मासे १४) जिताडा

वा.. सुगंध इतपर्यंत पोचला.

मी अलिबागला गेले होते तेव्हा खाल्लेले जिताडे. मस्त लागलेले.

एकदा बेलापुरच्या मासळी बाजारात मोठा जिताडा दिसला. (३-४ फुट लांब आणि १ फुट रुंद) मी घेऊ का असा विचार करत असताना एक म्हातारे जोडपे आले, त्यातल्या आजोबांनी जिताड्याचा एक खवला काढला आणि तो दाबुन बघितला आणि मग काहीच न बोलता पुढे निघुन गेले.

मी अंदाज मारायला हवा होता, पण आम्ही शहाणे पडलो ना.. मी अर्धा किलो विकत घेतला. घरी आल्यावर वेजिटेरियन पाहुणे जेवायला येताहेत असा फोन आला म्हणुन जिताड्याला फ्रिजरमध्ये ठेवले. दुस-या दिवशी त्याला बाहेर काढुन मस्त तळले आणि खायला घेतले तर काय... तुकडा अगदी रबरी झालेला. दातानी अजिबात तुटेना, कसाबसा अर्धा तुकडा खाल्ला आणि उरलेले १/२ किलो तुकडे मांजरीच्या स्वाधिन केले. तिनेही तुकड्यांचे मांस जितके जमेल तितके खाल्ले आणि उरलेले खायला स्वतःच्या धष्टपुष्ट बॉयफ्रेंडाला बोलावले............... तेव्हापासुन मासा घेताना आधी इतर कोणी त्याच्याकडे नापसंतीचा कटाक्ष टाकत नाही ना ते पाहते

बरेच दिवसांनी जिताडे बघितले

मी हल्लीच एक हेल्दी बदल शोधलाय.

माशांना मसाला लावलास तिथपर्यंत सगळ्या स्टेप्स करुन नंतर तळायचे ही शेवटची स्टेप करायची नाही. आपण मोदक कसे उकडतो तसे हे मसाला लावलेले मासे उकडायचे. माझ्याकडे राईस कुकर कम स्टिमर आहे त्यात हळदीची किंवा केळीचे पान ठेऊन त्यावर मासे १०-१२ मिनिटे उकडते. चवीला सेम तळल्यासारखे लागतात आणि तळलेले खायचेही टळते.

तु पिठ न लावता तळते. मी मासे बारीक रवा किंवा तांदळाच्या रवाळ पिठात घोळवुन तळते. आता घरातल्यांनाही उकडलेले खायची सवय लावणार. मला आधी वाटले की उकडल्यावर आमटीतल्या माशासारखा लागेल (आमटीतला जरा चवहीन होतो, त्याची चव आमटीत उतरते). पण हा खरेच अगदी तळल्यासारखा लागतो.

मला नाय खरं वाटत साधने. बनवून खायला घाल बघू.

६ तारखेला चालेल काय???

बारा महिने तिन्ही त्रिकाळ साधने. अट एकच. चांगले बनव

डोळ्यात लाईटिंग केलंय का?
पुढचे फोटु बघवत नाहीत. पण जागू, हजेरी लावली हं.

अग जागू तुझ्यामुळे जवळजवळ २० वर्षांनी जिताड्याचे दर्शन झाले. खायचा योग कधी येतो कुणास ठाऊक.

न येणार्‍यांनाच आमंत्रण देते जागमाता. घे ग माये.

को: जागरति ?

किती दिवसांनी ऐकला / पाहिला हा मासा. तों पा सु !

स्वगतः भारतात आल्यावर तुमच्याकडे जेवणाचं आमंत्रण मिळवायला काय बरे करावे

स्वगतः भारतात आल्यावर तुमच्याकडे जेवणाचं आमंत्रण मिळवायला काय बरे करावे

काहीही करु नका, फक्त विमानात बसा म्हणजे झाले..

वा वा! काय दिसतय कालवण (?) !!! मस्त ! ह्या सगळ्या माश्यांची नावं माझ्या बकेट लिस्टात मी लावू म्हणत होतो पण मग तर किती वर्ष जिवंत रहावं लागेल काय माहीत?

वा वा ! हे मी खाल्लेत खुप. पेणला. वा काय मस्त आठव्ण दिलीस जागू
चला एकतरी पदार्थ जो जागूने लिहिला अन मी आधीच खालाय
फोटु तोंपासु, :हावरट बाहुली: :जीभल्या चाटणारी मांजरः ......

जागू, मस्तच दिसतेय कालवण आणि तळलेले मासेपण
जिताडा फारच चविष्ट लागतो. खाऊन बघुन जमाना लोटलाय आता. तुझ्याकृपेने निदान बघायला तरी मिळतायत...

जागू, काय मस्त लागते जिताडी. डोंबिवलीला 'कोकण किंग' नावाचे आगरी लोकांचे हॉटेल आहे तिथे कळव्याच्या खाडीतली ताजी जिताडी मिळते म्हणून नणंदेच्या मिस्टरांनी अगदी हौसेने आम्हाला तिथे नेले होते. अशा शॅलो फ्राय केलेल्या तुकड्याच घेतल्या होत्या. मी आणि माझ्या भाचीने चापून खाल्ल्या

जिताडं खूप चवदार लागतात कारण समुद्रातून गोड्या पाण्यात्(शेतात) येतात तेव्हा चवदार लागतात.
खूप मोठे कधीच घ्यायचे नाही. जी पिल्ले असतात ना.

मासा चिवट होतो ज्यास्त तळले की कारण त्यात असलेले प्रोटीन. हलकेच ३ मिनीटे एका बाजूला मग दुसर्‍या बाजूला तळायचा. रवा मिश्र तांदूळाच्या पीठाने कुरकुरीत होतात.

साधना, मी येतेय तेव्हा हे घालणार का खायला?

तारळी, कर्ली, मांदेली, राणे, रावस,सुरमय,बांगडे,कालवं, मोदकं,चिंबोरी? इकडचे खेकडे तेवढे काही खास नाही लागत.... हे दुर्मिळ मासे जे मला इथे कित्येक वर्षात नाही मिळाले ते मिळतील का आता तिथे?

जागू, मांदेली टाक ना.. नुसते चित्रे बघून पोटं भरू. मांदेली मिळते ना अजून भारतात?

मांदेली गॅस वरून तळल्या तळल्या अख्खी तोंडात. मी तर गॅस जवळच उभी असायचे आई तळत असताना.

अरे वा आले का जिताडे !
जिताडे हा भेट देण्याचाच मासा आहे. तो सहसा बाजारात विकत नाहीत. भातशेतीतले जिताडे, तांदळाची फुले खाऊन वाढतात. त्यांचा रंगही वेगळा असतो. आणि त्यांना तिथे नैसर्गिक शत्रू नसल्याने ते भराभर वाढतात.

रस्सा फारच सुरेख दिसतोय!

मनु.. घालणार ना खायला.. मीही मासे आणेन त्या निमित्ताने.

मांदेली गॅस वरून तळल्या तळल्या अख्खी तोंडात
माझ्याही घरात सेम. माझी लेक ताट हातात घेऊन माझ्या बाजुलाच उभी असते. तव्यावरुन डारयेक्ट ताटात, ताटातुन पोटात

मला शिल्लकच उरत नाहीत असे काही करायला. आधी एक वाटा घ्यायचे, आता दोन वाटे घेते, तरीही माझ्या वाट्याला काहीच नाही मांदेलीच्या प्रेमापुढे लेकीला आईही दिसत नाही..