मासे ८) कालवं

फोटो ?

जागुतै आपण थोर आहात. मस्त चव असणार.

मी या विकांताला माश्याच्या दुकानाला भेट दिली. तिथेल्या यादीत हे नाव होते. आता करुन पहाणार

जागु, फोटो पाहून मनात "कालवाकालव" झाली

जागु आमच्याइथे नाहि मिळत कालव आम्ही त्याला कालवाचे गोळे म्हणतो . माझ्या नणंदेने दिले होते एकदा करून , खुप छान लागले होते .

जागु, बाजारात कोळीण ताटलीत थोडे पाणी घेऊन त्यात असेच दिसणारे काहीतरी घेऊन बसलेली असते, ते जीव म्हणजेच ही कालवे काय???

कालवाची एक बाजू खडकाला चिकटलेली असते, त्यामुळे ते आयूष्यभर एकाच जागी असते. मालवणला सुकतीच्या वेळी, काकी स्वतः जाउन कालवे आणायची. तिकडे मुबलक मिळतात ती.
माझे चुलतभाऊ तर ते कच्चेच खायचे. अंडी फोडून आमटी करतात, तशी त्याची आमटी व्हायची, आमच्या घरी.

कालवांचं गरम मसाल्याचं दबदबीत (म्हणजे घट्ट) कालवण!! यम्मी!!

मस्त जागू.. तोंपासू

जागू, लहानपणचे दिवस आठवतात कोकणात घालवलेले. आम्ही तर नुसती उकडून खायचो कालवं. माझ्या आईच्या हाताला अशी चवं होती न कोणताही पदार्थ केला की चवदारच असायचा. मच्छीचं कालवण, सोड्याची खिचडी, सुक्या बोंबलाच मिरवणी. तिच बघून करायला शिकले पण तिच्या हाताची चव कधीच उतरली नाही.

आर्च, आईच्या हातची चव उतरायला तीच्या हातचा मार पण खावा लागतो.

असुदे!

इथे मिळणारे ऑइस्टर्स म्हणजे कालवंच न?

आता मला तुझा चक्क हेवा वाटायला लागलाय बरं
असुदे, >>>जागु, फोटो पाहून मनात "कालवाकालव" झाली<<< अगदी अगदी

जागु तु महान आहेस _/\_
सुगरण आहेस..

जागू, काय एकेक रेसिपी असतात तुमच्या. अगदी तोंपासु
असुदे, तुम्हाला हल्ली जिथे-तिथे मारच दिसतो. ( पांशा : तुम्हाला खावा लागतो म्हणून ) का हो ? : खूप मोठ्ठा :

अगो. दिवे राहूदेत. मार खाउनच वाढलो म्हणेनात....

जागू तू आम्ही सारे खवय्ये मधे पाठव ना तुझ्या रेसिपीज.

तोंपासू एकदम

ऑयस्टर्स म्हणजेच कालव, असे मला वाटते.
कालवाला खुप कच असते (म्हणजे दगडांचे कण). नीट साफ करावे लागते.

पातेर्‍यामधे भाजलेली कालवं आणि चपाती.. आहाहा...

<< भ्रमर, गरम मसाला टाकुनही छान होत सुक. >> मीं तर असंच खाल्लंय. वरील पद्धतही करून बघायला हवी.
[ थोडं विषयांतर : लहानपणीं आमचे समुद्रकिनारीं रहाणारे एक नातेवाईक आमच्या आजोळीं पाठीवर गोण घेऊन हजर झाले. मग खळ्याच्या बाहेरच तो गोण त्यानी रिकामा केला . आम्ही बघतो तर त्यांत नुसते काळपट दगड ! मग कोयतीने कोचून त्यानी त्यातून काळजीपूर्वक एकएक कालवं काढलीं. हा कार्यक्रम पाऊण एक तास चालला होता. घरातल्यानी आधी चहा ,फराळ घ्यायचा आग्रह केला तर टिपीकल मालवणीत ते म्हणाले, " पोरांसाठी मुद्दाम फाटफटी उठान ह्यां काढून आणलंय; त्येंच्या घशाक काय लागांक नको म्हणान स्वतः साफ केल्याशिवाय चाय गोड नाय लागाचो माकां ! ". पण तो सगळा प्रचंड उपदव्याप पाहून आमचा त्यातला इंटरेस्ट जरा कमीच झाला होता. आज कोळणींकडे ताटलींत ठेवलेलीं स्वच्छ कालवं पाहिलीं कीं त्यामागची मेहनत कळते व ' पोरां'साठी पहांटे उठून खडकांतून तें सर्व उचकून काढून ,पुढचा हा सगळा घटाटोप करणार्‍या त्या नातेवाईकांची मायाही तीव्रतेने आठवते व जाणवते..]

मला एका मामाने आणून दिलीत कालवं. पण ती साफ कशी करायची हेच कळत नाहीये,

खूप ऐकलंय कालवांबद्दल , खाल्ली नाहीयेत ..बरं केलंस जागू ही कृती , प्रचि टाकून.

कालव कोशिंबीर कशी करायची ते कोणाला माहीत आहे क? गोवंडीच्या नीलदुर्गमधे खाल्ली होती.

कालवं आणि तिसर्‍या हे दोघं वेगवेगळे आहेत की एकच आहेत ???????

त्या दोन वेगळ्या गोष्टी आहेत.. कालवं (Oysters) ही खडकांवर तयार होतात. तिसर्‍या, खुबे, मुळे, शिंपले इत्यादी Shell मधे असतात. हे Shell माती मधून काढले जातात.