे माहीत नव्हतं.

ती कढी सिंधी वाटत नाही अकु. इथे मी पुर्वी सिंधी बेसन करी लिहिली होती. त्या पद्धतीने करता येईल.

खारे शंकरपाळे बनवण्याची कृती कोणी सांगेल का प्रमाणासकट? मागे एकदा मी बनवले होते, पण ते खुपच वाईट बनले

दिनेशदा, मलाही ती रेसिपी सिंधी मुळीच वाटली नाही...पण ककाचीक असल्यामुळे लिंक दिली!
सकसची पिठे चांगली असतात. आमच्याकडे सकस आणि अग्रजची पिठे झिंदाबाद! दोन्हींचा दर्जा उत्तम आहे. मुख्य म्हणजे आजकाल पुण्यात ती अनेक दुकानांमध्ये उपलब्ध असतात.

उकडीच्या मोदकाला आमच्याकडे सकसचीच तांदूळ पिठी असते गेली काही वर्ष!

माझ्याकडे सुध्दा रोजच्या वापरात सकसचीच पिठं असतात. Gr8!